Aleksandr Beqlov

Putin Sankt-Peterburqu keçmiş bakılıya tapşırdı

563
(Yenilənib 16:46 04.10.2018)
Aleksandr Dmitriyeviç Beqlov 1956-cı il mayın 19-da Bakıda doğulub

BAKI, 4 oktyabr — Sputnik. Rusiya prezidenti Vladimir Putin Aleksandr Beqlova müvəqqəti olaraq Sankt-Peterburq qubernatoru vəzifəsini icra etməyi tapşırıb.

Sputnik Azərbaycan Rusiya KİV-nə istinadla xəbər verir ki,  Putin bu qərarı Beqlov və Peterburqun bir müddət əvvəl istefaya göndərilən qubernatoru Georgi Poltavçenko ilə  üçtərəfli görüşü zamanı verilib. Putin Beqlova seçkidə Sankt-Peterburq qubernatoru vəzifəsi uğrunda mübarizə aparıb-aparmayacağını da müəyyənləşdirməyi təklif edib.

Buna qədər Beqlov Şimal-Qərb federal dairəsində Rusiya Federasiyasının prezidentinin səlahiyyətli nümayəndəsi vəzifəsində çalışıb.

Aleksandr Dmitriyeviç Beqlov 1956-cı il mayın 19-da Bakıda doğulub. Onun atası İkinci Dünya Müharibəsinin iştirakçısıdır. Maraqlıdır ki, keçmiş qubernator Georgi Poltavçenko da Bakıda doğulub.

Beqlov qubernator postunu 2019-cu ilin sentyabrına kimi tutacaq. Gələn ilkin sentyabrında qubernator seçkiləri keçiriləcək.

563
Teqlər:
Aleksandr Beqlov, bakılı, qubernator, təyinat, Rusiya prezidenti Vladimir Putin, Sankt-Peterburq
Fransa bayrağı, arxiv şəkli

Fransadan Azərbaycana jest

25
(Yenilənib 09:48 18.01.2021)
2019- cu ildə yaradılmış “Böyük Məqrəb” Assosiasiyası humanitar təşkilat olub müsəlman ölkələrinə dəstək göstərir.

BAKI, 18 yanvar - Sputnik. Fransanın müsəlman icması Azərbaycan xalqı ilə həmrəyliyini nümayiş etdirib.

Sputnik Azərbaycan-a daxil olan məlumata görə, Fransada fəaliyyət göstərən “Böyük Məqrəb” Assosiasiyası Azərbaycana humanitar yardım göndərib.

Yardıma əsasən tibbi təhcizat və tibbi avadanlıqlar daxildir.

Qeyd edək ki, 2019- cu ildə yaradılmış “Böyük Məqrəb” Assosiasiyası humanitar təşkilat olub müsəlman ölkələrinə dəstək göstərir.

25
Teqlər:
Fransa
Mumiya, arxiv şəkli

Misirdə üzərində ginekoloji əməliyyat izi olan mumiya aşkarlanıb

22
Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

BAKI, 17 yanvar — Sputnik. Qədim Misirdə üzərində ginekoloji əməliyyat izi olan mumiya aşkarlanıb.

Sputnik Azərbaycan xarici mətbuata istinadla xəbər verir ki, Qranada və Xaena universitetlərinin alimləri qadın mumiyası üzərində apardıqları araşdırma zamanı məlum olub ki, qadın ginekoloji əməliyyat keçirib.

Mumiyanın bizim eradan əvvəl 1878-1797-ci illərə aid olduğu bildirilir. Həmin şəxs sağlığında çanaq sümüyündən ciddi zədə alıb və güclü xəstəlikdən əziyyət çəkib. Yerli təbiblər onu sağaltmağa çalışıblar. Onlar qadın üzərində "fumiqasiya" əməliyyatı aparıblar. Belə ki, yaraya toksiki maddələr verərək, mikrobları öldürməyə çalışıblar.

Qeyd edək ki, bu üsul indi ancaq bitkilər üçün həyata keçirilir.

Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

Çünki həmin dövrdə Sattjeni əhali arasında populyar ad olub. Mumiya qaya məzarlığında aşkarlanıb. Orada 11 yaxşı vəziyyətdə qalmış mumiya olub.

22
Bakıda sulu qar, arxiv şəkli

Hava dəyişəcək, çovğun olacaq

0
(Yenilənib 11:58 18.01.2021)
Yanvarın 20-21-də çovğun olacağı, dağlıq və dağətəyi rayonlarda yolların buz bağlayacağı ehtimal olunur.

BAKI, 18 yanvar — Sputnik. Yanvarın 19-u axşamdan başlayaraq 21-i axşamadək hava şəraitinin dəyişəcəyi, arabir yağıntılı olacağı, bəzi yerlərdə yağışın sulu qara və qara keçəcəyi gözlənilir.

Sputnik Azərbaycan Milli Hidrometeorologiya Xidmətinin məlumatına istinadla xəbər verir ki, Bakıda və Abşeron yarımadasında şimal-qərb küləyi 15-20 m/s, arabir 23-28 m/s-dək güclənəcək. Havanın temperaturu ötən günlərlə müqayisədə tədricən 5-8 dərəcə aşağı enəcək. Yanvarın 20-si axşamdan 21-i gündüzədək çovğun olacağı, 21-22-də gecə saatlarında yolların buz bağlayacağı ehtimal olunur.

Yanvarın 18-i gündüzdən Azərbaycanın qərb rayonlarından başlayaraq 21-i gündüzədək hava şəraitinin arabir yağıntılı olacağı, bəzi yerlərdə qar yağacağı, ayrı-ayrı ərazilərdə intensiv və güclü olacağı gözlənilir. Qərb küləyi 15-20 m/s, bəzi yerlərdə arabir 25-30 m/s-dək güclənəcək. Havanın temperaturu ötən günlərlə müqayisədə tədricən 5-10 dərəcə aşağı enəcək.

Yanvarın 20-21-də çovğun olacağı, dağlıq və dağətəyi rayonlarda yolların buz bağlayacağı ehtimal olunur.

0