Pentagon, arxiv şəkli

ABŞ-dan İranın Suriya əməliyyatına sərt reaksiya

100
(Yenilənib 17:28 02.10.2018)
Pentaqon İranın Suriyada, Fəratın şərqinə yönələn ballistik raket hücumlarını hərbi və mülki aviasiyaya təhdid və məsuliyyətsiz addım kimi qiymətləndirib

BAKI, 2 oktyabr — Sputnik. ABŞ Müdafiə Nazirliyi (Pentaqon) İranın Suriyada, Fərat çayının şərqinə yönələn ballistik raket hücumlarını hərbi və mülki aviasiyaya təhdid və məsuliyyətsiz addım kimi qiymətləndirib.

Sputnik Azərbaycan "Haber7"ə istinadla xəbər verir ki, Pentaqon sözçülərindən biri Sean Robertson İranın dünən Suriyanın şərqindəki bəzi hədəflərə yönəlik raket hücumunu ABŞ-ın rəhbərlik etdiyi beynəlxalq koalisiya ilə koordinasiya etmədən həyata keçirdiyini bildirib.

Robertson deyib ki, koalisiya qüvvələrinə zərər dəyməsə də, bu hücumu hələ də qiymətləndirirlər: "Bu cür hücumlar Suriyada aktiv olaraq İŞİD ilə mübarizə aparan qüvvələri təhlükə altına salır".

O bildirib ki, Suriyada ABŞ-ın Rusiya ilə rabitə kanalı mövcuddur, ancaq İran ilə bu cür kanal yoxdur. Koordinasiya olmadan raket atmaq mülki və hərbi aviasiyaya təhdiddir.

Digər tərəfdən, beynəlxalq koalisiyanın sözçüsü Sin Ryan da məsələyə münasibət bildirib: "İran qüvvələri dünən gecə xəbərsiz raket hücumu təşkil etdi. Koalisiya qüvvələri hücumu qiymətləndirirlər və koalisiya qüvvələrinə qarşı təhlükə yoxdur".

100
Teqlər:
reaksiya, əməliyyat, Pentaqon, Suriya, hücum, ABŞ
Asılılıqdan qurtulmağa yardım eden çip

Çip söhbəti reallığa çevrilir: Beynimizə mikroçip yerləşdirəcəklər

8
(Yenilənib 20:15 11.07.2020)
Yaradılmış çip insan beyni və kompüter arasında birbaşa əlaqə yaratmaq məqsədi daşıyır. Bu icadın ilkin hədəfi Alzheimer ve Parkinson kimi xəstəlikləri müalicə etməkdir

BAKI, 11 iyul — Sputnik. "Neuralink" neyrotexnologiya şirkətinin rəhbəri Elon Musk mikroçip ilə beynin idarə edilməsini həyata keçirən texnologiya haqqında yeni məlumatlar paylaşacaq.

Sputnik Azərbaycan "TRThaber"ə istinadla xəbər verir ki, Elon Musk gələn ay kompüteri birbaşa beyinə bağlayan "Neuralink" implant cihazlarının inkişafı ilə bağlı açıqlama verəcəyini deyib.

Qeyd edək ki, Musk bundan öncə "Neuralink" tərəfindən istehsal edilən beyin mikroçipinin meymunlar üzərində sınaqdan keçirildiyini, meymunun zehni ilə birbaşa kompüteri idarə etdiyini söyləmişdi. Musk bunun insanlar üzərində sınaqlarına 2020-ci ilin sonunda başlayacaqlarını açıqlamışdı.

Yaradılmış çip insan beyni və kompüter arasında birbaşa əlaqə yaratmaq məqsədi daşıyır. Bu icadın ilkin hədəfi Alzheimer ve Parkinson kimi xəstəlikləri müalicə etməkdir. Amma uzun müddətli hədəflərin nə olacağını birlikdə görəcəyik.

İnsanlarda istifadə edilməsi planlaşdırılan layihəyə görə, mikroçip qulağın arxasına yerləşdirilir və 4 kiçik elektroda birləşdirilir.

8
Koronavirus

Koronavirusu neytrallaşdıran 28 anticisim aşkar edilib

19
(Yenilənib 18:29 11.07.2020)
Tədqiqatçılar tərəfindən aşkar edilmiş anticisimlər patogenin proteininə birləşir və virusun sağlam hüceyrələrə daxil olmasına mane olur.

BAKI, 11 iyul — Sputnik. Köln Universitet Klinikasından və Almaniyanın İnfeksiya Tədqiqatları Mərkəzindən olan bir qrup alim koronavirusu neytrallaşdırmaq ehtimalı yüksək olan 28 anticismi aşkar ediblər.

Bu barədə Sputnik Azərbaycan Almaniyanın İnfeksiya Tədqiqatları Mərkəzinə istinadən xəbər verir.

"Biz orqanizmin infeksiyaya qarşı immun cavabını daha ətraflı öyrənməyi və bununla yanaşı COVID-19-un müalicəsində istifadə oluna biləcək anticisimləri tapmağı planlaşdırırdıq", - layihənin rəhbəri Florian Klayn bildirib.

Mütəxəssisin sözlərinə görə, tədqiqatçılar tərəfindən aşkar edilmiş anticisimlər patogenin proteininə birləşir və virusun sağlam hüceyrələrə daxil olmasına mane olur.

Alimlər anticisimlərin xüsusiyyətlərini "Boehringer Ingelheim" əczaçılıq şirkəti ilə birlikdə öyrənməyə davam edirlər. Klinik tədqiqatların bu il başlaya biləcəyi ehtimal olunur. Mütəxəssislər inanırlar ki, virusu neytrallaşdıran anticisimlər bir neçə həftə fəal olur və bu dövrdə insanı xəstəlikdən qoruya bilər.

19
Mövzu:
Dünyanı cənginə almış bəla