Yunanistan / Yunan bayrağı

ABŞ-dan xüsusi dəstək alan Yunanıstan Türkiyəyə meydan oxudu

10434
(Yenilənib 14:31 01.10.2018)
"HERON 1" pilotsuz uçan aparatları Krit adasında olan Timpakio hava limanından qalxaraq 14 saat fasiləsiz Egey dənizinin şimalında və Meriç bölgəsində nəzarət uçuşları həyata keçirib

BAKI, 1 oktyabr — Sputnik. Yunanıstanda hərbi mövcudluğunu genişləndirmək istəyən Birləşmiş Ştatlar, boğazlar və Egey dənizinin şimalında yerləşən adaları əhatə edəcək, havada və quruda səs və görüntü müəyyənləşdirə biləcək yeni nəsil elektron radar mərkəzləri quracaq.

ABŞ prezidenti Donald Tramp və Türkiyə prezidenti Rəcəb Tayyib Ərdoğan, arxiv şəkli
© Photo : Tatyana Zenkovich / pool photo via AP

Sputnik Türkiyə xəbər verir ki, əldə edilən məlumatlar Dədəağac limanında yerləşəcək mərkəzə göndəriləcək.Maraqlısı budur ki, ABŞ yeni nəsil radar mərkəzini Türkiyədən cəmi 60 kilometr məsafədə yerləşən Yunanıstanın Dədəağac bölgəsində qurur. Məlumatda qeyd olunur ki, Yunanıstan tərəfi Birləşmiş Ştatlara Krit və Kerpe adalarında yerləşən hərbi bazaları təklif etsə də, rəsmi Vaşinqton Çanaqqala boğazına yaxın Dedeağac bölgəsinə üstünlük verib.

Bu arada, Yunanıstan ilk dəfə pilotsuz uçan aparatlardan istifadə edərək dəniz sərhədlərini qorumağa başlayıb. "HERON 1" pilotsuz uçan aparatları Krit adasında olan Timpakio hava limanından qalxaraq 14 saat fasiləsiz Egey dənizinin şimalında və Meriç bölgəsində nəzarət uçuşları həyata keçirib.

Yunanıstanda, həmçinin ən böyük hərbi təlimlərdən biri olan "PARMENİON 2018" təlimlərinə də hazırlıq sürətlə gedir. Midilli, Limni adları və Meriç bölgələrində 5-12 oktyabr tarixlərində həyata keçiriləcək təlimləri ABŞ rəsmiləri də izləyəcək.

Bu ilki hərbi təlimlərin əsas hədəfi "Türkiyə ilə mümkün böhran vaxtı Yunanıstan xüsusi təyinatlı qüvvələri və donanmasının müdaxilə vaxtına nəzarət və test etməkdir".

10434
Teqlər:
radar, dəniz, Yunanıstan, Türkiyə, ABŞ
Lotereya, arxiv şəkli

ABŞ-da bir nəfər lotereyada 1 milyard dollar udub

14
(Yenilənib 14:07 23.01.2021)
Srağagün “AP” xəbər verib ki, “Powerball” lotereyasının Merilend ştatında satılmış biletin sahibi cekpot çıxararaq külli miqdarda uduşun sahibi olub.

BAKI, 23 yanvar - Sputnik. ABŞ-ın “Mega Millions” lotereyasının Miçiqan ştatında satılan biletinə 1 milyard dollarlıq uduş düşüb.

“Report” lotereyanın saytına istinadən xəbər verir ki, bu, 739,6 milyon dollar nağd pul deməkdir.

Bu məbləğ lotereyanın tarixində ikinci böyük uduşdur. Belə ki, 2018-ci ildə Cənubi Karolinada 1,5 milyard dollarlıq uduş düşən bilet satılmışdı.

Srağagün “AP” xəbər verib ki, “Powerball” lotereyasının Merilend ştatında satılmış biletin sahibi cekpot çıxararaq külli miqdarda uduşun sahibi olub. Həmin uduş sahibinə 29 il ərzində 30 hissə ilə 731,1 milyon dollar köçürülə, yaxud birdəfəlik 546,8 milyon dollar ödənilə bilər.

14
Gənclər və İdman naziri Azad Rəhimov, arxiv şəkli

Gənclər İdman naziri Azad Rəhimovdan xəbər var

70
(Yenilənib 12:02 23.01.2021)
Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

BAKI, 23 yanvar - Sputnik. Səhhətində problemlər yaranan Azərbaycanın gənclər və idman naziri Azad Rəhimov hazırda ABŞ xəstəxanalarının birində müalicə olunur.

"Report" xəbər verir ki, nazir əvvəlcə Nyu-Yorkun Presviterian Veyl Kornell Hospitalına yerləşdirilib.

Ancaq həmin xəstəxanada aparılan müalicə nəticə verməyib və A.Rəhimovun durumu daha da ağırlaşıb. Bu səbəbdən nazir bir müddət əvvəl onkoloji xəstələrin müalicə olunduğu başqa bir hospitala köçürülüb.

Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

Qeyd edək ki, Azad Rəhimov 1964-cü ildə Bakıda doğulub. O, 2006-cı ildə gənclər və idman naziri təyin edilib.

70
Qadın sürücü, arxiv şəkli

Bakıda qadın sürücü piyadanı vuraraq öldürdü

0
Bakı şəhər sakini A. Qəhrəmanova idarə etdiyi "Kia" markalı avtomobillə yolu keçən paytaxt sakini S. Hüseynovu vurub.

BAKI, 23 yanvar — Sputnik. Bakı şəhərində avtomobil piyadanı vuraraq öldürüb.

Daxili İşlər Nazirliyinin mətbuat xidmətindənS putnik Azərbaycan-a verilən xəbərə görə, Binəqədi rayonu ərazisində Bakı şəhər sakini A. Qəhrəmanova idarə etdiyi "Kia" markalı avtomobillə yolu keçən paytaxt sakini S. Hüseynovu vurub.

Nəticədə piyada aldığı xəsarətlərlə xəstəxanaya yerləşdirilib və orada ölüb. Faktla bağlı Binəqədi Rayon Polis İdarəsi tərəfindən araşdırma aparılır.

0