İndoneziyada dəhşətli zəlzələnin fəsadları

İndoneziyada dəhşətli zəlzələnin nəticələri göstərildi - VİDEO

204
(Yenilənib 12:20 01.10.2018)
Son rəsmi məlumatlara görə, təbii fəlakət nəticəsində 842 nəfər ölüb.

BAKI, 1 oktyabr — Sputnik. İndoneziyanın Sulavezi adasında baş verən və 800-dən çox adamın ölümünə səbəb olan dəhşətli zəlzələ və sunaminin nəticələri videoya çəkilib. Sputnik Azərbaycan xəbər verir ki, videonu "China Morning Post" yayıb.

Telefon, pilotsuz uçuş aparatları vasitəsilə çəkilən videoda dağılan və ya su altında qalan binalar, yerdə uzadılaraq üzəri örtülən meyitlər görünür.

Xatırladaq ki, 7,7 bal gücündə zəlzələ sentyabrın 28-də baş verib. Zəlzələ nəticəsində 3 min ev, eləcə də otellər, xəstəxanalar, ticarət mərkəzləri dağılıb. Təkanlardan sonra ada 2 metrlik sunaminin altında qalıb.

Son rəsmi məlumatlara görə, təbii fəlakət nəticəsində 842 nəfər ölüb. Amma ölənlərin qat-qat çox olacağı istisna edilmir.

204
Teqlər:
İndoneziya, sunami, dağıntı, zəlzələ, meyit
Əlaqədar
İndoneziya ləngər vurur, dalbadal daha 170 zəlzələ oldu
Zəlzələ və sunami İndoneziyada 384 can aldı
Azərbaycan Respublikasının Xarici İşlər Nazirliyi

XİN: Beyrutda partlayışda azərbaycanlıların xəsarət alması ilə bağlı məlumat yoxdur

0
"Əl Cəzirə" telekanalı Livanın Səhiyyə Nazirliyinə istinadən xəbər verir ki, partlayış nəticəsində ölənlərin sayı 100-ü keçib

Eldar Tanrıverdiyev, Sputnik Azərbaycan

BAKI, 5 avqust — Sputnik. Livanın paytaxtı Beyrutda baş verən partlayış nəticəsində azərbaycanlıların xəsarət alması ilə bağlı hər-hansı məlumat daxil olmayıb. Bunu Sputnik Azərbaycan-a açıqlamasında Azərbaycanın Xarici İşlər Nazirliyinin (XİN) Mətbuat xidməti idarəsinin rəisi Leyla Abdullayeva bildirib.

Azərbaycan XİN, həmçinin hadisə ilə bağlı Livan xalqına başsağlığı verib.

“Beyrut limanında baş verən qorxunc partlayış barədə xəbərlərdən dərin hüzn keçiririk. Ölənlərin ailələrinə və Livan xalqına başsağlığı veririk. Xəsarət alanların tez bir zamanda sağalmalarını diləyirik”, - deyə Azərbaycan XİN-in “Twitter” səhifəsində bildirib.

Qeyd edək ki, "Əl Cəzirə" telekanalı Livanın Səhiyyə Nazirliyinə istinadən xəbər verir ki, partlayış nəticəsində ölənlərin sayı 100-ü keçib. Livan rəhbərliyi partlayış nəticəsində ölənlərin sayının artacağını istisna etməyib.

0
Əlaqədar
Minlərlə insanın yaralanmasına və 78 nəfərin ölümünə məsuliyyətsizlik səbəb olub
Beyrutdakı partlayışda baş nazirin ailəsi xəsarət alıb - VİDEO
Beyrutda partlayış

Minlərlə insanın yaralanmasına 78 nəfərin ölümünə məsuliyyətsizlik səbəb olub

29
(Yenilənib 08:21 05.08.2020)
Partlayışın səbəblərinə gəldikdə isə, Beyrut limanında qaynaq işləri aparılan zaman orada saxlanılan 2750 ton ammonium nitrat duzu partlayıb.

BAKI, 5 avqust - Sputnik. Beyrut limanında baş vermiş güclü partlayış nəticəsində ölənlərin sayı 78 nəfərə çatıb.

Bu barədə ölkənin Səhiyyə Nazirliyi açıqlama yayıb.

Məlumata görə, partlayış zamanı, həmçinin 4 minədək insan xəsarət alıb.

Partlayışın səbəblərinə gəldikdə isə, Beyrut limanında qaynaq işləri aparılan zaman orada saxlanılan 2750 ton ammonium nitrat duzu partlayıb.

Bunu Livanın Təhlükəsizlik Xidmətinin rəhbəri Abbas İbrahim bildirib. Həmin yükün Afrika ölkələrindən birinə məxsus olduğu bilinir.

ABŞ prezidenti Donald Tramp isə Livanın paytaxtı Beyrutda onlarla insanın ölümünə, eləcə də böyük dağıntılara səbəb olan güclü partlayışın “dəhşətli bir hücum”a bənzədiyini deyib.

29