Ukrayna polisinin avtomobili, arxiv şəkli

Ukrayna polisindən xəbərdarlıq: Lotu Quli növbəti revanşa hazırlaşır

6163
(Yenilənib 22:14 28.09.2018)
Lotu Quli ləqəbi ilə məşhur olan azərbaycanlı "qanuni oğru" Nadir Səlifov Odessa vilayətində cinayətkar dəstələri təmərküzləşdirməyə və onların qarşılıqlı əlaqəsini yaratmağa çalışır.

Ramella İbrahimxəlilova, Sputnik Azərbaycan

BAKI, 28 sentyabr — Sputnik. Kriminal avtoritet, Lotu Quli ləqəbi ilə məşhur olan azərbaycanlı "qanuni oğru" Nadir Səlifov Odessa vilayətində cinayətkar dəstələri təmərküzləşdirməyə və onların qarşılıqlı əlaqəsini yaratmağa çalışır.

Bunu Sputnik Azərbaycan-a müsahibəsində Odessa vilayətinin Baş Milli Polis İdarəsi rəisinin müşaviri, kriminal istimaiyyətlə mübarizə məsələləri üzrə ekspert Ruslan Forostyak bildirib.

Onun sözlərinə görə, Quli periodik olaraq, öz elçilərini Odessaya göndərir. "Qanuni oğru" bölgəyə nəzarəti yaxşılaşdırmaq üçün ayrı-ayrı qrupları birləşdirməyə çalışır. 

"2018-ci il ərzində biz cinayətkar qruplaşmaları, eləcə də Azərbaycan əsilliləri, yaxşıca pərən-pərən salmışıq. Hazırda onlar səpələnmiş vəziyyətdədirlər və vahid mərkəzdən idarə olunmurlar. Səlifovun adamları vaxtaşırı bura gələrək onları bir yerə toplamağa cəhd edirlər. Lakin biz onları dərhal izləməyə başlayırıq və ən kiçik bir fürsət yaranan kimi ölkədən kənara deportasiya edirik. Polis kriminal elementlərin mütəşəkkil cinayətkar qruplaşmaların ətrafında birləşməməsi üçün onları yaxından təqib edir" — deyə Forostyak bildirib.

Onun sözlərinə görə, cinayətkarların fəallığının zirvəsi 2015-2016-cı illərdə olub. Lakin 2017-2018-ci illərdə polis Odessada bu istiqamətdə vəziyyəti stabilləşdirə bilib. Bu planda müsbət dinamika izlənməkdədir. Hüquq-mühafizə orqanlarının əməkdaşları bütün bu mənfi təzahürlərə qarşı kifayət qədər ciddi müqavimət göstərirlər.

"Buradakı etnik qruplaşmalar aşağıdakı kimi bölünür: yerli ruslar, Dnestryanından olan qaqauzlar və deyək ki, daha fəal olan azərbaycanlılar və gürcülər. İnqişlar, osetinlər və çeçenlər demək olar ki, gözə dəymirlər və ciddi təhlükə yaratmırlar. Onlar kiçik qruplara bölünərək müəyyən ciddi işlərlə məşğul olurlar və küçə ticarətinə müdaxilə etmirlər" — deyə polis rəisinin müşaviri bildirib. 

Gürcü cinayətkarlardan ibarət qruplaşmalar əsasən mənzil qarətləri, avtomobillərin soyulması və qaçırılması ilə məşğul olurlar. Onların arasında daha cürətliləri quldur basqınları və talançılıq edirlər. Azərbaycanlılar isə demək olar ki, mənzil qarətlərində nəzərə çarpmırlar. Onlar əsasən reketlə (hədə-qorxu yolu ilə tələbetmə), yaxud ticarət məntəqələrinin himayəsi ilə, yaxud da quldur basqınları və qarətlə məşğul olurlar.

Forostyakın sözlərinə görə, ötən həftə Odessada ödəmə terminallarına xidmət edən şirkətin inkassatoruna basqın edən azərbaycanlılardan ibarət cinayətkar dəstə zərərsizləşdirilib.

Qeyd edək ki, sentyabrın 19-da şəhərin Primorsk rayonunun Simoforn tinində naməlum şəxslər inkassatora odlu silahdan atəş açıblar. Nəticədə iki inkassator yaralanıb. Onlardan biri tibbi dəstək üçün təcili yardıma müraciət edib. Bu yolla onların maşınından 200 min qrivna (12 min manat) oğurlanıb. Cinayətkarlar Opel markalı avtomobillə qaçaraq aradan çıxıblar. Odessada operativ "Sirena" planı həyata keçirilib və nəticədə sözügedən cinayətkar qruplaşmanın üzvləri saxlanılıb. Onlardan travmatik silahlar götürülüb.

"Saxlanılan şəxslər əsl komediya çıxarıblar. Onların Ukrayna pasportu və burada oturma izni olsa da, rus və Ukrayna dillərini bilmədiklərini iddia edərək azərbaycanlı tərcüməçi tələb ediblər" — deyə ekspert bildirib. 

Azərbaycanlı kriminal avtoritet Lotu Qulinin Ukraynadakı qruplaşmaları bir araya gətirməyə çalışmasını isə Forostyak onunla izah edib ki, oradakı küçə ticarətçiləri arasında azərbaycanlılar çoxdur. Onların əsas fəaliyyəti meyvə-tərəvəz alverinə yönəlib. Azərbaycanlılar türklərlə əlaqədədirlər. Çünki göyərti, cəfəri və yerkökünün əsas hissəsi bura Türkiyədən gəlir. Tədricən moldovalı qruplar və bessarabiyalılar bu bazardan sıxışdırılır. Bu alver sahəsinə nəzarət yoxdur, ona görə də alverçilər öz bandit yerlilərinin əlindən əziyyət çəkirlər. Baxmayaraq ki, onlar bununla bağlı hüquq-mühafizə orqanlarına müraciət etmirlər və bu məsələni qapalı saxlayırlar. Lotu Quli bu bazarlara nəzarəti öz əlində cəmləşdirmək istəyir.

Ruslan Forostyakın sözlərinə görə, milli polis rübdə bir dəfə iri kriminal avtoritetləri, həftədə bir dəfə də xırdaları deportasiya edir. Onların bir hissəsi qonşu dövlətlərin ərazisindən saxta pasportlarla yenidən geri qayıdırlar.

6163
Əlaqədar
Sankt-Peterburqda Lotu Qulinin adamı güllələndi
"Lotu Quli"nin yaxın adamı Ağstafada tutuldu
"Lotu Quli"ni söyən avtoritetin arvadı öldürüldü
"Lotu Quli"nin "öldürdüyü" çeçenlə bağlı həqiqət üzə çıxdı
Afaq Aslan Lotu Quli ilə sevgi münasibətlərindən danışdı
Zeytun yağı

Qızartmalar üçün hansı yağları seçməli: rus alim xəstəlik mənbəyi olan qidaları açıqladı

60
70 dərəcədən yuxarı temperaturda bizim orqanizmimizə lazım olmayan və uzun müddət istifadə zamanı onkoloji xəstəliklərə səbəb ola biləcək sərbəst radikallar meydana çıxır

BAKI, 6 avqust — Sputnik. Qızartmalar üçün kərə yağından istifadə etmək təhlükəli ola bilər. Bu barədə Sputnik radiosuna müsahibəsində qastroenteroloq, dietoloq, tibb elmləri namizədi İrina Berejnaya bildirib.

Onun fikrincə, ən yaxşısı ərzaqları quru tavada, ya da qril şəklində qızartmaqdır. Amma çoxları bunu kərə yağında etməyə üstünlük verirlər. Əgər kərə yağını təzə-təzə yemək təhlükəsizdirsə, ondan məhsulların qızardılması üçün istifadə etməmək daha yaxşıdır.

"Təzə kərə yağı müəyyən miqdarda tamamilə təhlükəsizdir. O, həmçinin xolesterin mübadiləsinə təsir baxımından özünü doğruldur. Qızardılmış məhsullara gəldikdə, burada kərə yağını istifadə etməmək daha yaxşıdır. 70 dərəcədən yuxarı temperaturda bizim orqanizmimizə lazım olmayan və uzun müddət istifadə zamanı onkoloji xəstəliklərə səbəb ola biləcək sərbəst radikallar meydana çıxır", – deyə İrina Berejnaya xəbərdarlıq edib.

Dietoloq deyib ki, yeməkləri hazırlamaq üçün quyruq yağından istifadə edə bilərsiniz, amma bu da ən yaxşı seçim deyil.

"Quyruq yağı öz strukturuna görə çox maraqlı məhsuldur. Həmçinin xolesterin mübadiləsinə mənfi təsir göstərmir. Bundan yeməklərin hazırlanmasında istifadə edilə bilər. Lakin uzun müddət istifadə edildikdə və yüksək temperaturda çox yüksək kalorili olacaq. Buna görə də eyni sərbəst radikalların meydana gəlməsi mümkündür. Ola bilsin, sərbəst radikallar kərə yağına nisbətdə daha az əmələ gələcək. Məhsulları zeytun yağında qızartmaq daha yaxşıdır, çünki bu, yüksək temperaturda sərbəst radikalların meydana gəlməsini təmin etməyən yeganə yağdır", – deyə dietoloq əlavə edib.

Xatırladaq ki, bu günlərdə həkim-dietoloq Andrey Bobrovski qafqazlıların uzunömürlülüyünün sirrinin manqalda bişmiş ətdə olduğunu demişdi. "Ətin qrildə və ya manqalda bişirilməsi ən dietik üsuldur. Digər üsullardan fərqli olaraq açıq manqalda bişirmə artıq yağları aradan götürür. Yağ bişdikdə əriyib axır. Tavada bişirilən zaman isə əksinə yağ yığılır və ətə hopur", - deyə Bobrovski bildirmişdi.

 

60
Əlaqədar
Yumurta yeyin, arıqlayın...
Adi göbələkdir, amma qanda şəkəri azaldar, mədə florasını bərpa edər
Gül plantasiyalarından kiçik şüşəyə: Qızılgüldən yağ necə alınır
Qafqaz uzunömürlülüyünün sirri - Hər şey kababla bağlı imiş
Buna da növbə çatdı - Şokolad ziyanlı imiş
Tibb işçidi dərman göstərir, arxiv şəkli

Vəssalam! Koronavirusun dərmanına patent aldılar

187
(Yenilənib 23:40 06.08.2020)
Dünyanın bir çox ölkəsində koronavirusun müalicəsində bir sıra dərmanlar sınaqdan keçirilsə də, əksər əczaçılıq şirkətləri və elmi-tibbi qurumlar diqqətlərini vaksinin hazırlanmasına yönəldiblər

BAKI, 6 avqust — Sputnik. Rusiya Federal Tibbi-Bioloji Agentliyi (FTBA) koronavirusu dəf etməyə və ya fəsadlarını aradan qaldırmağa kömək edən dərmana patent alıb.

Sputnik Azərbaycan RİA Novosti-yə istinadən bildirir ki, dərmanın adı “Leytragin”dir (Лейтрагин).

"Rusiya FTBA COVID-19-a qarşı preparatı patentləşdirdi. Bu praktik tibbə daxil olan, delta-opioid reseptorlarının dünyada ilk və hələlik yeganə aqonistidir", - agentliyin məlumatında deyilir. 

FTBA-nın biotibbi texnologiyalar elmi mərkəzinin alimləri müəyyən ediblər ki, ilkin adı "dalargin" olan dərman toxumaların sağalması və regenerasiyası proseslərində aktiv iştirak edir. Bundan başqa, bu sinfə daxil olan maddə immun cavabının təşkilində də aktiv rol oynayaraq koronavirus infeksiyası olan xəstədə ağır respirator və ümumi sistem pozulmalarına gətirib çıxaran "sitokin hücumunun" - iltihab yaradan maddələrin təsiri azalda, yaxud da onu dəf edə bilir. 

Qeyd edək ki, dünyanın bir çox ölkəsində koronavirusun müalicəsində bir sıra dərmanlar sınaqdan keçirilsə də, əksər əczaçılıq şirkətləri və elmi-tibbi qurumlar diqqətlərini vaksinin hazırlanmasına yönəldiblər. Məsələn, avqustun 2-də Rusiyanın “Vektor” dövlət elmi mərkəzi koronavirus əleyhinə peyvəndin noyabrda istehsalını planlaşdırdığını bəyan edib. Mərkəzin rəhbəri Rinat Maksyutov “Rossiya-1” telekanalına müsahibəsində deyib ki, ilin sonuna, gələn ilin əvvəlinə, ən azı, risk qrupundan olunanların vaksinasiya olunmasından, sonra isə kütləvi peyvənddən danışmaq olar.
Avqustun 1-də Rusiyanın Səhiyyə naziri Mixail Muraşko bildirib ki, rusiyalılar üçün koronavirus əleyhinə vaksin pulsuz olacaq.

187
Teqlər:
Rusiya, dərman, dünya, Koronavirus, COVID-19
Mövzu:
Dünyanı cənginə almış bəla
Əlaqədar
Cihazlar, geyim, dərman, qida... - Hər şey onların təminatından başlayır
Dövlət hesabına dərman alan xəstələr saatlarla xəstəxana qarşısında gözləyirlər - Deputat
COVID-19-dan sağalanlara iki vitamin məsləhət gördülər
Koronavirusu spreylə dayandıracaqlar
Koronavirusla mübarizədə yeni preparat tapıldı – 90 faiz effektivlik göstərib
Ev şəraitində müalicə alanlar, tövsiyəyə əməl edin