Türkiyə prezidenti Rəcəb Tayyib Ərdoğanın Amerika Birləşmiş Ştatlarının prezidenti Donald Trampla görüşü

Ərdoğan Tramp Merkellə gizli danışıqlarının detallarını açıqladı

197
(Yenilənib 17:00 28.09.2018)
"Mən dözmədim və cavab verdim ki, biz təbii qaz ehtiyaclarımızın 50%-ini Rusiyadan alırıq və əgər biz Rusiyadan qaz almasaq, vətəndaşlarımız qışda donacaq"

BAKI, 28 sentyabr — Sputnik. Brüsseldə Türkiyə prezidenti Rəcəb Tayyib Ərdoğan, Almaniya kansleri Angela Merkel və ABŞ prezidenti Donald Tramp arasında mübahisə yaranıb. Sputnik Azərbaycan xəbər verir ki, bu barədə Türkiyə prezidenti Rəcəb Tayyib Ərdoğan ölkə mətbuatına açıqlamasında bildirib.

ABŞ prezidenti Donald Tramp və Türkiyə prezidenti Rəcəb Tayyib Ərdoğan, arxiv şəkli
© Photo : Tatyana Zenkovich / pool photo via AP

Onun sözlərinə görə, Ərdoğan və Merkel Trampa hansı səbəbdən Rusiyadan qaz almağa məcbur olduqlarını izah ediblər. Tramp buna etiraz etsə də, sonda Ərdoğan və Merkelin əsaslandırmaları ilə razılaşmalı olub.

"Tramp bildirdi ki, "Siz hamınız Rusiyanı "yedizdirirsiniz", Almaniya ona xeyli pul verir". O, hörmət olaraq Türkiyə barədə heç nə demədi. Lakin mən dözmədim və cavab verdim ki, "biz təbii qaz ehtiyaclarımızın 50%-ini Rusiyadan alırıq və əgər biz Rusiyadan qaz almasaq, vətəndaşlarımız qışda donacaq" — Ərdoğan açıqlamasında qeyd edib.

"Daha sonra Almaniya kansleri Angela Merkel söhbətə qoşuldu və bildirdi ki, Almaniya Rusiyadan öz tələbatının 38% həcmində qaz alır və o da xalqının qışda donmasına imkan verə bilməz", — deyə Türkiyə prezidenti əlavə edib.

Ərdoğanın sözlərinə görə, onun ölkəsi ABŞ tərəfindən Rusiyaya qarşı birtərəfli qaydada tətbiq olunan sanksiyalara qoşulmayıb: "Tramp iqtisadi vəziyyətlə bağlı BMT Baş Assambleyasında danışarkən zaldakı gülüş iştirakçıların düşüncələrini açıq şəkildə göstərir".

Qeyd edək ki, liderlərin danışığı 11-12 iyul tarixlərində NATO-nun Brüsseldəki sammiti zamanı baş tutub.

197
Teqlər:
Donald Tramp, Angela Merkel, qaz, Brüssel, Rusiya, Rəcəb Tayyib Ərdoğan, Türkiyə, Almaniya, ABŞ, kansler, prezident
Əlaqədar
ABŞ Türkiyəyə qarşı sanksiyaların əsl səbəbini açıqlayıb
Türkiyə ilə ABŞ-ı düşmənçilik həddinə çatdıran din xadimi azadlığa çıxa bilər
ABŞ Türkiyənin düşmənlərini terror siyahısından çıxarıb
ABŞ - Türkiyə böhranına səbəb olan rahibdən gözlənilməz addım
ABŞ-Türkiyə münasibətləri normallaşacaqmı - politoloq şərhi
 Barak Obama, arxiv şəkli

Obamanı canlandıracaq şəxs məlum oldu

3
(Yenilənib 15:29 30.11.2020)
B.Obama deyib: "Dreyk istedadlı insandır. Hər istədiyini edə biləcək adam təəssüratını bağışlayır. O, nə zaman istəsə bu filmdə mənim obrazımı canlandıra bilər"

BAKI, 30 noyabr — Sputnik. ABŞ-ın 44-cü prezidenti olan Barak Obamanın həyatını əks etdirən bioqrafik film ekranlaşdırılacaq.

Sputnik Azərbaycan xəbər verir ki, keçmiş prezident onun həyat yolundan bəhs ediləcək filmdə, baş qəhrəmanı-yəni özünün obrazını yaradacaq sənətçinin adını açıqlayıb.

Barak Obamanın sözlərinə görə, onun obrazını kanadalı rep ifaçısı Dreyk (Obri Dreyk Qrem) ifa edəcək.

B.Obama deyib: "Dreyk istedadlı insandır. Hər istədiyini edə biləcək adam təəssüratını bağışlayır. O, nə zaman istəsə bu filmdə mənim obrazımı canlandıra bilər".

Keçmiş prezidentin bəyəndiyi repçi Dreyk isə 2010-cu ildən Barak Obamanın surətini ekranda yaratmaq istədiyini açıqlayıb: "Çox istəyirəm ki, tezliklə belə bir film çəkilsin və mən Obama rolunu ifa edim. Onu nə zaman ekranda görsəm, kanalı dəyişmirəm, diqqətlə Obamanı dinləyir, səs tonuna fikir verirəm".

Qeyd edək ki, Dreyk 2001-ci ildə "Degrassi: The Next Generation" serialında 7 sezon boyunca "Jimmy Brooks" obrazını ifa edib.

3
Hadisə yerində

İranlı nüvə alimin ölümündə yeni detallar

10
Terrorun törədildiyi ərazidən toplanan silahın fraqmentlərində İsrailin hərbi sənayesinin texniki xüsusiyyətləri və loqosu var.

BAKI, 30 noyabr — Sputnik. İranın nüvə alimi Möhsün Fəxrizadənin qətlində istifadə olunan silah İsraildə istehsal olunub. Sputnik Azərbaycan xəbər verir ki, bu barədə İranın "Press TV" telekanalı mənbəyə istinadən xəbər verir.

"Terrorun törədildiyi ərazidən toplanan silahın fraqmentlərində İsrailin hərbi sənayesinin texniki xüsusiyyətləri və loqosu var".

Xatırladaq ki, noyabrın 27-də Tehranın şimal şərqində yerləşən Absərd şəhərində M.Fəxrizadəyə sui-qəsd edilib. Əvvəlcə partlayış törədilib, daha sonra odlu silahdan atəş açılıb. Ağır yaralanan M.Fəxrizadə xəstəxanada dünyasını dəyişib.

İran alimin ölümündə İsraili günahlandırır. Belə bir bəyanatla həm İranın Prezidenti Həsən Ruhani, həm də xarici işlər naziri Məhəmməd Cavad Zərif bildirib.

İran Prezidenti, həmçinin qeyd edib ki, bu cinayət İranın atom sahəsindəki inkişafına təsir etməyəcək.

10
Teqlər:
İsrail, İran, Məhəmməd Cavad Zərif, Həsən Ruhani, Tehran, iranlı, alim, qətl
Baş Prokurorluq

Baş Prokurorluq əhaliyə müraciət etdi - səbirli olun

0
(Yenilənib 16:15 30.11.2020)
Prokurorluq işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir

BAKI, 30 noyabr — Sputnik. Son zamanlar mülki şəxslərin işğaldan azad edilmiş ərazilərimizdə minaya düşərək müxtəlif dərəcəli bədən xəsarətləri almaları, bəzən isə həlak olmaları halları müşahidə edilməkdədir.

Sputnik Azərbaycan Baş Prokurorluğun məlumatına istinadla xəbər verir ki, Prokurorluq vətəndaşlarımıza bir daha müraciət edərək, təhlükəsizliyin təmin edilməsi məqsədi ilə işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir.

0
Teqlər:
Qarabag, Baş Prokurorluq, əhali, çağırış, təhlükə, mina, işğaldan azad edilmiş ərazilər