Andrey Karlovun qatili

Rus səfirin güllələnməsində yeni faktlar ortaya çıxıb

340
(Yenilənib 00:41 25.09.2018)
Rusiyanın Ankaradakı səfiri Karlov 2016-cı il dekabrın 19-da Ankarada iştirak etdiyi sərgidə öldürülmüşdü

BAKI, 25 sentyabr — Sputnik. 2016-cı ildə Türkiyədə Rusiya səfiri Andrey Karlovu öldürən Mert Altıntaş cinayətdən 9 saat əvvəl xəstəliyə görə məzuniyyət götürüb. Bu barədə Sputnik Azərbaycan Rusiya KİV-nə istinadən xəbər verir.

Altıntaş klinikada quraşdırılan videomüşahidə kamerasına düşüb. O, həkimə ishaldan əziyyət çəkdiyini deyərək, xəstəliklə bağlı bir günlük məzuniyyət istəyib. O, həkimə polis olduğunu bildirməyib. Məlum olub ki, Altıntaş xəstəxanaya getməzdən əvvəl kompüterdə ishal barədə məlumat axtarıb.

Daha sonra o, işdə heç kim şübhələnməsin deyə xəstəxanadan aldığı kağızı idarəyə gətirib. Ardına isə Karlovun çıxış edəcəyi qalereya yaxınlığında olan otel gedib.

Xatırladaq ki, Rusiyanın Ankaradakı səfiri Karlov 2016-cı il dekabrın 19-da Ankarada iştirak etdiyi sərgidə çıxışı zamanı öldürülmüşdü. Səfirin qatili Mevlut Mert Altıntaş da polis tərəfindən güllələnmişdi.

Cinayətlə bağlı sərginin təşkilatçısı Mustafa Timur Özkan, "Guru Medya Yayın Qrupu"nun rəhbəri Xeyrəddin Aydınbaş və 3-ü polis olmaqla 7 nəfər həbs edilib.

 

340
Teqlər:
icazə, qatil, Mevlüt Mert Altıntaş, Andrey Karlov, Rusiya səfiri, Türkiyə
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

17
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

17
Sputnik V vaksininin istehsalı, arxiv şəkli

Rusiya peyvəndi Türkiyədə istehsal olunacaq

16
(Yenilənib 22:59 23.01.2021)
Rusiyanın "Sputnik V" peyvəndinin Türkiyədə istehsalı üçün türk əczaçılıq şirkəti ilə müqavilə imzalanıb.

BAKI, 23 yanvar — Sputnik. Rusiya Birbaşa İnvestisiyalar Fondu "Sputnik V" peyvəndinin Türkiyədə istehsalı üçün türk əczaçılıq şirkəti ilə müqavilə imzalayıb.

Sputnik Azərbaycan-ın məlumatına görə, artıq istehsal üçün lazım olan texnologiyanın köçürülməsinə başlanılıb. Peyvənd həm Türkiyədə daxili bazara, həm də digər ölkələrə göndəriləcək. Qeyd edək ki, Türkiyə xarici işlər naziri Mövlud Çavuşoğlu bir müddət əvvəl Rusiya peyvəndinin Türkiyədə istehsal olunacağını açıqlamışdı.

16