Donald Tramp

Tramp bu dəfə Avropa İttifaqını təhdid etdi

193
(Yenilənib 16:01 19.09.2018)
"Yunker Avropadan mənim iş yerimə o qədər sürətlə gəldi ki, o dərəcədə sürətli təyyarələrin olduğunu bilmirdim"

BAKI, 19 sentyabr — Sputnik. Birləşmiş Ştatlar prezidenti Donald Tramp ilə polşalı həmkarı Andcey Duda arasında Ağ Evdə baş tutan görüşdən sonra birgə mətbuat konfransı keçirilib. Sputnik Azərbaycan "Anadolu" agentliyinə istinadən xəbər verir ki, Tramp idxal-ixrac siyasəti ilə bağlı sualı cavablandırarkən qeyd edib ki, Çinə qarşı tətbiq olunan yeni gömrük vergiləri ölkə büdcəsində olan kəsirləri azaltmağa imkan verəcək.

Avropa İttifaqının da Çin kimi ABŞ-la münasibətdə sui-istifadələrə yol verdiyini bildirən Tramp sözlərinə belə davam edib: "Bu, uzun bir prosesdir, bir az zaman aparır. Avropa İttifaqı bizə əhəmiyyət vermirdi. Onlar prezident Obama ilə hesablaşmırdılar".

ABŞ prezidenti, həmçinin Avropa İttifaqı Komissiyasının rəhbəri Yan Klod Yukerə yenidən müzakirə etmə təklifi etdiyini, lakin Yunkerdən rədd cavabı aldığını qeyd edib: "Yunker yenidən müzakirələri istəmədi. Üç dəfə təklif etdim, yenə razılıq vermədi. Mən də artıq müzakirə etmək məcburiyyətində olmadığını dedim".

"Sizin ABŞ-a göndərdiyiniz milyonlarla avtomobillərə vergi qoyacağıq. Açığı Yunker Avropadan mənim iş yerimə o qədər sürətlə gəldi ki, o dərəcədə sürətli təyyarələrin olduğunu bilmirdim" — deyən Tramp əlavə edib ki, Avropadan gətirilən avtomobillərə vergi tətbiq olunacağına dair açıqlamadan sonra avropalılar "yola gəliblər".

Xatırladaq ki, dünən prezident Tramp Çindən idxal olunan 200 milyard dollarlıq məhsullara əlavə gömrük vergisi tətbiq olunmasına dair göstəriş verib.

193
Teqlər:
Andcey Duda, Donald Tramp, Avropa İttifaqı, Çin, Birləşmiş Ştatlar, ABŞ, prezident
Əlaqədar
Tramp Çinə qarşı radikal qərar verdi
Trampa yenə yalançı dedilər: “ABŞ xalqı daha ağıllıdır”
Trampa daha bir zərbə vuruldu
Avropa İttifaqı da Trampa qarşı çıxdı