ABŞ prezidenti Donald Tramp

Tramp Çinə qarşı radikal qərar verdi

81
(Yenilənib 12:24 18.09.2018)
"Çin rəhbərliyini ədalətsiz ticarət müharibəsini dayandırmağa çağırıram"

BAKI, 18 sentyabr — Sputnik. ABŞ prezidenti Donald Tramp sentyabrın 24-dən etibarən Çindən idxal edilən 200 milyard dollarlıq məhsula 10 faiz gömrük vergisinin tətbiq ediləcəyini bildirmişdi. Sputnik Azərbaycan xarici mətbuata istinadla xəbər verir ki, Ağ Evdən verilən açıqlamaya görə, Tramp ABŞ Ticarət Təmsilçiliyinə Çin məhsullarına ikinci gömrük vergisi paketini tətbiq etməyi tapşırıb.

200 milyard dollarlıq məhsula bir həftə sonra tətbiq ediləcək yeni tariflərlərin sentyabrın 24-də qüvvəyə minəcəyi və cari ilin sonuna qədər 10 faiz səviyyəsində qalacağı, nəhayət 2019-cu ilin yanvar ayından 25 faizə qədər yüksələcəyi bildirilir.

Tramp bununla əlaqədar bildirib ki, Çin cavab tədbirləri görəcəyi halda, daha 267 milyard dollarlıq Çin məhsullarına üçüncü vergi paketi tətbiq olunacaq: "Çin rəhbərliyini ədalətsiz ticarət müharibəsini dayandırmağa çağırıram".

Hələlik Çin tərəfdən rəsmi açıqlama verilməyib.

81
Teqlər:
məhsul, Çin, Donald Tramp, prezident, ABŞ
Əlaqədar
Çin ABŞ-la "müharibəyə" qarşılıq verdi, cavab addımları atılır
ABŞ - Çin qarşıdurması dünyanı hara aparır – ekspert şərhi
ABŞ Çini nüvə bombardman təyyarələri ilə təhdid etdi
Çin ticarət müharibəsində ABŞ-a yeni zərbə vurdu
ABŞ-Çin ticarət müharibəsi dünya iqtisadiyyatını çökdürə bilər - Ekspert şərhi
Mumiya, arxiv şəkli

Misirdə üzərində ginekoloji əməliyyat izi olan mumiya aşkarlanıb

12
Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

BAKI, 17 yanvar — Sputnik. Qədim Misirdə üzərində ginekoloji əməliyyat izi olan mumiya aşkarlanıb.

Sputnik Azərbaycan xarici mətbuata istinadla xəbər verir ki, Qranada və Xaena universitetlərinin alimləri qadın mumiyası üzərində apardıqları araşdırma zamanı məlum olub ki, qadın ginekoloji əməliyyat keçirib.

Mumiyanın bizim eradan əvvəl 1878-1797-ci illərə aid olduğu bildirilir. Həmin şəxs sağlığında çanaq sümüyündən ciddi zədə alıb və güclü xəstəlikdən əziyyət çəkib. Yerli təbiblər onu sağaltmağa çalışıblar. Onlar qadın üzərində "fumiqasiya" əməliyyatı aparıblar. Belə ki, yaraya toksiki maddələr verərək, mikrobları öldürməyə çalışıblar.

Qeyd edək ki, bu üsul indi ancaq bitkilər üçün həyata keçirilir.

Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

Çünki həmin dövrdə Sattjeni əhali arasında populyar ad olub. Mumiya qaya məzarlığında aşkarlanıb. Orada 11 yaxşı vəziyyətdə qalmış mumiya olub.

12
İsraildə epdimioloji vəziyyət

İsraildə “Pfizer” vaksini vurulan 13 nəfər üz iflici olub

16
Ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb.

BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.

“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.

Nazirlik bildirib ki, üz iflici olanların sayı daha çox ola bilər.

Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.

16

İki gün əvvəl ordudan tərxis olunan könüllü əsgər ölüb

0
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

0