Türkiyə ordusunun İraqa daxil olması

Qonşu ölkə Türkiyəyə qarşı sərt qərar qəbul etdi, sərhədlərə ordu yığılır

2057
(Yenilənib 17:25 17.09.2018)
İraqın Milli Təhlükəsizlik Şurası İraq-Türkiyə sərhədinə əsgərlərin yerləşdirilməsi əmrini verib

BAKI, 17 sentyabr — Sputnik. İraqın baş naziri Heydər əl-İbadinin sədrliyi ilə İraq Milli Təhlükəsizlik Şurasının toplantısı keçirilib. Sputnik Azərbaycan İranın "Tasnim" agentliyinə istinadla xəbər verir ki, İraqın Milli Təhlükəsizlik Şurası İraq-Türkiyə sərhədinə əsgərlərin yerləşdirilməsi əmrini verib.

Şuranın toplantısında İraq sərhədlərində təhlükəsizlik və sabitliyin təmin olunması, hava və quru sahələrinin pozulmasının qarşısının alınması müzakirə edilib. Toplantıda təhlükəsizliyin təmin olunması məsələsində polisin də silahlı qüvvələrlə əməkdaşlıq etməsinin lazım olduğu vurğulanıb.

Eyni zamanda, toplantıda son günlərdə Bəsrə əyalətində baş verən hadisələr və ölkədə əhalinin hüquqlarının qorunması məsələləri də müzakirə olunub. Şuranın toplantısında ölkənin hava və quru sərhədlərinin Türkiyə tərəfindən pozulması barədə hesabatın hazırlanması və İraqın Xarici İşlər Nazirliyi tərəfindən BMT-yə təqdim edilməsi qərara alınıb.

Toplantıda, həmçinin, İraq sərhəd təhlükəsizlik qüvvələrinin İraq və Türkiyə sərhədi boyunca yerləşdirilməsi və pozuntuların qarşısının alınması qərara alınıb.

2057
Teqlər:
baş naziri Heydər əl-İbadi, Milli Təhlükəsizlik Şurası, toplantı, İraq, sərhəd, Türkiyə
Əlaqədar
Türkiyə qırıcıları İraqa zərbələr endirdi
İraqda şou göstərən İŞİD tankçısı Türkiyədə ələ keçdi
Türkiyə gözlənilmədən Şimali İraqda əməliyyata başladı
Türkiyə və İranın verdiyi möhlət bitdi: İraq bombardıman edilir
İraqlı general Türkiyədə: Bərzaniyə qarşı birgə hücum planı
Bakıda Zəfər paradı

Ərdoğan Qarabağ Zəfəri Xocalı qətliamı haqqında serial çəkilməsi barədə tapşırıq verib

114
(Yenilənib 16:38 02.03.2021)
Mədəniyyət naziri Anar Kərimov bildirib ki, Qarabağ Zəfəri, Qafqaz İslam Ordusu və Xocalı qətliamı kimi tarixi hadisələr haqqında film və serialların çəkilməsi Azərbaycan və Türkiyə dostluq və qardaşlığının simvolu olacaq.

BAKI, 2 mart — Sputnik. Türkiyə Prezidenti Rəcəb Tayyib Ərdoğan Qarabağ Zəfəri və Xocalı qətliamı haqqında serial çəkilməsi barədə tapşırıq verib.

"Cənab Prezidentimizin tapşırığı ilə Qarabağ Zəfəri ilə yanaşı, Qafqaz İslam Ordusu və Xocalı qətliamı kimi tarixi hadisələr haqqında Türkiyə və Azərbaycan birgə serial və film layihələri həyata keçirəcək".

Sputnik Azərbaycan xəbər verir ki, bunu Türkiyə Prezidenti Administrasiyasının İctimaiyyətlə əlaqələr idarəsinin rəhbəri Fahrettin Altun söyləyib.

O bildirib ki, bu cür layihələrin həm milli, həm də dünya miqyasında mətbuat və rəqəmsal platformalarda yer alması təmin ediləcək: "Həmin layihələrdə tarix və ideallarımızın birliyini ən güclü şəkildə vurğulayacağıq. Serial və film sektorlarımızın birlikdə işləməsi və təcrübələrini paylaşması çox önəmlidir".

Mədəniyyət naziri Anar Kərimov bildirib ki, Qarabağ Zəfəri, Qafqaz İslam Ordusu və Xocalı qətliamı kimi tarixi hadisələr haqqında film və serialların çəkilməsi Azərbaycan və Türkiyə dostluq və qardaşlığın simvolu olacaq.

114
 Armen Sarkisyan, arxiv şəkli

Ermənistan prezidenti Paşinyanı yenə saymadı, məhkəməyə müraciət etdi

107
(Yenilənib 16:24 02.03.2021)
Hərbçilər qeyd ediblər ki, Ermənistan Baş Qərargah rəisinin birinci müavini Tiran Xaçatryanın istefaya göndərilməsi barədə qərarın milli və dövlət maraqları nəzərə alınmadan, yalnız şəxsi ambisiyalara əsaslanaraq verildiyini hesab edirlər.

BAKI, 2 mart — Sputnik. Ermənistan Prezidenti Armen Sarkisyan Baş nazir Nikol Paşinyanın bu ölkənin Silahlı Qüvvələrinin Baş Qərargah rəisi Onik Qasparyanın istefaya göndərilməsi barədə qərarı imzalamaqdan imtina edib. Bu barədə Sputnik Ermənistan xəbər verir.

Bildirilir ki, Sarkisyan bu qərarın özünün deyil, hələ 2018-ci ildə "Hərbi xidmət və hərbçilərin statusu" haqqında edilən dəyişikliklərin Konstitusiyaya uyğunluğunu nəzərdən keçirməsi üçün Konstitusiya Məhkəməsinə müraciət edib.

Yəni Konstitusiyaya görə, qərar avtomatik qüvvəyə minəcək.

Qeyd edək ki, fevralın 25-i Ermənistan Silahlı Qüvvələrinin Baş Qərargahı ölkənin Baş naziri Nikol Paşinyanın istefasını tələb edib. Bu barədə Ermənistanın Baş Qərargah rəisi Onik Qasparyan, onun bütün müavinləri, bütün böyük hərbi birliklərin idarə rəhbərləri və komandirlərinin imzaladığı bəyanatda bildirilir.

Hərbçilər qeyd ediblər ki, Ermənistan Baş Qərargah rəisinin birinci müavini Tiran Xaçatryanın istefaya göndərilməsi barədə qərarın milli və dövlət maraqları nəzərə alınmadan, yalnız şəxsi ambisiyalara əsaslanaraq verildiyini hesab edirlər. "Belə çətin şəraitdə verilən qərar dövlət əleyhinə olan məsuliyyətsiz addımdır", - deyə bəyanatda bildirilir.

Buna cavab olaraq Ermənistanın Baş naziri Nikol Paşinyan ölkənin Baş Qərargahının bəyanatını hərbi çevrilişə cəhd adlandırıb və Onik Qasparyanın tutduğu vəzifədən azad olunması barədə qərar verib.

Bundan sonra Ermənistan Prezidenti Armen Sarkisyan bu ölkənin Silahlı Qüvvələrinin Baş Qərargah rəhbəri Onik Qasparyanın işdən çıxarılması barədə qərarı imzalamayıb və onu geri, baş nazir Nikol Paşinyana göndərib.

Bundan sonra Paşinyan imzalaması üçün ölkə prezidentinə yeni qərar göndərib.

 

107
Teqlər:
Konstitusiya Məhkəməsi, prezident, Nikol Paşinyan, istefa, Baş Qərargah rəisi, Ermənistan
Azərbaycan Respublikası Müdafiə Nazirliyinin binası

Müharibədə şəhid olmuş itkin düşmüş hərbi qulluqçuların son siyahısı açıqlandı

0
(Yenilənib 18:24 02.03.2021)
Müdafiə Nazirliyi Azərbaycan Respublikası Silahlı Qüvvələrinin Vətən müharibəsində şəhid olmuş hərbi qulluqçularından martın 2-dək dəfn edilənlər və itkin düşmüş hesab olunanlar haqqında məlumatı dərc edib.

BAKI, 2 mart - Sputnik. Müdafiə Nazirliyi Azərbaycan Respublikası Silahlı Qüvvələrinin Vətən müharibəsində şəhid olmuş və itkin düşmüş hərbi qulluqçuları ilə bağlı ən son məlumatları açıqlayıb. 

Sputnik Azərbaycan Müdafiə Nazirliyinə istinadla xəbər verir ki, açıqlamada martın 2-dək dəfn edilən 2881 nəfərin, eləcə də itkin düşmüş hesab olunan 28 nəfərin foto şəkilləri, adları, soyadları, hərbi rütbəsi və doğum tarixi haqqında məlumat təqdim olunub.

Nazirlik həmçinini bildirib ki, itkin düşmüş hesab olunan hərbi qulluqçuların tapılması və identifikasiyası üzrə işlər davam etdirilir.

Vətən müharibəsində şəhid olmuş hərbi qulluqçuların siyahısı ilə bu keçiddən tanış ola bilərsiz. 

 

 

0