Vladimir Putin və Həsən Ruhani

Həsən Ruhanidən Vladimir Putinə maraqlı təklif

8117
(Yenilənib 15:44 08.09.2018)
Birləşmiş Ştatlar bütün bəşəriyyət üçün təhdiddir və bu (əməkdaşlıq) onun qarşısının alınması üçün imkanlardan biridir

BAKI, 8 sentyabr — Sputnik. İranın dini lideri Əli Xameneyi Rusya prezidenti Vladimir Putinlə cümə günü baş tutan görüşün yekunları barədə danışarkən qeyd edib ki, Tehran və Moskva arasında əməkdaşlığın aspektlərindən biri ABŞ-ın qarşısının alınması ola bilər. Bu barədə Sputnik Azərbaycan "Mehrnews"-a istinadən xəbər verir.

"Hər iki tərəfin əməkdaşlıq edə biləcəyi məsələlərdən biri – ABŞ-ın qarşısının alınması ola bilər. Çünki Birləşmiş Ştatlar bütün bəşəriyyət üçün təhdiddir və bu (əməkdaşlıq) onun qarşısının alınması üçün imkanlardan biridir", — deyə Xameneyi bildirib.

Qeyd edək ki, Vladimir Putin və Əli Xameneyi arasında görüş İran rəhbərinin Tehrandakı iqamətgahında baş tutub.

Xatırladaq ki, İranın paytaxtı Tehranda İran, Türkiyə və Rusiya prezidentlərinin zirvə görüş

Prezidentlərinin üçtərəfli zirvə görüşünün yekunları ilə bağlı birgə bəyannamə qəbul edilib.

Üç ölkənin prezidentləri — Həsən Ruhani, Rəcəb Tayyib Ərdoğan və Vladimir Putin görüşdə Suriya məsələsi, o cümlədən İdlib əyalətindəki vəziyyəti müzakirə ediblər.

Həsən Ruhani deyib ki, İdlibdə heç bir vətəndaş zərər görməməlidir. O, Suriyada Bəşər Əsəd rejiminə qarşı çıxan müxaliflərin kökü kəsilənədək mübarizənin davam edəcəyini vurğulayıb. Ruhani ABŞ-ın Suriyadakı varlığına son qoyulmalı olduğunu da dilə gətirib.

Ərdoğan isə bildirib ki, İdlibdəki son hadisələr çox riskli bir vəziyyətə gəlib. Türkiyə prezidenti İdlibə hücumların fəlakətlə nəticələnəcəyini, hücum olarsa, milyonlarla insan Türkiyə sərhədinə doğru hərəkət edəcəyini vurğulayıb. Prezident Ərdoğan İdlibdə atəşkəs çağırışı edib: "İdlibdə dinc insanlar zərər görür, bombardman dayanmalıdır".

Sammitə dair bəyanatın səslənməsindən əvvəl isə Ərdoğan israrla bəyanatda atəşkəs ifadəsinə yer verilməsinin vacibliyini vurğulayıb. Putin də buna cavab olaraq "Danışıqlar masasında terrorçular, ya da silahlı müxalifətin nümayəndələri olmadığına görə, onların adından qərar verə bilmərik" cavabını verib.

Ərdoğan son olaraq "Nusra və digərlərinə tərksilah çağırışı edək" —deyib. Bu açıqlamanın ardından söz alan Ruhani iclası bitirib.

Bəyannamədə deyilir ki, Suriya ilə bağlı növbəti Türkiyə-Rusiya-İran üçtərəfli sammiti Rusiyada keçiriləcək.

8117
Əlində gitara olan kişi, arxiv şəkli

Məşhur rok ifaçısı vəfat edib

13
Beş albomun müəllifi olan rok musiqiçisi daha çox "Pamela, Pamela", "Come on home", "Goodbye Bluebird", "She needs love" hitləri ilə tanınıb.

 

BAKI, 7 avqust — Sputnik. 60-70-cı illərin məşhur "Game of love" hitinin ifaçısı, britaniyalı rok musiqiçisi Ueyn Fontana vəfat edib.

74 yaşlı sənətçi İngiltərənin Stokport şəhərindəki xəstəxanalardan birində həyatını itirib.

Məşhur ulduzun ölüm səbəbi hələlik məlum deyil.

O, sözügedən kompozisiyanı ilk dəfə 1965-ci ildə "The Mindbenders" qrupu ilə birlikdə ifa edib.

Beş albomun müəllifi olan rok musiqiçisi daha çox "Pamela, Pamela", "Come on home", "Goodbye Bluebird", "She needs love" hitləri ilə tanınıb.

13
Deyzi Koulmen, arxiv şəkli

"Netflix"in ulduzu intihar etdi

21
Ana: "Düşünürəm ki, mənə onsuz yaşaya biləcəyimi göstərmək istədi. Amma mən bacarmıram. Bütün ağrısını götürmək istərdim".

BAKI, 7 avqust — Sputnik. 23 yaşlı məşhur amerikalı aktrisa və model Deyzi Koulmen intihar edib. Bu barədə ulduzun anası Melinda öz "Facebook" səhifəsində yazıb. Onun sözlərinə görə, qızı ötən gün axşam həyatına son qoyub. Anası bildirib ki, qızı Deyzi 14 yaşındakı təcavüz sarsıntısından hələ də özünə gələ bilmirmiş. O deyib ki, Deyzi Koulmen və rəfiqəsi məktəbdə ikən seksual zorakılığa məruz qalıblar. Hadisədən sonra sosial şəbəkədə ona qarşı qarayaxmalar, ailəsinə qarşı isə təhdidlər yazılmağa başlayıb. Üstəlik, onları təhqir edənlər cəzadan yayına biliblər. Ulduzun anası əlavə edib ki, "Netflix" ulduzu baş verənlərdən heç vaxt qurtula bilməyib: "O, mənim ən yaxşı dostum və gözəl qızım idi. Düşünürəm ki, mənə onsuz yaşaya biləcəyimi göstərmək istədi. Amma mən bacarmıram. Bütün ağrısını götürmək istərdim".

Qeyd edək ki, Koulmen məktəbdə oxuyarkən rəfiqəsi ilə birgə dostlarını ziyarət etdiyi zaman cinsi istismara məruz qalmışdılar. Təcavüzkar keçmiş ABŞ senatoru Metyu Barnettin nəvəsi olub və baş verən hər şey lentə alınıb. O vaxt Koulmen 14 yaşında idi. Bundan sonra Barnett qızı evinə aparıb və eyvanda buraxıb. Deyzinin anasının dediyinə görə, gecə demək olar ki, havanın temperaturu sıfıra bərabər olub. Səhər qızını eyvanda tapanda onun saçları soyuqdan yerə yapışıb. Eyni zamanda bu işi görən yeniyetmələr cəzadan qaçıblar, ittihamlar aradan götürülüb.

Tükürpədici hadisədən sonra, Deyzi Koulmeni sosial şəbəkələrdə təhqir etməyə başlayıblar və ailəsinə təhdidlər gəlib. Deyzinin anası işdən qovulub və müəmmalı şəraitdə evləri yanıb.

2016-cı ildə sözügedən hadisədən bəhs edən "Odri və Deyzi" adlı sənədli film, ABŞ-ın transmilli şirkəti olan "Netflix"-də yayımlanıb.

Bundan sonra Koulmen "Demokratiya indidir" və "Texas - ölüm tələsi" seriallarında çəkilib. O, həm də model və döymə sənətçisi kimi çalışıb.

21
Qaz kəmərində partlayış, arxiv şəkli

Partlayış baş verən qaz kəməri ilə bağlı SOCAR-dan açıqlama gəldi

22
"Hələlik dəqiq bilmirik ki, partlayış olan hansı kəmərdir. Amma ehtimal olunur ki, bu, Qazalmaz qaz anbarına birləşən boru kəməridir".

BAKI, 7 avqust — Sputnik. Xəbər verdiyimiz kimi, Hacıqabul rayonunda çöllük ərazidə qaz xəttində yanğın baş verib.

SOCAR-ın mətbuat katibi İbrahim Əhmədov "Qafqazinfo"ya açıqlamasında qaz boru kəmərində baş verən partlayışı təsdiqləyib:

"Hacıqabulda bizim qaz daşımaları üçün magistral qaz boru kəmərləri çoxdur. Hələlik dəqiq bilmirik ki, partlayış olan hansı kəmərdir. Amma ehtimal olunur ki, bu, Qazalmaz qaz anbarına birləşən boru kəməridir. Qaz-İxrac İdarəsinin rəhbərliyi hazırda hadisə yerinə gedib və dəqiqləşdirmə aparılır. Partlayış yaşayış sahəsindən kənarda baş verib. Buna görə xəsarət alan da yoxdur. Boru kəməri bağlanıb və ona qaz verilmir. Boruda qaz qurtaranda yanğın da sönəcək".

İ. Əhmədov deyib ki, partlayışa görə həmin ərazidə qaz təchizatında müvəqqəti fasilə yarana bilər.

22