Kim Çen İn

Kim Çen İn yoxa çıxıb

405
(Yenilənib 00:01 05.09.2018)
O, keçmiş müdafiə naziri Kim En Çxunun dəfn mərasimində də iştirak etməyib

BAKI, 5 sentyabr — Sputnik. Kim Çen İn sirli şəkildə yoxa çıxıb. Sputnik Azərbaycan Rusiya mətbuatına istinadla xəbər verir ki, Şimali Koreya lideri avqustun 21-dən yoxa çıxıb.

Məlumata görə, iyuldan avqusta kimi Kim Çen İn 30 iaşə obyektini ziyarət edib. Sonuncu dəfə ölkə başçısının fəaliyyəti iki həftə əvvəl KİV-də işıqlandırılıb. Həmin vaxt o, tibbi avadanlıqlar fabriki ziyarət edib. Bundan sonra onu görən olmayıb. Lider hətta keçmiş müdafiə naziri Kim En Çxunun dəfn mərasimində də iştirak etməyib.

Qeyd edək ki, sentyabrın 9-da Şimali Koreyanın yaranmasnın 70-ci ildönümüdür.

Jurnalistlər hesab edir ki, ölkə başçısı Amerika ilə danışıqlarda heç bir irəliləyiş olmadığı üçün kölgəyə çəkildiyindən Seul və Pxenyanın xüsusi təmsilçiləri ilə planlaşdırılmış görüşün taleyi sual altındadır.

Xatırladaq ki, avqustun sonunda ABŞ prezidenti Donald Tramp dövlət katibi Mayk Pompeodan xahiş edib ki, Şimali Koreyaya səfərini təxirə salsın. Onun fikrincə, Koreya yarımadasının nüvə silahından imtinası prosesinin inkişafı yetərli deyil. Bununla yanaşı o, qeyd edib ki, Koreya liderinə o hörmət edir və onunla yenidən görüşəcəyinə ümidlidir. Tramp həmçinin qeyd edib ki, Çin Pekin və Vaşinqton arasında olan ticarət müharibəsinə görə, Koreya yarımadasındakı prosesə az kömək etmir.

405
Teqlər:
itkin, danışıqlar, Seul, Pxenyan, Donald Tramp, Şimali Koreya, Kim Çen In
İzmirdə

İzmirdə seli lentə alan operator nənəsinin meyitini tapdı

29
İzmirdə baş verən güclü zəlzələdən sonra meydana gələn seli lentə alan operator nənəsinin meyitini tapıb. Gəncin və ətrafdakıların köməyilə meyit sudan çıxarılıb.

BAKI, 31 oktyabr — Sputnik. İzmirdə baş verən güclü zəlzələdən sonra meydana gələn seli lentə alan operator nənəsinin meyitini tapıb.

Sputnik Azərbaycan xəbər verir ki, bununla bağlı görüntüləri "Haber Global" yayıb.

Gəncin və ətrafdakıların köməyilə meyit sudan çıxarılıb.

Xatırladaq ki, ötən gün yerli vaxtla saat 14:51-də Türkiyənin İzmir şəhərində 6,6 bal gücündə zəlzələ baş verib. Yeraltı təkanlar Egey dənizi bölgəsi ilə yanaşı, İstanbul və Mərmərə bölgəsində də hiss olunub.

Türkiyə Fövqəladə Hallar Nazirliyinin (AFAD) məlumatına görə, zəlzələnin episentri İzmirin Seferihisar rayonudur. Beş binanın tamamilə dağıldığı, xeyli evin zərər gördüyü bildirilir. İnsanlar panikaya düşərək küçələrə çıxıblar. Hazırda İzmirdə baş verən zəlzələdə dünyasını dəyişənlərin sayı 24-ə yüksəlib. Xəsarət alanların sayı artıq 804-dür.

Dağılan 4 binanın ərazisində xilasetmə işləri başa çatıb, daha 13-də isə hələ də davam edir. Bildirilir ki, birinci zəlzələdən sonra ən böyük maqnitudası 5,1 olan 400-dən çox təkan (afterşok) qeydə alınıb.

29
Əlaqədar
Türkiyədə bir gündə iki zəlzələ: ölən və xəsarət alanların sayı artdı - YENİLƏNİB
Putin Ərdoğana başsağlığı verdi
Zəlzələdən sonra Türkiyədən ürək ağrıdan görüntülər - FOTO
İzmirdə yenə zəlzələ olub, ölən və yaralananların sayı artıb
Rusiya XİN-nin binası, arxiv şəkli

Rusiya Paşinyanın cavabını verdi

170
(Yenilənib 13:26 31.10.2020)
Müqavilənin bir sıra maddələri yalnız silahlı hücum təhlükəsi və ya bir-birinin ərazilərinə təcavüz aktı olması halında konkret hərəkətləri nəzərdə tutur.

BAKI, 31 oktyabr - Sputnik. Rusiya Xarici İşlər Nazirliyi Ermənistanın Baş naziri Nikol Paşinyanın Rusiya Prezidenti Vladimir Putinə ölkəsinin təhlükəsizliyi ilə bağlı müzakirələrə başlamaq üçün müraciətinə cavab verib. Sputnik Azərbaycan-ın RİA Novostiyə istinadən yaydığı xəbər görə, Rusiyanın Xarici İşlər Nazirliyi "Əgər döyüşlər birbaşa Ermənistan ərazisində keçirilərsə, Rusiya Ermənistana hər cür yardım göstərəcək" , - deyə bildirib.

Qeyd edək ki, Paşinyan 29 avqust 1997-ci ildə iki ölkə arasında imzalanan Dostluq, Əməkdaşlıq və Qarşılıqlı Yardım Sazişinin 2-ci maddəsini əsas götürərək, təhlükəsizliyi təmin etmək məqsədilə Rusiya Federasiyasının Ermənistana verə biləcəyi dəstəyin forma və dərəcəsini təyin etmək üçün dərhal məsləhətləşmələrə başlamaq istəyi ilə Rusiya Federasiyasının Prezidentinə müraciət etmişdi.

Rusiya XİN-dən isə bildiriblər ki, bu Müqavilənin bir sıra maddələri yalnız silahlı hücum təhlükəsi və ya bir-birinin ərazilərinə təcavüz aktı olması halında konkret hərəkətləri nəzərdə tutur. Başqa, sözlə, hazırda bu cür hərəkətlərin yerinə yetirilməsinə ehtiyac yoxdur.

170
Əlaqədar
Paşinyan: "Hazırkı mərhələdə Qarabağ məsələsinin diplomatik yolla həlli yoxdur"
Paşinyan Ermənistana kömək üçün Putinə müraciət etdi
Paşinyan Qarabağ məsələsini güzəştlə həll etmək istəyir
(0:49 / 5.85Mb / просмотров видео: 3)

Dağıdılmış qəbir daşları Ağcabədi məzarlığının atəşə tutulandan sonrakı videosu

0
Bu gün səhər saatlarından Ermənistan Silahlı Qüvvələri humanitar atəşkəs rejimini pozmaqda davam edib. Atılan mərmilərdən biri İmamqulubəyli kənd qəbiristanlığına düşüb.

Ağcabədinin Hacılar, Qiyaməddinli, Boyat, Arazbar və İmamqulubəyli kəndləri ağır artilleriyadan intensiv atəşə tutulub. Səhər saat 07:00 radələrində atılan mərmilərdən biri İmamqulubəyli kənd qəbiristanlığına düşüb. 7 qəbir daşı dağılıb, xeyli qəbirdə qəlpə izləri əmələ gəlib.

Ağcəbədi atəş altında: Evlər dağınıq, şüşələr paramparça, təsərrüfatlar viran – video >>

Sakinlər Ermənistan Silahlı Qüvvələrinin kəndləri mütəmadi atəşə tutduğunu, lakin heç nədən qorxmadıqlarını bildiriblər.

0
Mövzu:
Azərbaycan və Ermənistan arasında müharibə