ABŞ dollarları, arxiv şəkli

Saatda 4,4 milyon ya dünyanın ən zənginləri qədər qazanır?

62
(Yenilənib 01:36 03.09.2018)
Araşdırma nəticəsində ortaya çıxan rəqəmlər çox insanın ömür boyu qazana biləcəyi məbləğdən daha yüksəkdir

BAKI, 3 sentyabr — Sputnik. ABŞ-ın "Business İnsider" biznes saytı ABŞ-dakı ən zəngin 9 iş adamının bir saatda nə qədər pul qazandığını açıqlayıb. Qazancları hesablamaq üçün "Forbes" jurnalının proqnozlarından istifadə edilib.

Sputnik Azərbaycan "Mynet"ə istinadla xəbər verir ki, araşdırma nəticəsində ortaya çıxan rəqəmlər çox insanın ömür boyu qazana biləcəyi məbləğdən daha yüksəkdir.

Twitter sosial şəbəkəsinin rəhbəri Cek Dorsi saatda 205 min dollar, "Microsoft"un banisi Bill Qeyts 456 min dollar pul qazanır.

Tesla və Spacex-in İcraçı direktoru İlon Mask saatda 684 min dollar, "Google"nin qurucularından olan Larri Peyc 924 min dollar, "Facebook"un qurucusu Mark Zukerberq 1.7 milyon dollar qazanır.

ABŞ dolları
© Sputnik / Natalya Seliverstova

Ən çox qazanan isə dünyanın ən böyük alış-veriş platformu olan "Amazon"nun qurucusu Cef Bezosdur. O, saata 4.4 milyon dollar qazanır. Bəs kimdir bu Cef Bezos?

ABŞ-ın Nyu-Mexiko ştatının Albuquerque şəhərində dünyaya gələn Cef Bezos 1986-cı ildə ABŞ-ın ən nüfuzlu təhsil ocaqlarından biri olan Prinston Universitetindən məzun olub. Prinston Universitetinin kompüter elmləri fakültəsindən sinif birincisi olaraq məzun olub.

1995-ci ildə "Amazon"u yaradıb və ilk olaraq kitab satmağa başlayıb. O, "Amazon"u yaratmamışdan qabaq bir şirkətdə çalışırmış. Bu şirkətin rəhbərinə "Amazon" ideyasını təqdim edib, lakin təklif qəbul edilməyib. Bundan sonra o həmin şirkətdən uzaqlaşıb və öz şirkətini qurub. Daha sonra "Amazon" qlobal bir mübadilə platformasına çevirilib.

62
Teqlər:
pul, "Forbes" jurnalı, qazanc, məşhurlar
Liberal Demokrat Partiyasının lideri Vladimir Jirinovski

Jirinovski: "Onların üzünə tüpürüb, daşa basacaqlar"

13
Kommunistlər, yaxud "Spravedlivaya Rossiya" nə ilə ortaya çıxacaq? Onların üzünə tüpürüb, daşa basacaqlar! Onlara deyəcəklər: hansı yeni sosializmdən danışırsınız? Axı siz hələ 40 il əvvəl bizə kommunizm söz vermişdiniz!

BAKI, 18 may — Sputnik. Rusiya liberal-demokrat partiyasının (RLDP) sədri rəhbərlik etdiyi təşkilatın "siyasi səhnədə bakirə" olduğunu bəyan edib. Sputnik Azərbaycan Rusiya mediasına istinadən xəbər verir ki, partiya sədri RLDP-nin hələ heç bir partiya ilə siyasi ittifaqa girmədiyini dilə gətirib.

""Yedinaya Rossiya" vətəndaşların qarşısına nə ilə çıxacaq? Onlardan soruşacaqlar: niyə siz heç bir şey etməmisiniz? Axı 20 ildir ki, hökumət partiyasısınız. Kommunistlər, yaxud "Spravedlivaya Rossiya" nə ilə ortaya çıxacaq? Onların üzünə tüpürüb, daşa basacaqlar! Onlara deyəcəklər: hansı yeni sosializmdən danışırsınız? Axı siz hələ 40 il əvvəl bizə kommunizm söz vermişdiniz! Onların heç birinin təklif edəcəyi bir şey yoxdur. Seçicilər onların hamısına yalançı və fırıldaqçı kimi nifrət edirlər", - partiya lideri qeyd edib.

Jirinovski bildirib ki, RLDP isə təmizdir: "Əgər məişət dilində müqayisə aparsaq, RLDP siyasi səhnədə bakirədir. Biz heç kimlə nikaha, siyasi ittifaqa daxil olmamışıq. Bunların hamısı isə elə qurcuxurlar", - deyə Jirinovski bildirib.

Eləcə də oxuyun: 

* Jirinovski Rusiya prezidenti vəzifəsinin adının dəyişdirilməsini təklif edir

* Jirinovskidən xaricdə yaşayan ruslara RF pasportlarının verilməsini sadələşdirmək təklifi

* Köklərə məhdudiyyət qoyun, arıqlar yaşaya bilmirlər

 

13
Teqlər:
partiya, Rusiya, Vladimir Jirinovski

Dmanisidəki hadisəni etnik qruplar arasında münaqişəyə çevirmək cəhdləri təəssüf doğurur

4
(Yenilənib 00:01 18.05.2021)
Ombudsman Səbinə Əliyeva vəziyyətin daha da gərginləşməsinin qarşısını almaq üçün gürcüstanlı həmkarını bu məsələni nəzarətdə saxlamağa çağırıb.

BAKI, 17 may - Sputnik. Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Gürcüstanın Dmanisi rayonunda azərbaycanlı sahibkara məxsus mağazanın qarşısında həmin şəxsə, eləcə də digər azərbaycanlı gənclərə hücum edilməsi nəticəsində baş vermiş kütləvi dava ilə bağlı Gürcüstanın Xalq Müdafiəçisi Nino Lomcariyaya müraciət edib.

Sputnik Azərbaycan-ın məlumatına görə, Azərbaycan Ombudsmanı hadisəni etnik qruplar arasında münaqişəyə çevirmək cəhdlərinin təəssüf və narahatlıq doğurduğunu bildirib. Azərbaycan və Gürcüstanın strateji tərəfdaş olduğunu qeyd edən Ombudsman müvafiq orqanlar tərəfindən məsələnin araşdırılması üçün zəruri tədbirlər görüləcəyinə inamını ifadə edib.

Ombudsman Səbinə Əliyeva vəziyyətin daha da gərginləşməsinin qarşısını almaq üçün gürcüstanlı həmkarını bu məsələni nəzarətdə saxlamağa çağırıb.

Qeyd edək ki, 16 may 2021-ci il tarixində, saat 17.00 radələrində Gürcüstanın Dmanisi rayonunun "9 aprel" küçəsində bir qrup şəxsin azərbaycanlı sahibkar Qəşəm Şamilova məxsus mağazanın qarşısına gələrək, ona, eləcə də mağazanın qarşısındakı azərbaycanlı gənclərə hücum etmələri nəticəsində kütləvi dava baş verib. Hadisə zamanı bir neçə nəfər ciddi xəsarət alıb. İnsident iştirakçılarından 8 nəfəri Gürcüstanın hüquq mühafizə orqanları tərəfindən saxlanılıb.

Məsələni bir neçə qurum nəzarətdə saxlayır.

Eləcə də oxuyun:

* Dmanisidə 8 nəfər saxlanıldı, Azərbaycan səfirliyi bəyanat yaydı

* Nazir: "Azərbaycanlılar gürcülərin qardaşlarıdır, qarşıdurmaya imkan verməyəcəyik"

* Gürcüstanda svanlar azərbaycanlılara hücum etdilər, dava düşdü - VİDEO

 

4
Teqlər:
insident, Gürcüstan, Azərbaycan, ombudsman