Saat

Avropada ancaq yay olacaq VİDEO

110
(Yenilənib 17:48 01.09.2018)
Qış vaxtına keçidin ləğv olunması ideyasının kökündə isə Avropa İttifaqı ölkələrində aparılan sorğunun nəticələri dayanır

BAKI, 1 sentyabr — Sputnik. Avropa İttifaqı ölkələrində yay-qış vaxtına keçid ləğv oluna bilər.

Sputnik AzərbaycanEuronews”a istinadla xəbər verir ki, Avropa İttifaqının nəqliyyat üzrə komissarı Violeta Bulk bu barədə məlumatı sosial şəbəkələrdəki profilində paylaşıb. Bundan öncə isə Avropa Komissiyasının prezidenti Jan-Klod Yunker saat dəyişikliyindən imtina edilməsi tələbi ilə çıxış edib.

Qış vaxtına keçidin ləğv olunması ideyasının kökündə isə Avropa İttifaqı ölkələrində aparılan sorğunun nəticələri dayanır. 4,6 milyon avropalının iştirak etdiyi sorğuda böyük əksəriyyət (84%) vaxt keçidinin ləğv olunmasına tərəfdar çıxıb.

Jan-Klod Yunker öz açıqlamasında bildirib ki, əgər insanlar bunu tələb edirlərsə, o zaman bu tələb icra edilməlidir. Sorğuda iştirak edənlər Avropada yay vaxtının dəyişməz olaraq saxlanmasını istəyiblər və bu da həyata keçiriləcək. 

Avropa Komissiyasının prezidenti fikirlərini qəti gələcək zaman formasında bəyan etsə də, komissiyanın bu məsələdə səlahiyyəti yalnız təklif hüququndan ibarətdir. Növbəti hüquqi addım kimi məsələyə Avropa Parlamenti tərəfindən müsbət qərar verilməli, eyni zamanda üzv dövlətlə saat keçidinin ləğv edilməsinə razılıq bildirməlidirlər. Əgər bütün hüquqi addımlar komissiyanın təklif etdiyi şəkildə baş verərsə, o zaman Avropa ərazisində yalnız yay vaxtı qüvvədə olacaq.

Qeyd edək ki, ötən əsrdə enerji səmərəliliyini və günəş işığından effektiv istifadəni təmin etmək məqsədi ilə yay-qış vaxtlarına keçid dünyanın bir çox ölkəsində tətbiq olunmağa başlayıb. Lakin müasir dövrdə vaxtı bir saat irəli və ya geri çəkməklə həqiqətin də enerjiyə qənaət olunması ətrafında mübahisələr gedir.

Qeyd edək ki, hazırda Avropada üç saat qurşağı (Şərqi Avropa vaxtı, Mərkəzi Avropa vaxtı və Qərbi Avropa vaxtı) mövcuddur və 2002-ci ildə bütün Avropa ərazisində yay-qış vaxtına keçid vahid formaya salınıb. Bəzi ekspertlərin rəyincə, əgər bəzi ölkələr vaxt keçidinin ləğvindən imtina etsələr, bu, Avropada bir sıra problemlərə yola aça bilər.

110
Teqlər:
yay-qış vaxtı, keçid, saat, sorğu, Avropa İttifaqı
Dieqo Armando Maradona

Maradonanın həkimi ittihamlara cavab verdi

15
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

15
Teqlər:
axtarış, ittiham, həkim, ölüm, Dieqo Armando Maradona
Микрофон

Uşaq "Avroviziya"sının qalibi bəlli oldu - VİDEO

16
(Yenilənib 23:14 29.11.2020)
Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər

BAKI, 29 noyabr - Sputnik. Fransanı təmsil edən Valentina Trünel J'imagine mahnısı ilə beynəlxalq "Uşaq Avroviziyası-2020" müsabiqəsinin qalibi olub.

Sputnik Azərbaycan bildirir ki, müsabiqənin finalı Polşada telekörpü formatında keçirilib. Valentina peşəkar münsiflər heyəti və tamaşaçıların səsi ilə 200 xal toplayıb.

İkinci yerə Qazaxıstan təmsilçisi Karakat Başanova, üçüncü yerə isə İspaniyadan Solea layiq görülüblər.

Rusiya təmsilçisi Sofya Feskova 88 xalla 10-cu yeri tutub. Müsabiqənin finalında 12 ölkənin: Almaniya, Belarus, Gürcüstan, Qazaxıstan, İspaniya, Malta, Niderland, Polşa, Rusiya, Serbiya, Ukraynanın və Fransanın təmsilçiləri iştirak ediblər.

İştirakçıların nəticələri peşəkar münsiflər heyəti və tamaşaçıların müsabiqənin saytındakı səsverməsi ilə təyin olunub. Böyüklərin "Avroviziya"sından fərqli olaraq, burada tamaşaçılar öz ölkələrinə səs verə bilirdilər. Ancaq bu zaman tamaşaçılar minimum üç bəyəndikləri iştirakçıya səs verməli idilər.

16
Teqlər:
Fransa, final, müsabiqə, Polşa, Uşaq Avroviziyası, uşaqlar