Suriyanın İdlib vilayətinin Atameh qəsəbəsi Türkiyə sərhədi

Türkiyədə böyük həyəcan yaşanır, daha 4 milyon suriyalı qapıya dayanıb

15194
(Yenilənib 12:20 31.08.2018)
Ölkənin müvafiq qurumları mümkün köç dalğasına qarşı fəaliyyətə başlayıb

BAKI, 31 avqust — Sputnik. Dünyanın son günlər yaxından təqib etdiyi Əsəd rejiminin İdlibə qarşı mümkün hərbi əməliyyatı gözləntisi Türkiyədə həyəcana səbəb olub. Sputnik Azərbaycan "Haberturk"a istinadla xəbər verir ki, müxaliflərin son qalası olaraq bilinən İdlibə qarşı rejimin mümkün əməliyyatının qarşısının alınması üçün diplomatik danışıqlar davam edir. Amma bölgədə gərginlik hər gün artır.

İdlibi nəzarət altında saxlayan silahlı qruplar şəhərin ətrafına xəndəklər qazırlar. İdlibdə əməliyyat keçirilsə, 4 milyona yaxın suriyalının sığınmaq istəyəcəyi ünvan Türkiyə olacaq. Ona görə də Türkiyə məsələnin diplomatik yolla həllinə çalışır.

Qarşıdurma vəziyyətində mülki əhali Türkiyə ilə sərhəddə yönələ bilər. Məqsəd ilk mərhələdə suriyalı mülki əhalinin Türkiyə sərhəddinə yaxın nöqtədə, Suriya tərəfindəki Atma düşərgəsində və ətrafında saxlanılmasıdır.

Suriyanın İdlib şəhəri Türkiyənin Hatay vilayətinin qarşısında yerləşir. İdlibin əhalisi Suriyanın digər yerlərindən buraya sığınanlarla birlikdə 4 milyona çatıb. Qarşıdurma vəziyyətində İdlibdə yaşayan 4 milyona yaxın suriyalının Türkiyə sərhəddinə gəlməsi qaçılmaz görünür.

Türkiyənin müvafiq qurumları mümkün köç dalğasına qarşı fəaliyyətə başlayıb. Türkiyə bu səbəbdən rejimin İdlib əməliyyatına qarşı çıxır.

Bu arada, BMT-nin Suriya üzrə xüsusi nümayəndəsi Staffan de Mistura İdlibdə qarşıdurmanın qarşısının alınması üçün Astana prosesinin təminatçıları olan Türkiyə, Rusiya və İrana daha çox vaxt verilməsi çağırışı edib.

Türkiyə prezident Rəcəb Tayyib Ərdoğan Suriya danışıqları üçün üçtərəfli zirvə çərçivəsində 7 sentyabrda İrana gedəcək. Zirvəyə Türkiyə, İran və Rusiya prezidentləri qatılacaq.

15194
Teqlər:
hərbi əməliyyat, Əsəd rejimi, İdlib, Suriya, Türkiyə, qaçqın
Əlaqədar
Netanyahu İran və Suriyanı təhdid etdi
Bölgəmizdə böyük fəlakətə hazırlıq gedir, ortada ABŞ-Suriya danışıqları iddiası da var
Suriyada vəziyyət gərginləşir, Rusiya və ABŞ döyüş hazırlığı vəziyyəti aldılar
Suriyaya dair mühüm anlaşma əldə olunub
Suriyada bağlanan düyün: Üçüncü dünya savaşı başlayıb, yoxsa başlayacaq?
Qalatasaray azarkeşləri, arxiv şəkli

Türkiyənin məşhur klubundan şəhidimizlə bağlı jest

11
(Yenilənib 16:26 24.11.2020)
"Qalatasaray"ın növbəti oyunlarından birində stadionda şəhidimiz Muradın səs yazısı səslənəcək, oyunçular Fərid yazılı forma ilə oyuna çıxacaqlar.

BAKI, 24 noyabr — Sputnik. "Qalatasaray"ın növbəti oyunlarından birində stadionda şəhidimiz Fəridin səs yazısı səslənəcək, oyunçular Fərid yazılı forma ilə oyuna çıxacaqlar. Sputnik Azərbaycan-ın məlumatına görə, bu barədə CBC Sportun idman şərhçisi Gündüz Abbaszadə məlumat yayıb. O bildirib ki, şəhidin ailəsi "Qalatasaray"ın oyununa dəvət olunacaq. Klub şəhidimizin məzarını ziyarət edəcək: ""Qalatasaray" prezidentinin köməkçisi Yusuf Günay bir az əvvəl telefon danışığımızda mənə bunları dedi. Fərid və Muradın ailəsinin nömrələrini də istədi. Tapdıq, göndərdik. Bununla yanaşı, Türkiyə TV-lərində bu haqda xəbərlər olacaq. Ümid edirəm, ruhları şaddır!"

Xatırladaq ki, Vətən müharibəsində torpaqlarımızın azad edilməsi uğrunda qəhrəmancasına döyüşərək şəhid olan Fərid Dursunovun son istəklərindən biri azarkeşi olduğu Türkiyənin "Qalatasaray" klubu ilə bağlı olub. Qax rayonundan olan Fərid "Şəhid olsam, məzarıma Azərbaycan bayrağı ilə yanaşı "Qalatasaray"ımın bayrağını da asarsınız", - deyə dostlarından xahiş edib. Şəhidlik zirvəsinə ucalandan sonra isə yoldaşları onun bu istəyini yerinə yetiriblər. Qəhrəmanımızın məzarına üçrəngli Azərbaycan bayrağı ilə yanaşı, "Qalatasaray" bayrağı da asılıb. Eyni zamanda sosial şəbəkələrdə gəncin dostları və digər fəallar məsələ ilə bağlı "Qalatasaray" klubunun rəhbərliyinə məlumat verdiklərini bildiriblər. Qeyd edilib ki, klub rəsmiləri də şəhidin xatirəsini əbədiləşdirmək məqsədilə müəyyən rəsmi addımlar atacaqlarını vurğulayıblar.

11
Teqlər:
bayraq, arzu, Qax, azərbaycanlı, şəhid, "Qalatasaray" futbol klubu, Türkiyə
Yerevana mənzərə, arxiv şəkli

Ermənistanda daha bir nazir istefa verib

14
Xaçaryan 2018-ci ilin oktyabrında bu vəzifəyə təyin olunub. Xatırladaq ki, bundan əvvəl Ermənistanda bir neçə nazir vəzifəsindən uzaqlaşdırılıb.

BAKI, 24 noyabr — Sputnik. Ermənistanda daha bir nazir istefa verib.

Sputnik Ermənistan-ın məlumatına görə, ölkənin iqtisadiyyat naziri Tiqran Xaçatryan bir gün qabaq istefa ərizəsi yazıb.

Qeyd edək ki, T. Xaçaryan 2018-ci ilin oktyabrında bu vəzifəyə təyin olunub.

Xatırladaq ki, bundan əvvəl Ermənistanda bir neçə nazir vəzifəsindən uzaqlaşdırılıb.

14
İlham Əliyev, arxiv şəkli

İlham Əliyev: Mən xoşbəxt adamam ki, dörd dəfə Məkkə ziyarətində olmuşam

0
(Yenilənib 17:15 24.11.2020)
Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

BAKI, 24 noyabr — Sputnik. "Bu gün mən Ağdam məscidinə Məkkədən gətirdiyim "Qurani-Kərim"i bağışladım. Mən xoşbəxt adamam ki, dörd dəfə Məkkə ziyarətində olmuşam. Bir dəfə rəhmətlik atamla, üç dəfə isə Prezident kimi. Xoşbəxtəm ki, mən ailə üzvlərimlə bərabər müqəddəs Kəbənin içində dualar etmişəm. Hər bir insanın ürəyində nə varsa, mənim ürəyimdə də eyni duyğulardır. Etdiyim duaların arasında birinci duam torpaqlarımızın işğaldan azad edilməsi idi. Allahdan xahiş edirdim, mənə güc versin ki, biz torpaqları işğalçılardan azad edək, o xoşbəxtliyi bizə nəsib etsin, biz yenə də dədə-baba torpağımıza qayıdaq".

Sputnik Azərbaycan xəbər verir ki, bu barədə Prezident İlham Əliyev Ağdam məscidinin qarşısında çıxışı zamanı deyib.

Dövlət başçısı bildirib:

"Bu gün burada, vandallar tərəfindən dağılmış məscidin önündə deyirəm ki, xoşbəxt adamam. Bir daha Allaha şükür edirəm ki, mənim dualarımı eşidib, bu gücü mənə verib. Biz gücümüzü səfərbər edərək bax, bu tarixi günləri yaşayırıq. Bu, həqiqətən də tarixi günlərdir. Bəlkə də çoxəsrlik Azərbaycan tarixində buna bənzər şərəfli və qürurlu günlər olmayıb. Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

0