Soldan sağa: ABŞ prezidenti Donald Tramp, Kanadanın baş naziri Castin Trüdo, Türkiyənin xarici işlər naziri Mevlüt Çavuşoğlu və Türkiyə Respublikasının prezidenti Rəcəb Tayyib Ərdoğan G20 sammitində. Hamburq, Almaniya, 7 iyul 2017-ci il

İtirən bəlli, itirilən də: Durumdan "simanı itirmədən" çıxmaq mümkün olacaqmı?

10909
(Yenilənib 21:27 18.08.2018)
Bütün amillər Türkiyə-Rusiya-İran üçbucağının formalaşdırılması prosesini daha da aktual edir...

BAKI, 18 avqust — Sputnik. Türkiyə və ABŞ arasında yaşanan "soyuq savaş"ın tezliklə səngiməyəcəyi şübhəsizdir. Hətta bəzi araşdırmaçıların fikrincə, proses Türkiyənin NATO-nu tərk etməsi ilə yekunlaşa bilər. Qeyd edək ki, Ankaranın öz geosiyasi kursunu dəyişəcəyi, hətta NATO-nu tərk edəcəyilə bağlı proqnozlar əvvəllər də dəfələrlə səslənib.

Artıq Ərdoğanın adı ABŞ-ın düşmənləri siyahısına düşməkdədir. Türkiyədə baş verən dövlət çevrilişi cəhdi, bundan sonra Gülənin təhvil verilməməsi Ankara ilə Vaşinqton arasındakı münasibətləri bir az da soyutdu.

ABŞ prezidenti Donald Tramp və Türkiyə prezidenti Rəcəb Tayyib Ərdoğan, arxiv şəkli
© Photo : Tatyana Zenkovich / pool photo via AP

Məsələ ondadır ki, ABŞ-ın Yaxın Şərqdəki əsas hərbi müttəfiqi və NATO üzvü statusu ilə çərçivələnən geosiyasi sərhədlər Türkiyəyə dar gəlir, ölkə çevrəsini bir az da genişləndirməyə, daha çox müstəqil olmağa can atır. Amma bu kontekstdə başqa amili də qeyd etmək gərəkdir. Avropanın Ankaraya qarşı soyuq münasibəti, onu illərcə Avropa Birliyinin kandarında saxlaması, hətta NATO daxilindəki qeyri-səmimi münasibətlər yerli mühafizəkarların¸ ən əsas da dinçi və milliyətçi siyasi qüvvələrin mövqelərini gücləndirməli idi, elə "R.T.Ərdoğan fenomeni" də qismən bundan qaynaqlandı.

Bu gün Türkiyənin Rusiya ilə daha sıx münasibətlər qurmaq cəhdi ABŞ-ı qıcıqlandırır. Ümumiyyətlə, qardaş Türkiyənin son illərdə yürütdüyü xarici siyasətə nəzər yetirəndə, onun geosiyasi çabalarını daha diqqətlə izləyəndə başa düşmək olmur ki, bütün bunlar Türkiyə üçündür, yoxsa Ərdoğan doğrudan da yalnız öz maraqlarına oynayır? Araşdırmaçılar əmindirlər ki, Ərdoğan Türkiyə cəmiyyətinin birləşdirici amilinə çevrilir.  Lakin Ankaranın Vaşinqtonla münasibəti get-gedə daha da pisləşir. İndi hər kəs özünə bir sual verir — Türkiyə-ABŞ müstəvisində nələr olacaq?  Əgər Ankara Moskva ilə tam anlaşa bilsə, bu, mili təhlükəsizliyin birgə təminatına çevriləcək və ABŞ Türkiyəni itirəcək. Türkiyə tarixində bənzər proseslər yaşanıb. 1960-cı il çevrilişi nəticəsində postundan uzaqlaşdırılan və ölüm cəzasına məhkum edilən Türkiyə baş naziri Adnan Menderes ABŞ-la məsafə saxlamaq və SSRİ ilə dost olmaq kursu götürmüşdü. ABŞ onu hakimiyyətdən uzaqlaşdırdı və edam etdi.

Düzdür, artıq Vaşinqtonun proseslərə bu qədər təsir etmək gücü qalmayıb. Əslində, Birləşmiş Ştatlar öz maraqlarına zərbə vurur. Türkiyənin ABŞ-la indiki qarşıdurmada Rusiya amilindən istifadə etdiyi daha bir kəskin süjet xətti paralel inkişaf edir. Ankara amerikalıların Rusiyanın S-400 zenit raket kompleksinin alqısından imtina etmək tələbinə əməl etmədikdən sonra ABŞ Konqresinin palataları milli müdafiə haqda qanuna F-35 qırıcılarının Türkiyəyə tədarükünü yasaqlayan paralel düzəlişlər etdi.

ABŞ Ərdoğandan nə tələb edir? Görünən tərəflər bunlardır.  Pastor Bransonu və 2016-cı il iyul dövlət çevrilişi haqda iş üzrə həbs edilmiş daha 20 adamı azad etmək, ABŞ-ın İrana qarşı geniş sanksiyalarına qoşulmaq, Rusiyadan S-400-ləri almaqdan imtina etmək, Fətullah Gülənə qarşı təqiblərə son qoymaq, Qüds siyasətinə yenidən baxmaq,  Kipr adası ətrafında qaz və neft axtarışından imtina etmək, "Xalqbank"a tətbiq ediləcək cəzaya razı olmaq. Göründüyü kimi ağır şərtlərdir. Habelə, Türkiyə sahib olduğu önəmli mədənlərdə lisenziyaları ABŞ şirkətlərinə verməlidir. Bir sözlə, Ankaraya qarşı açıq təhdid mesajları gündəmdədir.

Beləliklə Ankara və Vaşinqton arasındakı münasibətlərdə indiki böhran Ankaranı diz çökdürmək niyyətindən qaynaqlanır. Türkiyə-Amerika münasibətlərində dönüşlər çox olub. Lakin bu dəfə  qarşılıqlı etibar itib, hər şeydən qabaq Yaxın Şərqdə maraqların müxtəlifliyi ilə bağlı qarşılıqlı şübhələr formalaşıb. Vaşinqton və Ankaranın "simanı itirmədən" belə bir durumdan çıxması artıq imkansız görünür. Məhz buna görə də, şübhə yoxdur ki, ən yaxın gələcəkdə bizi hər iki tərəfdən hələ xeyli sürpriz gözləyir. ABŞ Türkiyəni içəridən parçalaya bilmir, odur ki, terror, lirənin ucuzlaşması, iqtisadi sabotajlara əl atır. Bütün bu amillər isə Türkiyə-Rusiya-İran üçbucağının formalaşdırılması prosesini daha da aktual edir…

10909
Teqlər:
düşmənçilik, sanksiya, İran, Rusiya, NATO, kəskinləşmə, münasibət, ABŞ, Türkiyə
 Koronavirusа qarşı peyvənd, arxiv şəkli

ABŞ-ın baş infeksionisti Rusiyanın koronavirus peyvəndinə şübhə edib

6
(Yenilənib 13:10 12.08.2020)
Ötən gün Rusiya Prezidenti Vladimir Putin Rusiya Federasiyasında koronavirusdan ilk peyvəndin qeydiyyatını elan edib

BAKI, 12 avqust — Sputnik. Amerika Birləşmiş Ştatlarının baş infeksionisti Entonu Fauçi iddia edir ki, onlar gələn həftə öz vaksinlərinin bir neçə variantını təqdim edə bilərdilər, lakin onların effektivliyi və təhlükəsizliyinə əmin deyillər. Sputnik Azərbaycan xəbər verir ki, bunu ABŞ-ın baş infeksionisti "National Geographic" jurnalına açıqlamasında bildirib.

"Vaksinin olması və vaksinin təhlükəsiz və işlək olmasını sübut etmək – bunlar tamamilə fərqli şeylərdir. Bizim yarım düjün, hələ bir qədər də artıq vaksinimiz var. Ona görə də əgər biz risk edib, daha çox insana zərər versə idik, onlara işləməyən bir şeyi vermək istəsə idik, onda bunu gələn həftədən edə bilərdik", - deyə Fauçi "Doğrudanmı Rusiyada vaksin var?" sualını cavablandırarkən bildirib.

"Ona görə də mən ümid edirəm ki, rusiyalılar, doğrudan da vaksinin təhlükəsiz və işlək olmasına əmin olublar. Mən onların bunun etməsinə çox şübhə edirəm", - deyə ABŞ-ın Allergik və İnfeksion Xəstəliklər üzrə Milli İnstitutunun direktoru qeyd edib.

Xatırladaq ki, ötən gün Rusiya Prezidenti Vladimir Putin Rusiya Federasiyasında koronavirusdan ilk peyvəndin qeydiyyatını elan edib. Prezident deyib ki, onu qızlarından biri peyvəndi öz üzərində sınaqdan keçirib. Rusiyanın koronavirusa qarşı hazırladığı yeni peyvənd "Sputnik V" adını alıb.

Bu, 1957-ci ildə Yerin ilk süni peykinin buraxılması ilə bağlıdır.

""Sputnik-1" bütün dünyada kosmik tədqiqatları fəallaşdırıb. COVID-19-dan yeni Rusiya peyvəndi dünya ictimaiyyəti üçün necə deyərlər, "Sputnik anı" yaradıb", – deyə adın izahında bildirilir.

RF Səhiyyə naziri Mixail Muraşko bildirib ki, peyvəndi ilk olaraq tibb işçiləri və müəllimlər alacaqlar. Onun sözlərinə görə, Qamaleya adına Mərkəzin hazırladığı klinik tədqiqatların nəticələrinə əsasən yüksək effektivlik və təhlükəsizlik, immunlaşmanın ciddi fəsadları heç kimdə qeydə alınmayıb. Nazir əlavə edib ki, vaksin daha altı peyvəndin əsaslandığı məlum platformada yaradılıb.

O, vaksinin bundan sonra da minlərlə insanın iştirakı ilə klinik sınaqdan keçəcəyini vurğulayıb. Muraşko bildirib ki, vaksinin iki meydançada - Rusiya Səhiyyə Nazirliyinin Qamaleya adına Mərkəzində və "Binnofarm" şirkətində - buraxılmasına başlanacaq. Rusiyanın Səhiyyə Nazirliyinin Gamaleya adına Mərkəzi və "Binnofarm"şirkəti.

Rusiya Federasiyası Baş nazirinin müavini Tatyana Qolikova deyib ki, həkimlərin koronavirusa qarşı peyvəndlənməsinin avqust və ya sentyabr ayının sonlarında başlaya biləcəyini gözləyir.

6
Teqlər:
vaksin, peyvənd, Koronavirus, COVID-19
Əlaqədar
Rusiyada koronavirus peyvəndlərini ilk kimlərin alacağı açıqlandı
Professor: “Virusla mübarizədə kollektiv immunitetin qazanılmasının tərəfdarıyıq”
Koronavirusdan qurtulmaq şansımız yaranıb - "Təbii ki, peyvəndi Azərbaycana da verərik"
Ərdoğan: “Türkiyədə koronavirus peyvəndinin sınaqları uğurlu oldu“
Vəssalam! Koronavirusun dərmanına patent aldılar
ABŞ-da epidemioloji vəziyyət

Koronavirusdan ölənlərin sayı 740 mini keçdi

4
(Yenilənib 11:01 12.08.2020)
Koronavirusa yoluxmaların sayına görə ilk pillədə ABŞ qərarlaşıb ki, bu ölkədə xəstələrin sayı 5 milyon 141 min 207 nəfərə çatıb

BAKI, 12 avqust — Sputnik. Dünyada koronavirusa yoluxanların sayı 20 292 486 milyonu keçib. Bu barədə Sputnik Azərbaycan Cons Hopkins Universitetinin saytına istinadən xəbər verir.

Məlumata əsasən, virusa yoluxmuş 741 380 nəfər vəfat edib, 12 588 189 xəstə isə sağalıb.

Koronavirusa yoluxmaların sayına görə ilk pillədə ABŞ qərarlaşıb ki, bu ölkədə xəstələrin sayı 5 milyon 141 min 207 nəfərə çatıb. Avropada virusa yoluxanların sayına görə Rusiya ilk yerdədir. Belə ki, bu ölkədə 895 691 yoluxma qeydə alınıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı (ÜST) fevralın 11-də virusun törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

4
Teqlər:
dünya, Koronavirus, COVID-19
Əlaqədar
Koronavirus peyvəndi üçün artıq 20 ölkədən müraciət var
Millət vəkili: Qaydalara əməl edilməsə, yenidən karantin rejimi sərtləşdirilə bilər
Putin Rusiyanın ilk COVID-19 əleyhinə peyvəndinin qeydə alınması barədə
Azərbaycanda koronavirusa yoluxma sayı yenidən artdı
Koronavirusdan qurtulmaq şansımız yaranıb - "Təbii ki, peyvəndi Azərbaycana da verərik"
 Pandemiya zamanı imtahan, arxiv şəkli

Abituriyentlərə ikinci şans verildi, amma topladıqları bal aşağı olacaq

0
(Yenilənib 13:28 12.08.2020)
Həmin abituriyentlər seçdikləri ixtisas qrupuna uyğun şəhər və rayonun imtahan günündə – avqustun 13, 14, 20 və ya 21-də keçiriləcək qəbul imtahanlarının ikinci mərhələsində iştirak edə bilərlər.

BAKI, 12 avqust — Sputnik. Ali təhsil müəssisələrinə qəbul olmaq üçün ərizə verən, lakin hər hansı səbəbdən qəbul imtahanlarının I mərhələsində (cari ilin məzunları üçün buraxılış imtahanı) iştirak etməyən abituriyentlərin imtahanın II mərhələsində iştirak etmələrinə icazə verilib.

Bu barədə Sputnik Azərbaycan-a Dövlət İmtahan Mərkəzindən məlumat verilib.

Bildirilib ki, iyun ayının 10-dan iyulun 30-dək buraxılış (qəbul imtahanlarının birinci mərhələsi) imtahanları keçirilib. Qeyd olunan imtahanlarda təqribən 200 mindən çox şagird (abituriyent) iştirak edib.

Bu müddət ərzində ali və ya orta ixtisas təhsili müəssisələrinə sənəd verən, lakin üzrlü səbəblərdən (temperatur, xəstəlik və s.) imtahanlarda iştirak edə bilməyənlər üçün də DİM-ə sağlam olduqları haqqında arayış təqdim etdikdən sonra növbəti imtahan günlərinin birində imtahan verməsi üçün şərait yaradılıb. Çünki buraxılış (qəbul) imtahanları bir neçə dəfə (müxtəlif şəhər və rayonlar üzrə) keçirilib və ay yarımdan artıq davam edib. Buna görə həmin şəxslərin də imtahan verməsi üçün imkan yaradılıb.

Son vaxtlar isə Dövlət İmtahan Mərkəzinə ali təhsil müəssisələrinə sənəd verən, lakin hər hansı əsaslı bir səbəb olmadan qəbul imtahanlarının birinci mərhələsində (cari ilin məzunları üçün buraxılış imtahanı) iştirak etməyən abituriyentlərin də imtahanların ikinci mərhələsinə buraxılmalarına icazə verilməsi ilə bağlı müraciətləri daxil olub.

COVID-19 infeksiyası ilə əlaqədar yaranan çətinliklər, xüsusi karantin rejimi, pandemiya şəraitinin məhdudiyyətləri və qeyd olunan müraciətlər nəzərə alınaraq Dövlət İmtahan Mərkəzi tərəfindən ali təhsil müəssisələrinə sənəd verən, lakin hər hansı bir səbəbdən qəbul imtahanlarının birinci mərhələsində (cari ilin məzunları üçün buraxılış imtahanı) iştirak etməyən bütün abituriyentlərin (1000-ə yaxın) imtahanların ikinci mərhələsinə buraxılmasına icazə verilib.

Həmin abituriyentlər seçdikləri ixtisas qrupuna uyğun şəhər və rayonun imtahan günündə – avqustun 13, 14, 20 və ya 21-də keçiriləcək qəbul imtahanlarının ikinci mərhələsində iştirak edə bilərlər.

Lakin bu abituriyentlər nəzərə almalıdırlar ki, onlar ali təhsil müəssisələrinə qəbul olmaq üçün keçirilən müsabiqədə qəbul imtahanlarının ikinci mərhələsindən topladıqları bal əsasında iştirak edəcəklər. Qeyd edək ki, abituriyentlərin qəbul imtahanlarının ikinci mərhələsində maksimal olaraq 400 bal toplamaq imkanı var.

0
Teqlər:
abituriyent, qəbul imtahanı, buraxılış imtahanı, imtahan