Səudiyyə Ərəbistan

Ərəb dövlətlərindən Türkiyəyə arxadan zərbə

10440
(Yenilənib 18:13 18.08.2018)
Türkiyənin terror təşkilatı olaraq tanıdığı YPG terror təşkilatının əsas hissəsi olan SDG hakimiyyəti ələ aldıqdan sonra bölgədən insan haqlarının pozulmasına dair çoxsaylı məlumatlar daxil olur

BAKI, 18 avqust — Sputnik. Səudiyyə Ərəbistanı PKK terror təşkilatına 100 milyon dollar yardım ayırıb.

Sputnik Azərbaycan Türkiyə mətbuatına istinadla xəbər verir ki, Səudiyyə Ərəbistanının iyulun 12-də Brüsseldə keçirilən İŞİD-ə qarşı qlobal Koalisiyanın toplantısında Suriyada terror təşkilatından alınan şimal-şərq bölgələri və Rakkanın yenidən bərpa edilməsi üçün 100 milyon dollar bağışladığı açıqlanıb. Qeyd edək ki, sözügedən ərazilər PKK-nın bir qolu olan YPG-nin vacib hissəsi sayılan SDG-nin nəzarəti altındadır.

Səudiyyə Ərəbistanın Vaşinqtondakı səfirliyi "bu məbləğ həyat qurtaracaq, yerindən, yurdundan olmuş suriyalıların geri qayıtmasını təmin edəcək və İŞİD-in Suriyanı və qonşularını təhdid edərək yenidən ortaya çıxmamasını, beynəlxalq hücumlar planlamamasını təmin edəcək" — deyə açıqlama verib. ABŞ Xarici İşlər Nazirliyinin sözçüsü Hizer Nauret isə Vaşinqtonun "comərd hədiyyə"dən şad olduğunu deyərək, təşəkkür edib. ABŞ XİN-i İŞİD-dən azad edilmiş bölgələr üçün ümumilikdə 300 milyon dollar toplandığını açıqlayıb.

Səudiyyə Ərəbistanın ayırdığı məbləğə bölgədə əkinçilik, təhsil, yolların salınması, dağıntıların aradan qaldırılması və s. bu kimi sahələr xərclənəcəyi bildirilib.

Səudiyyə Ərəbistanının Rakka mövzusunda ABŞ və YPG terror təşkilatı ilə eyni mövqedən çıxış etməsi yeni hadisə deyil. Belə ki, Səudiyyə Ərəbistanının körfəz işləri naziri Samir əs-Səbhan 2017-ci ilin oktyabr ayında ABŞ-ın İŞİD-lə mübarizə xüsusi təmsilçisi Brett Mak Kruk ilə birgə Rakkanın Ayn İsa bölgəsi və bəzi kəndlərinə səfər etmişdi.

Qeyd edək ki, Səudiyyə Ərəbistanı ilə yanaşı Birləşmiş Ərəb Əmirliklərinin də Rakka üçün 50 milyon dollar yardım edəcəyi açıqlanıb.

Xatırladaq ki, İŞİD Rakkanı 2014-cü ildə ələ keçirərək 3 il əlində saxlayaraq paytaxt elan etmişdi. ABŞ-ın liderliyi ilə qurulan kürdlərdən ibarət SDG isə 2017-ci ilin iyununda Rakkada əməliyyata başlamış və bir neçə ayda ərazini nəzarəti altına almışdı.

YPG terror təşkilatının əsas hissəsi olan SDG hakimiyyəti ələ aldıqdan sonra bölgədən insan haqlarının pozulmasına dair çoxsaylı məlumatlar daxil olur.

Qeyd edək ki, Türkiyə YPG-ni PKK terror təşkilatının bir hissəsi sayır və Türkiyədə 30 ildən çoxdur terror həyata keçirərək qan tökən bu təşkilata hər hansı bir dəstəyin verilməsinin əleyhinə çıxır.

10440
Teqlər:
Türkiyə, yardım, terror təşkilatı, YPG, PKK, Birləşmiş Ərəb Əmirlikləri, Səudiyyə Ərəbistanı
Hadisə yerində

İranlı nüvə alimin ölümündə yeni detallar

9
Terrorun törədildiyi ərazidən toplanan silahın fraqmentlərində İsrailin hərbi sənayesinin texniki xüsusiyyətləri və loqosu var.

BAKI, 30 noyabr — Sputnik. İranın nüvə alimi Möhsün Fəxrizadənin qətlində istifadə olunan silah İsraildə istehsal olunub. Sputnik Azərbaycan xəbər verir ki, bu barədə İranın "Press TV" telekanalı mənbəyə istinadən xəbər verir.

"Terrorun törədildiyi ərazidən toplanan silahın fraqmentlərində İsrailin hərbi sənayesinin texniki xüsusiyyətləri və loqosu var".

Xatırladaq ki, noyabrın 27-də Tehranın şimal şərqində yerləşən Absərd şəhərində M.Fəxrizadəyə sui-qəsd edilib. Əvvəlcə partlayış törədilib, daha sonra odlu silahdan atəş açılıb. Ağır yaralanan M.Fəxrizadə xəstəxanada dünyasını dəyişib.

İran alimin ölümündə İsraili günahlandırır. Belə bir bəyanatla həm İranın Prezidenti Həsən Ruhani, həm də xarici işlər naziri Məhəmməd Cavad Zərif bildirib.

İran Prezidenti, həmçinin qeyd edib ki, bu cinayət İranın atom sahəsindəki inkişafına təsir etməyəcək.

9
Teqlər:
İsrail, İran, Məhəmməd Cavad Zərif, Həsən Ruhani, Tehran, iranlı, alim, qətl
Lüğət oxuyan şəxs

Başa çatmaqda olan ilin ən məşhur sözü elan edildi

13
(Yenilənib 13:36 30.11.2020)
Qeyd edək ki, keçən il "Webster lüğəti" ingilis dilindəki "they" ("onlar") kəlməsini "ilin sözü" elan etmişdi.

BAKI, 30 noyabr — Sputnik. "Vebster lüğəti" kimi məşhurlaşan Amerikanın Merriam-Webster ingilis dili lüğəti 2020-ci ilin ən məşhur sözünü müəyyən edib. Sputnik Azərbaycan RİA Novosti-yə istinadla xəbər verir ki, bu söz – "pandemiya" və ya "pandemik"dir.

"Bəzən bir kəlmə bütöv bir dövrü xarakterizə edir və bu müstəsna, son dərəcə çətin ilin sözünü müəyyən etmək üçün araşdırma apardığımız vaxt bir kəlmə dərhal ön plana çıxdı. Beləliklə, 2020-ci ildə bizim onlayn-lüğtdə ən çox axtarılan söz – "pandemic" ("pandemiya" və ya "pandemik") olub, – deyə "Webster lüğəti"nin saytındakı məlumatda bildirilir.

O da qeyd olunur ki, axtarış sorğularında ilk dəfə 2020-ci ilin fevral ayının 3-də bu sözün kəskin artımı müşahidə olunub. Ümumilikdə isə ABŞ-da ilk COVID-19 virusuna yoluxma hadisəsinin qeydə alındığı 20 yanvar tarixində insanlar lüğətdən "pandemiya" sözünü mənasını axtarmağa başlayıblar.

Xatırladaq ki, Dünya Səhiyyə Təşkilatı (DST) martın 11-də yeni koronavirus infeksiyasının yayılmasını pandemik vəziyyət kimi qiymətləndirib. DST-in son məlumatlarına görə, artıq bütün dünyada 61 milyondan çox insan bu virusa yoluxub, 1,4 milyondan çox insan isə COVID-19-a qurban gedib.

Qeyd edək ki, keçən il "Webster lüğəti" ingilis dilindəki "they" ("onlar") kəlməsini "ilin sözü" elan etmişdi.

13
Teqlər:
pandemiya, yoluxma, COVID-19, lüğət, söz
Rusiyada həkim

Şimal qonşumuzda bir gündə 300-dən çox adam koronavirusdan öldü

7
Dünyada koronavirus infeksiyasına indiyədək yoluxanların sayı 62,7 milyonu keçib, 1,45 milyondan çox adam isə virus səbəbilə ölüb

BAKI, 30 noyabr — Sputnik. Son bir sutka ərzində Rusiyada 26 338 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 368 nəfər ölüb.

Ümumilikdə, Rusiyada bu xəstəliyə yoluxanların sayı 2 milyon 295 654 nəfərə çatıb. Rusiyada pandemiya yayılandan 39895 nəfər COVID-19-dan vəfat edib. Ölkədə bu virusdan sağalanların sayı 1778704-ə çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 62,7 milyonu keçib, 1,45 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

7
Teqlər:
Rusiya, Koronavirus, COVID-19