Пистолет и боеприпасы к нему, фото из архива

Şagirdlər arasında atışma nəticəsində iki nəfər yaralandı

32
(Yenilənib 08:26 18.08.2018)
Məktəbə polis dəstələri cəlb olunub

BAKI, 18 avqust — Sputnik. ABŞ-ın Palm-Biç şəhərindəki (Florida ştatı) orta məktəblərdən birinin ərazisində baş vermiş münaqişə zamanı 2 şagird odlu silah yarası alıb.

“Report” xəbər verir ki, bu barədə Palm-Biç dairəsi şerifinin ofisi məlumat yayıb.

Tədris müəssisəsinin stadionunda futbol oyunu zamanı atışma barədə çoxsaylı məlumatlardan sonra məktəbə polis dəstələri cəlb olunub.

"Məktəb ərazisindəki tədbirdə iştirak edən bir qrup şagird mübahisə edib ki, bu da onlardan ikisi arasında atışmaya səbəb olub. Yaralılardan biri məktəb ərazisində aşkar olunub, digəri isə xəstəxanaya aparılıb", — deyə polis idarəsi "Twitter"də yazıb.

Polis hələ ki, yaralıların vəziyyəti, onların adı və yaşı barədə informasiyaya malik deyil.

32
Intel şirkətinin loqosu, arxiv şəkli

Bir, iki, üç... məxfi məlumatlar getdi "Intel"in laqeydliyi ona baha başa gəlib

53
(Yenilənib 11:42 10.08.2020)
Anonim haker təxminən 20 GB məxfi məlumatı internetə sızdırıb. Məlumatlar kompüter istehsalçısı "Intel"in serverlərindən götürülüb. Maraqlıdır ki, qovluqların kilidlənməsi üçün istifadə olunan şifrə çox sadə imiş - "Intel123"

BAKI, 10 avqust — Sputnik. "Intel" şirkətinin təhlükəsizlik sistemində "dəlik" var imiş və anonim haker bundan istifadə edərək şirkətin 20 giqabayt məlumatını sızdıra bilib.

Sputnik radiosu xəbər verir ki, bu barədə məlumatı isveçli İT məsləhətçisi Tilli Kottmann yayıb.

Kottmann bu faylları anonim mənbədən aldığını izah edib. O, ən yaxın gələcəkdə daha çox qapalı məlumatları dərc edəcəyini vəd edib.

Sızan məlumatlar arasında "Intel CEFDK" yükləyicilərinin mənbə kodları, eləcə də Amerika şirkətinin müxtəlif platformalar üçün yaratdığı prosessorların proqram təminatının mənbə kodları var.

Korporasiyanın proqram təminatında səhvlərinin axtarışı üçün istifadə etdiyi bir neçə daxili proqramı da sızdırılıb.

Qeyd edək ki, Kottmann sızdırılmış arxivi araşdırıb və orada şifrə ilə qorunan zip arxivlər tapıb. O, arxivlərin "Intel123" və ya "intel123" şifrələri ilə açıldığını müəyyən edib. Lakin bu şifrə bütün arxivləri açmır.

Kottmann müəyyən edib ki, "Intel"də məlumatları qorumaq üçün məhz bu cür şifrələrdən istifadə edilir.

"ZDNet" nəşrinin mütəxəssisləri sızıntını təhlil ediblər və orada həqiqətən də "Intel"in əqli mülkiyyətinə dair məlumatların, sənədlərin və mənbə kodlarının olduğunu təsdiq ediblər. Arxivdəki faylların bir hissəsi bu ilin mayına aiddir.

"Intel" artıq sızıntını araşdırır. Amma çox gec deyil?

53
Əlaqədar
Kibercinayətkarlar "Zoom"-a hücumlar edirlər
Dediyini etdi! Tramp “TikTok” və “WeChat”ı qadağan edən fərman imzalayıb
İki ölkənin gizli ticarət sənədləri oğurlandı – səsi bir il sonra çıxdı
"İnstagram" parolu və "Whatsapp" mesajına aldanmayın - Bu təxribat ola bilər
Böyük hücum! İlon Mask, Bill Qeyts və digər məşhurların "Twitter" hesabları sındırılıb
Belarusda seçkinin gedişi zamanı

Belarusda ilkin nəticələr açıqlandı Sürpriz olmadı

5
Belarus MSK sədri Liliya Yeroşinanın sözlərinə görə, bazar günü baş tutan seçkidə seçici fəallığı 84,23% olub

BAKI, 10 avqust — Sputnik. Belarus Mərkəzi Seçki Komissiyası ötən gün keçirilən prezident seçkisinin ilkin nəticələrini açıqlayıb. Sputnik Belarus xəbər verir ki, Belarus MSK-sının saat 9-a olan məlumatına görə, nəticələr aşağıdakı kimidir:

Aleksandr Lukaşenko - 80,23%

Svetlana Tixanovskaya - 9,90%

Anna Kanoptskaya - 1,68%

Sergey Çerçen - 1,13%

Andrey Dmitriyev - 1,04%

Belarus MSK sədri Liliya Yeroşinanın sözlərinə görə, bazar günü baş tutan seçkidə seçici fəallığı 84,23% olub. Ümumilikdə seçkilərdə iştirak edən şəxslərin 6,02 faizi bütün namizədlərin əleyhinə səs verib.

 

5
Əlaqədar
Belarus MSK ilkin nəticələri açıqlayıb
Putin və Lukaşenko 33 rusiyalının saxlanılmasını müzakirə ediblər
Növbəti prezidentin adını deyə bilərəm, amma...
ABŞ-ın Belarusa dair planı var - Dövlət Departamentinə bağlı adamlar Minskdə nə edirlər?
Lukaşenko kimin Belarusa qarşı hibrid müharibə apara biləcəyini təxmin edib
Azərbaycan Respublikası Müdafiə Nazirliyinin binası, arxiv şəkli

Müdafiə nazirinin daha bir sabiq müavini vəfat etdi, 52 yaşı vardı

0
(Yenilənib 12:22 10.08.2020)
Fuad Məmmədov 2015-ci il avqustun 20-dən 2020-ci il iyulun 8-dək Müdafiə nazirinin maddi-texniki təminat üzrə müavini – Maddi-Texniki Təminat Baş İdarəsinin rəisi vəzifəsində xidmət edib

BAKI, 10 avqust — Sputnik. Azərbaycan Ordusuna ağır itki üz verib. General-leytenant Məmmədov Fuad Nadir oğlu 2020-ci il avqust ayının 10-da ürək çatışmazlığından vəfat edib.

Bu barədə Sputnik Azərbaycan-a Müdafiə Nazirliyindən bildirilib.

F.Məmmədov 1968-ci il yanvarın 31-də Bakı şəhərində anadan olub.

1985-ci ildə Cəmşid Naxçıvanski adına Hərbi Liseyi bitirib. 1990-cı ildə Riqa Ali Hərbi Aviasiya Mühəndislər məktəbini bitirib və həmin ildən 1992-ci ilədək Zaqafqaziya Hərbi Dairəsində xidmətini davam etdirib.

Azərbaycan Respublikasının suverenliyi və ərazi bütövlüyü uğrunda gedən döyüşlərdə iştirak edib.

© AR Ministry of Defense
General-leytenant Məmmədov Fuad Nadir oğlu

1992-ci ildən Azərbaycan Respublikası Silahlı Qüvvələrinin Hərbi Hava Qüvvələrində qrup rəhbəri, eskadrilya komandirinin müavini, baş mühəndis, Hərbi Hava Qüvvələri Komandanının MTT üzrə müavini vəzifələrində xidmət edib.

2015-ci il avqustun 20-dən 2020-ci il iyulun 8-dək Müdafiə nazirinin maddi-texniki təminat üzrə müavini – Maddi-Texniki Təminat Baş İdarəsinin rəisi vəzifəsində xidmət edib.

Xidmətini layiqincə yerinə yetirdiyinə görə dəfələrlə müxtəlif mükafatlara və medallara layiq görülüb. Azərbaycan Respublikasının Silahlı Qüvvələri və müharibə veteranı idi.

F.Məmmədovun ölümü ilə bağlı Müdafiə naziri general-polkovnik Zakir Həsənov, Müdafiə nazirinin birinci müavini - Silahlı Qüvvələrin Baş Qərargah rəisi general-polkovnik Nəcməddin Sadıkov, general-polkovnik Kərəm Mustafayev, general-leytenant Kərim Vəliyev, general-leytenant Ramiz Tahirov və general-leytenant Nizam Osmanov nekroloq imzalayıb. Nekroloqda qeyd olunub ki,general-leytenant Məmmədov Fuad Nadir oğlunun əziz xatirəsi Azərbaycan Ordusunun şəxsi heyətinin və onu tanıyanların qəlbində həmişə yaşayacaq.

Allah rəhmət eləsin!

0
Əlaqədar
Azərbaycanda sabiq nazir müavini vəfat etdi
Gənc heykəltaraş bu dəfə polkovnikin xatirəsini əbədiləşdirib
General-mayor Polad Həşimov səngərdə şəhid olub - Müdafiə Nazirliyi
Dövlət Miqrasiya Xidmətinin sabiq rəisi vəfat edib
General Polad Həşimovun adı əbədiləşdiriləcək