Ruhsar Pekcan

Türk nazirdən ABŞ-ın yeni sanksiya siqnalı verməsinə sərt reaksiya

81
(Yenilənib 16:33 17.08.2018)
Türkiyənin ticarət naziri Ruhsar Pekcan ABŞ-ın dünən yeni sanksiya siqnalı verməsi ilə bağlı açıqlama verib

BAKI, 17 avqust — Sputnik. ABŞ-ın Türkiyəyə tətbiq etdiyi sanksiyalara yenilərini əlavə edəcəyi siqnalını verməsinə Türkiyənin Ticarət Nazirliyindən sərt reaksiya verilib. Sputnik Azərbaycan "Bloomberght"ə istinadla xəbər verir ki, Türkiyənin ticarət naziri Ruhsar Pekcan ABŞ-ın dünən yeni sanksiya siqnalı ilə bağlı açıqlama verib. Nazir Pekcan sanksiyalara eyni şəkildə qarşılıq veriləcəyini deyib.

Türkiyəli nazir bildirib ki, ABŞ-ın sanksiyalarına cavablar veriləcək: "ABŞ-ın siyasi məsələlərlə iqtisadi əməkdaşlıq məsələlərini həssaslıq göstərmədən bir-birinə qarışdırdığına şahid oluruq. Bu, təkcə ABŞ iqtisadiyyatına deyil, bütün dünya iqtisadiyyatına mənfi təsir edir. Türkiyə olaraq ABŞ-ın almış olduğu tədbirlərə Dünya Ticarət Təşkilatı qaydalarına uyğun olaraq, eyni şəkildə cavab verdik və verməyə davam edəcəyik. İstehsalçının və ixracatçının haqlı mübarizələrində hər zaman onlara dəstək olacağıq".

"Ümid edirik ki, amerikalı dostlarımız da bu həqiqəti ən qısa zamanda görəcək, qlobal iqtisadiyyat və investisiya mühiti baxımından konstruktiv addımlar atacaq. Hər zaman olduğu kimi, ABŞ ilə dialoq və əməkdaşlığa açığıq" — deyə nazir qeyd edib.

Qeyd edək ki, dünən ABŞ-ın maliyyə naziri Stiven Mnuçin rahib Branson azad edilməyəcəyi təqdirdə Türkiyəyə qarşı yeni sanksiya siqnallarını verib.

Onu da bildirək ki, ABŞ prezidenti Donald Tramp Bakı vaxtı ilə 03:30-da "Twitter" üzərindən Türkiyəyə mesajlar göndərib. Tramp rahib Endryu Bransonun həbsdə qalması münasibəti ilə Türkiyə ilə münasibətlərin daha da məhdudlaşdırılacağını bildirib.

"Türkiyə uzun müddət Birləşmiş Ştatlardan yararlandı. İndi isə ölkəmizi sevən və möhtəşəm rahib olan bir şəxsi həbs ediblər. Məsum bir şəxsin azad olunması üçün heç bir şey ödəməyəcəyik. Türkiyə ilə münasibətləri məhdudlaşdırırıq", — deyə Tramp yazıb.

Xatırladaq ki, Tramp Türkiyədən idxal edilən polad və alüminium üçün rüsumların iki dəfə artırılmasına dair sənəd imzalayıb. Türkiyə prezidenti Rəcəb Tayyib Ərdoğan isə buna cavab olaraq ABŞ istehsalı olan bütün elektron avadanlıqları boykot edib və ABŞ-dan gətirilən bir sıra mallar üzrə rüsumları artırıb.

81
 Türkiyə Prezidenti Rəcəb Tayyib Ərdoğan, arxiv şəkli

Ərdoğan partiyasına Qarabağla bağlı tapşırıq verdi

7
(Yenilənib 15:13 25.11.2020)
Türkiyə Prezidenti: Kəlbəcər dünən tamamilə boşaldı. 30 ilə yaxın gecikmə ilə də olsa, bu məsələdə haqq yerini tapıb.

BAKI, 25 noyabr — Sputnik. Ölkəmizin dəstəyi sayəsində Azərbaycan toprağı olan Qarabağdakı erməni işğalı sona çatıb, münaqişənin uzunmüddətli həlli istiqamətində ümidlər ilk dəfə artıb. 

Sputnik Azərbaycan "Anadolu" agentliyinə istinadən xəbər verir ki, bunu Ərdoğan hakim Ədalət və İnkişaf Partiyasının (AKP) qrup toplantısında çıxışı zamanı bildirib.

O, Kəlbəcərin işağldan azad edildiyini və artıq Qarabağda Azərbaycan bayrağının dalğalandığını da qeyd edib: 

"Kəlbəcər dünən tamamilə boşaldı. 30 ilə yaxın gecikmə ilə də olsa, bu məsələdə haqq yerini tapıb. Qarabağda Azərbaycan bayrağı dalğalanmağa başlayıb".

Türkiyə Prezidenti həmçinin lideri olduğu partiya yetkililərinə tapşırıb ki, hamı Dağlıq Qarabağla bağlı prosesə dəstək verməli və yeni reallıqlara uyğun addımlar atılmalıdır.

7
Teqlər:
AKP, Kəlbəcər, Dağlıq Qarabağ, Qarabağ, Türkiyə prezidenti Rəcəb Tayib Ərdoğan, Rəcəb Tayyip Ərdoğan, Ərdoğan
 Türkiyə Prezidenti Rəcəb Tayyib Ərdoğan, arxiv şəkli

Ərdoğandan müjdə: "Ən geci aprel ayına qədər ..."

66
(Yenilənib 13:55 25.11.2020)
Türkiyə Prezidenti: İndi pandemiyanın yayılmasının qarşısını ala bilməsək, daha sonra üzücü tədbirlər görmək məcburiyyətində qala bilərik. Millətimizdən səbir və dəstək gözləyirik.

BAKI, 25 noyabr — Sputnik. Türkiyə Prezidenti Rəcəb Tayyib Ərdoğan koronavirus əleyhinə Türkiyə istehsalı olan peyvəndlə bağlı önəmli mərhələyə gəlindiyini açıqlayıb. Sputnik Azərbaycan "Anadolu" agentliyinə istinadən xəbər verir ki, bunu Ərdoğan hakim partiyanın parlament qrup toplantısında çıxışı zamanı bildirib.

"İndi pandemiyanın yayılmasının qarşısını ala bilməsək, daha sonra üzücü tədbirlər görmək məcburiyyətində qala bilərik. Millətimizdən səbir və dəstək gözləyirik. Maska, məsafə, təmizlik qaydalarına riayət edərsək, digər tədbirlərə ehtiyac qalmaz", - deyə Ərdoğan qeyd edib.

O, həmçinin koronavirus əleyhinə Türkiyə istehsalı olan peyvəndin yaradılmasında da önəmli irəliləyişə nail olunduğunu bildirib:

"Ən gec aprel ayında öz peyvəndimizi tətbiq etmə səviyyəsinə qədər inkişaf etdirməyi planlaşdırırıq. Öz istehsal etdiyimiz peyvəndi bütün insanlığın xidmətinə təqdim etmək düşüncəsindəyik".

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 59,8 milyonu keçib, 1,41 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

66
Teqlər:
Ərdoğan, Rəcəb Tayyib Ərdoğan hakimiyyəti, Türkiyə prezidenti Rəcəb Tayyib Ərdoğan, Rəcəb Tayyib Ərdoğan, korona virusu, Koronavirus, epidemiya, COVID-19
Bakıda parkomat, arxiv şəkli

Parklama probleminin həlli üçün Bakıya beynəlxalq şirkət dəvət edilib

0
BNA nümayəndəsi: Azərbaycana beynəlxalq məsləhətçi şirkət dəvət olunub və o, parklanma məsələlərini təhlil edir.

BAKI, 25 noyabr — Sputnik. Bakı şəhərində avtomobillərin parklanması ilə bağlı baş plan və tarif siyasəti hazırlanacaq.

Sputnik Azərbaycan xəbər verir ki, bunu "Caspian Energy Club"un təşkilatçılığı ilə keçirilən "Online Baku City Forum"da çıxış edən Bakı Nəqliyyat Agentliyinin (BNA) Yol hərəkətinin təşkili şöbəsinin müdiri Tərlan Səfərov deyib.

Onun sözlərinə görə, bu plan ilk növbədə ictimaiyyətə təqdim olunacaq və daha sonra onun tətbiqinə başlanacaq:

"Hazırda bu istiqamətdə görülən işlər çərçivəsində beynəlxalq məsləhətçi şirkət dəvət olunub, hansı ki, parklanma məsələlərini təhlil edir. Təbii ki, parkanmanın idarə edilməsi ümumiyyətlə şəhər nəqliyyat infrastrukturunun ən vacib amilidir. Çünki bu, həm sahibkarların fəaliyyətinə təsir göstərir, həm də tıxaca təsir edir. Bu gün demək olar ki, Bakı şəhərində parklanma pulsuzdur və ona görə də tıxac problemi mövcuddur".

0
Teqlər:
pullu parklama, parklama, Bakı Nəliyyat Agentliyi, BNA