ABŞ prezidenti Donald Tramp

Trampdan növbəti təhdidlər yağdı

14606
(Yenilənib 12:01 17.08.2018)
Amerikalı rahib Endryu Bransonun ev həbsindən buraxılma tələbi Türkiyədə 2-ci Ağır Cəza Məhkəməsi tərəfindən rədd edilib

BAKI, 17 avqust — Sputnik. FETÖ və PKK ilə bağlı cinayət işində adı hallanaraq həbs olunan Endryu Bransonla bağlı rəsmi Vaşinqtondan Türkiyəyə təhdid dolu mesaj və "tweet"lər gəlməyə davam edir.

Belə ki, ABŞ prezidenti Donald Tramp Bakı vaxtı ilə 03:30-da "Twitter" üzərindən Türkiyəyə mesajlar göndərib. Tramp rahib Endryu Bransonun həbsdə qalması münasibəti ilə Türkiyə ilə münasibətlərin daha da məhdudlaşdırılacağını bildirib.

"Türkiyə uzun müddət Birləşmiş Ştatlardan yararlandı. İndi isə ölkəmizi sevən və möhtəşəm rahib olan bir şəxsi həbs ediblər. Məsum bir şəxsin azad olunması üçün heç bir şey ödəməyəcəyik. Türkiyə ilə münasibətləri məhdudlaşdırırıq", — deyə Tramp yazıb. 

Qeyd edək ki, ötən gün amerikalı rahib Endryu Bransonun ev həbsindən buraxılma tələbi Türkiyədə 2-ci Ağır Cəza Məhkəməsi tərəfindən rədd edilib.

Bunu rahib Bransonun vəkilləri bildirib.

Vəkillər qeyd ediblər ki, rahibin azad edilməsi ilə bağlı keçirilən ikinci etiraz da məhkəmə tərəfindən rədd edilib. Etiraz tələbi daha yüksək instansiya olan 3-cü Ağır Cəza Məhkəməsinə göndərilib.

Beləliklə, 2-ci Ağır Cəza Məhkəməsi Bransonın ev həbsinin davamına qərar verib.

Xatırladaq ki, amerikalı rahib Endryu Branson "terror təşkilatları PKK və FETO üçün cinayət törətmək və dövlətin təhlükəsizliyi baxımından gizli qalması tələb edilən məlumatları siyasi və hərbi cəsusluq məqsədilə ilə öyrənmək" ittihamı ilə 35 ilə qədər azadlıqdan məhrum edilməsi tələbi ilə həbs edilib. Sağlamlıq problemlərinə görə həbsxanadan çıxarılaraq ev həbsinə alınıb.

14606
ABŞ dollarları, arxiv şəkli

Cinsi istismar qurbanlara dəstək üçün yığılan pulları rəhbərin maaşına xərclədilər

3
(Yenilənib 17:06 29.11.2020)
Charity Navigator kimi xeyriyyə fondlarına nəzarət edən qruplar QHT-lərə gəlirlərinin 75%-ni öz missiyalarını yerinə yetirməyə, 25%-ni isə müxtəlif inzibati məqsədlərə xərcləməyi tövsiyə edir

BAKI, 29 noyabr - Sputnik. Yaradılmasında Riz Uizerspun, Emi Şumer, Bri Larson kimi Hollivud ulduzlarının iştirak etdiyi cinsi istismara qarşı populyar hərəkat Time's Up ianələrin böyük qismini zorakılıq qurbanlarına deyil, öz rəhbərliyinin maaşına xərcləyirmiş.

Sputnik Azərbaycan bildirir ki, bu barədə New York Post qəzeti vergi sənədlərinə istinadən məlumat yayıb.

Bildirilir ki, yaradıldığı 2018-ci il ərzində təşkilat 3,67 milyon dollar toplaya bilib. Bunlardan 1,4 milyon dolları əməkhaqlarına, ancaq 312 min dollar cinsi istismara məruz qalmışlara hüquqi yardım fonduna sərf olunub. Bundan əlavə, 157 min dollardan çox konfranslara, 288 min dollar - reklama, 940 min dollar - "hüquqi xərclərə", 58 min dollar - səyahətə və 112 min dollar PR-kampaniyasına sərf edilib.

Charity Navigator kimi xeyriyyə fondlarına nəzarət edən qruplar QHT-lərə gəlirlərinin 75%-ni öz missiyalarını yerinə yetirməyə, 25%-ni isə müxtəlif inzibati məqsədlərə xərcləməyi tövsiyə edir. Qəzetin məlumatına görə, Time's Up gəlirlərinin 38%-ni əməkhaqlarına sərf edib.

Time's Up hərəkatı 2018-ci ildə, tanınmış aktyor, siyasətçi, jurnalist və digər məşhur şəxslərə, o cümlədən prodüser Harvi Vaynşteyn və aktyor Kevin Speysiyə qarşı açılmış seksual istismar ittihamlarından sonra yaradılıb. Hərəkatın qayəsi cinsi istismar qurbanlarına dəstəklə məşğul olmaqdır.

 

3
Teqlər:
ABŞ, Hollivud, maaş, fond, pul, qurbanlar, cinsi istismar
Səma, arxiv şəkli

Yaponiya səmasında qəribə obyekt göründü - VİDEO

14
(Yenilənib 17:25 29.11.2020)
Bazar gününə keçən gecə, təxminən 1:25-də kürə formasında odlu obyekt buludların arxasından yerə doğru hərəkət edib

BAKI, 29 noyabr - Sputnik. Yaponiya sakinlərini səmadakı qəribə obyekt təlaşa salıb.

Sputnik Azərbaycan Kyodo News-a istinadən bildirir ki, bazar gününə keçən gecə, təxminən 1:25-də kürə formasında odlu obyekt buludların arxasından yerə doğru hərəkət edib. Ölkənin qərbində və mərkəzi hissəsində müşahidə edilən obyektin parlaqlığını bədirlənmiş ayın işığına bənzədiblər.

Gifu prefektiruasındakı planetariumun direktoru Takeşi İnoue deyib ki, söhbət boliddən, yaxud "düşən ulduz"dan gedir. "Hesab edirik ki, bolidin partlayarkən saçdığı işıq bədirlənmiş Ayın işiğına bərabər idi", - o deyib. 

Şahidlərin çoxu deyib ki, bolidin düşməsi zamanı güclü uğultu da eşidiblər.

14
Teqlər:
ulduz, bolid, işıq, partlayış, obyekt, səma, Yaponiya