İstanbulda valyutadəyişmə məntəqəsi, arxiv şəkli

Türkiyənin xilas planı işə salındı, ölkəyə 70 milyard dollar yönəldildi

1896
Qətər əmiri Türkiyəyə 15 milyard dollarlıq birbaşa investisiya yatıracağını açıqlayıb

BAKI, 16 avqust — Sputnik. Türkiyə prezidenti Rəcəb Tayyib Ərdoğan dünən prezident iqamətgahında Qətər əmiri Şeyx Təmim bin Həməd Əl Sani ilə görüşüb.

Sputnik Azərbaycan Türkiyə mətbuatına istinadən bildirir ki, 3,5 saat davam edən görüşdə ikitərəfli münasibətlər və regional məsələlər üzrə müzakirələr aparılıb.

Məlumata görə, Qətər əmiri Türkiyəyə 15 milyard dollarlıq birbaşa investisiya yatıracağını açıqlayıb. Məhz bu açıqlamadan sonra Türliyə lirəsi ABŞ dolları qarşısında itirdiyi mövqeləri geri qaytarmağa başlayıb.

Qətərlə yanaşı Rusiya və Çin də Türkiyəyə öz maliyyə köməkliklərini göstəriblər. Bunu virtualaz.org-a Türkiyə hökumətindəki mənbələr bildiriblər.

İnformasiyaya əsasən, Çin Türkiyənin iqtisadiyyatına 30 milyard dollar məbləğində investisiya yönəldib. Rusiyanın Türkiyə iqtisadiyyatına investisiyaları isə 25 milyard dollar təşkil edib.

1896
Teqlər:
maliyyə, Çin, Rusiya, investisiya, Qətər, Türkiyə
Əlaqədar
Ekspert lirəsi olanlara xəbərdarlıq etdi
Trampdan Türkiyəyə daha bir ağır sanksiya gəlir: Lirə duruş gətirəcəkmi?
Bataqlıqda boğulan türk lirəsi: Azərbaycan nə qazanıb, nə itirəcək?
Avropa Mərkəzi Bankı lirənin ucuzlaşmasından narahatdır
Türk lirəsinin ucuzlaşmasının manata təsiri olacaqmı – ekspert şərhi
Gənclər və İdman naziri Azad Rəhimov, arxiv şəkli

Gənclər İdman naziri Azad Rəhimovdan xəbər var

29
(Yenilənib 12:02 23.01.2021)
Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

BAKI, 23 yanvar - Sputnik. Səhhətində problemlər yaranan Azərbaycanın gənclər və idman naziri Azad Rəhimov hazırda ABŞ xəstəxanalarının birində müalicə olunur.

"Report" xəbər verir ki, nazir əvvəlcə Nyu-Yorkun Presviterian Veyl Kornell Hospitalına yerləşdirilib.

Ancaq həmin xəstəxanada aparılan müalicə nəticə verməyib və A.Rəhimovun durumu daha da ağırlaşıb. Bu səbəbdən nazir bir müddət əvvəl onkoloji xəstələrin müalicə olunduğu başqa bir hospitala köçürülüb.

Presviterian Veyl Kornell Hospitalın nümayəndəsi "Report"a açıqlamasında A.Rəhimovun bu hospitalda müalicə olunduğunu və başqa xəstəxanaya köçürüldüyünü təsdiqləyib.

Qeyd edək ki, Azad Rəhimov 1964-cü ildə Bakıda doğulub. O, 2006-cı ildə gənclər və idman naziri təyin edilib.

29
 Donald və Melaniya Tramp, arxiv şəkli

Tramp seçkilərin nəticəsini dəyişmək üçün naziri işdən qovmaq istəyirmiş

8
Mənbənin bildirdiyinə görə, Ədliyyə nazirliyinin işçilərinin Rozenin kənarlaşdırılacağı təqdirdə kütləvi surətdə istefa vermək istəyi Trampı niyyətindən daşındırıb.

BAKI, 23 yanvar - Sputnik. ABŞ-ın keçmiş prezidenti Donald Tramp vəzifədə olduğu son həftələr ərzində Corciya ştatında prezident seçkilərinin nəticələrini dəyişmək üçün ədliyyə naziri vəzifəsini icra edən şəxsi daha loyal biri ilə əvəz etmək istəyirmiş. Bu barədə New York Times öz mənbələrinə istinadən xəbər verir.

Qəzetin məlumatna əsasən, Ədliyyə nazirliyinin işçilərindən biri olan Ceffri Klark Trampla birlikdə Ceffri Rozenin ədliyyə naziri vəzifəsini icra edən postundan kənarlaşdırılması barədə plan hazırlayıb. Planın səbəbi Rozenin Corciya ştatındakı seçki nəticələrini dəyişmək üçün Trampın xahişlərinə rədd cavabı verməsi imiş.

Mənbənin bildirdiyinə görə, Ədliyyə nazirliyinin işçilərinin Rozenin kənarlaşdırılacağı təqdirdə kütləvi surətdə istefa vermək istəyi Trampı niyyətindən daşındırıb. Öz növbəsində Ceffri Klark belə bir planda iştirakını təkzib edib. Tramp isə şərh verməkdən imtina edib.

Ötən ilin noyabr ayında keçirilmiş seçkilərdən sonra Tramp qalib gəldiyini bildirərək, seçkilərinin nəticəsini məhkəmə yolu ilə dəyişmək istəyib. Lakin seçənlər Co Baydeni prezident elan ediblər. Co Baydenin andiçməsi yanvarın 20-də keçirilib.

8