İran prezidenti Həsən Ruhani, arxiv şəkli

Ruhanidən Xəzər razılaşması ilə bağlı ilginc sözlər: “Fikir ayrılıqları var”

6839
(Yenilənib 19:05 15.08.2018)
Xəzərin cənubunda İran, Azərbaycan və Türkmənistan arasında fikir ayrılıqları var

BAKI, 15 avqust — Sputnik. “Xəzərin statusuna dair hüquqi konvensiyanın üzərində 22 il davam edən işdən sonra 30% problem həll olunub, lakin digər məsələlər qalıb”. Sputnik Azərbaycan "İRNA" agentliyinə istinadən xəbər verir ki, bunu İran prezidenti Həsən Ruhani bildirib.

"Rusiya əvvəllər hesab edirdi ki, Xəzər dənizinin böyük hissəsi ona məxsusdur, lakin bu gün ona cəmi 17% məxsusdur" – Ruhani vurğulayıb.

O, əlavə edib ki, Xəzərin cənubunda İran, Azərbaycan və Türkmənistan arasında fikir ayrılıqları var.

Ruhani qeyd edib ki, İran və Azərbaycan səmərəli razılaşmalara imza atıb, lakin hələlik həll olunmayan məsələlər var.

İran prezidentinin sözlərinə görə, Xəzər dənizində təhlükəsizlik məsələsi Qazaxıstanda keçirilən Xəzəryanı ölkələrin sammitində həll olunub: "NATO və ABŞ gücləri Xəzər sularında mövcud olmaq istəyirdilər".

Ruhani əlavə edib ki, sammitdə istənilən hərbi bazanın tikintisi və xarici ölkələrə məxsus gəmilərin üzməsi qadağan olunub.

6839
Teqlər:
Türkmənistan, Azərbaycan, İran prezidenti Həsən Ruhani, Xəzərin hüquqi statusu
Əlaqədar
Xələf Xələfov Xəzər dənizinin hüquqi statusu haqqında Konvensiya barədə danışıb
Xəzər problemi üzrə yüksək səviyyəli görüşün keçiriləcəyi yer və tarix məlum oldu
Putin: Xəzər sammiti dövrün fövqündə duran hadisədir
Xəzər dənizində ABŞ bazası? — Rəsmi Astana izahat verdi
Xəzər dənizi üçün həlledici gün gəlib çatdı
Шторм в Черном море

Qara dənizdə batan gəminin dörd üzvü ölüb, axtarışlar dayandırılıb

5
Rusiya Dənizçilərinin Həmkarlar İttifaqının məlumatına görə, gəminin operatoru Ukraynanın “Tesero Marine” şirkətidir.

BAKI, 17 yanvar - Sputnik. Qara dənizin Türkiyə sahillərində, Bartın vilayətinin İnkumu sahillərinə yaxın ərazidə batan Palau bayrağı altında üzən “Arvin” quru yük gəmisinin batması nəticəsində dörd nəfər həlak olub və həyatını itirənlərin sayı arta bilər.

Bunu Türkiyənin Bartın vilayətinin valisi Sinan Güner bildirib. Onun sözlərinə görə, “Arvin” gəmisinin batmasına əlverişsiz hava şəraiti səbəb olub:

“Son məlumata görə, 4 nəfər ölüb, 6 heyət üzvü xilas edilib. Yüksək dalğalara görə dənizdə axtarış-xilasetmə işləri dayandırılıb, helikopterlərdən isifadə edilərək havadan axtarışlar davam edir”.

Rusiya Dənizçilərinin Həmkarlar İttifaqının məlumatına görə, gəminin operatoru Ukraynanın Tesoro Marine LLC şirkətidir. Türkiyə Hərbi Dəniz Qüvvələri axtarış əməliyyatında iştirak etmək üçün freqat göndərmişdi.

Daha öncə gəminin Rusiya bayrağı altında üzdüyü bildirilirdi. Son məlumatlara görə, Palau bayrağı altında üzən gəminin 12 nəfərlik heyətinin 10 üzvü ukraynalı, ikisi isə rusdur. Gəminin sahibi Arvin Shipping LTD-dir (Beliz). Gəmi 1997-ci ildə Rusiyada qeydiyyatdan çıxarılıb.

5

Fevralda Türkiyə Azərbaycan ordusunun ortaq hərbi təlimi olacaq

7
(Yenilənib 15:40 17.01.2021)
"Qış-2021 Türkiyə-Azərbaycan Taboru Kombinə Edilmiş Birgə Vəzifə Gücü Təlimi"nə qatılacaq azərbaycanlı hərbçilər artıq Qarsa gediblər.

BAKI, 17 yanvar - Sputnik. Fevralın 1-dən 12-dək Türkiyə ilə Azərbaycan ordusu arasında ortaq hərbi təlimlər keçiriləcək.

Bu barədə Türkiyə Müdafiə Nazirliyi məlumat yayıb.

Bildirilib ki, "Qış-2021 Türkiyə-Azərbaycan Taboru Kombinə Edilmiş Birgə Vəzifə Gücü Təlimi"nə qatılacaq azərbaycanlı hərbçilər artıq Qarsa gediblər.

“Qarabağda Ermənistan Ordusuna qarşı böyük bir qələbə qazanan qardaşlarımızı qürurla qarşılayırıq. "Bir millət, iki dövlət" anlayışımızla "bir ürək, bir bilək, bir yumruq" kimi birləşərək, fəaliyyətlərimizə davam edəcəyik!” - deyə məlumatda bildirilib.

7
Самолет Бе-200, фото из архива

Hirkan Milli Parkında yanğın davam edir - VİDEO

0
(Yenilənib 19:37 17.01.2021)
Yanğınla mübarizəyə Fövqəladə Hallar Nazirliyinin müvafiq qüvvələri, o cümlədən Aviasiya dəstəsinin "BE-200ÇS" tiplı amfibiya təyyarəsi cəlb olunub.

BAKI, 17 yanvar - Sputnik. Astara rayonu ərazisində Hirkan Milli Parkında baş vermiş yanğının söndürülməsi istiqamətində Fövqəladə Hallar Nazirliyi tərəfindən operativ və təxirəsalınmaz tədbirlər davam etdirilir.

Fövqəladə Hallar Nazirliyindən verilən məlumata görə, yanğının söndürülməsinə relyefin mürəkkəbliyi və hava şəraitinin əlverişsizliyi maneə törədir. Bununla belə, yanğının daha geniş sahəyə yayılması və Milli Parka daha böyük ziyan vurmasının qarşısının alınması məqsədilə zəruri tədbirlər həyata keçirilir.

Qeyd edək ki, yanğınla mübarizəyə Fövqəladə Hallar Nazirliyinin müvafiq qüvvələri, o cümlədən Aviasiya dəstəsinin "BE-200ÇS" tiplı amfibiya təyyarəsi də cəlb olunub.

Əlavə məlumat veriləcək.

0