Yunanıstan bayrağı

Ankara tarixi qərar verdi, Afina razılıq etdi

1662
(Yenilənib 16:33 15.08.2018)
Onlar Türkiyədən Salonikiyə Yunanıstanın baş nazirinin şəxsi təyyarəsi ilə aparılıblar

BAKI, 15 avqust — Sputnik. Yunanıstanın milli müdafiə naziri Panos Kammenos Türkiyə həbsxanasından iki yunan hərbçinin azad olunmasından sonra öz türk həmkarı Hulusi Akarı Yunanıstana səfərə dəvət edib. Sputnik Azərbaycan "RİA Novosti"yə istinadən xəbər verir ki, bu barədə Yunanıstanın Müdafiə Nazirliyi məlumat yayıb.

Ötən gün axşam saatlarında Türkiyənin Ədirnə məhkəməsi martın 1-də patrul zamanı yanlışlıqla Türkiyə ərazisinə daxil olan yunan hərbçilərinin azad olunması haqqında qərar verib. Hərbçilərin özləri hava şəraitinin əlverişsiz olması səbəbindən Türkiyə ərazisinə keçdiklərini bildiriblər. Onlar qeyd ediblər ki, casus deyillər və sərhədi bilərəkdən keçməyiblər.

Adətən bu cür insidentlər danışıqlar yolu ilə həll edilir. Lakin bu dəfə Türkiyə hərbçiləri 5,5 ay həbsdə saxlayıb. Bu isə rəsmi Afina və Ankara arasında münasibətlərin kəskinləşməsi ilə nəticələnib.

Rəsmi Afina hərbçilərin azad olunmasını alqışlayıb və bunun iki ölkə arasında əlaqələri yaxşılaşdırmağa imkan verəcəyini bildirib.

Yunanıstanın milli müdafiə nazir Panos Kammenos türkiyəli həmkarı Hülusi Akara zəng edərək qərardan razılığını ifadə edib və həmkarını Yunanıstana səfərə dəvət edib.

Daha sonra Kammenos hərbçiləri Saloniki hava limanında qarşılayıb. Onları Türkiyədən Salonikiyə Yunanıstanın baş nazirinin şəxsi təyyarəsi aparıb.

1662
Teqlər:
gərginlik, hərbçi, Yunanıstan, Türkiyə, həbs
Şarl Mişel, arxiv şəkli

Şarl Mişel İlham Əliyevə zəng vurub: "Narahatıq"

28
(Yenilənib 19:47 30.09.2020)
Avropa İttifaqı Şurasının Prezidenti Şarl Mişel təmas xəttində hərbi əməliyyatların başlamasından narahatlığını ifadə edib və münaqişənin sülh yolu ilə nizamlanmasının zəruri olduğunu bildirib.

BAKI, 30 sentyabr — Sputnik. Sentyabrın 30-da Avropa İttifaqı Şurasının Prezidenti Şarl Mişel Azərbaycan Respublikasının Prezidenti İlham Əliyevə telefonla zəng edib.

Sputnik Azərbaycan Azərbaycan Prezidentinin Mətbuat Xidmətinə istinadla xəbər verir ki, Avropa İttifaqı Şurasının Prezidenti Şarl Mişel təmas xəttində hərbi əməliyyatların başlamasından narahatlığını ifadə edib və münaqişənin sülh yolu ilə nizamlanmasının zəruri olduğunu bildirib.

Dövlətimizin başçısı Ermənistanın Azərbaycana qarşı törətdiyi və bu gün də davam edən növbəti hərbi təxribatı ilə bağlı vəziyyət barədə məlumat verərək qeyd edib ki, sentyabrın 27-də Ermənistan tərəfinin qoşunların təmas xətti boyu yaşayış məntəqələrimizi, hərbi birləşmələrimizin mövqelərini ağır artilleriya qurğularından atəşə tutması nəticəsində 14 mülki şəxsimiz və hərbi qulluqçularımız həlak olublar.

Prezident İlham Əliyev bildirib ki, Azərbaycan Ordusu buna cavab olaraq əks-hücum əməliyyatları həyata keçirir. Azərbaycan Prezidenti qeyd edib ki, Ermənistan rəhbərliyi şüurlu şəkildə danışıqlar prosesini pozur. Belə ki, Ermənistan baş nazirinin "Dağlıq Qarabağ Ermənistandır" bəyanatı danışıqlar prosesinə ciddi zərbə vurub. "Azərbaycan Dağlıq Qarabağla danışıqlar aparmalıdır" bəyanatı isə danışıqlar formatının dəyişdirilməsi cəhdidir ki, bu da qəbuledilməzdir və Minsk qrupunun rəhbərliyi də bunu bildirib.

Dövlətimizin başçısı vurğulayıb ki, Ermənistan Azərbaycanın işğal olunmuş ərazilərinə başqa ölkələrdən xarici vətəndaşların qanunsuz məskunlaşmasını həyata keçirir ki, bu da Cenevrə Konvensiyasına görə beynəlxalq hüququn ciddi pozulmasıdır, hərbi cinayətdir. Prezident İlham Əliyev bildirib ki, Ermənistan baş naziri hələ sentyabrın 27-si hərbi toqquşmalar baş verməzdən əvvəl on minlərlə könüllüdən ibarət hərbi birləşmələrin yaradılması barədə qərar vermişdi. Bu, Ermənistanın növbəti təcavüzə hazırlaşması mənası daşıyırdı.

Dövlətimizin başçısı Ermənistanın hərbi təxribatı ilə bağlı hadisələrin gələcək inkişafına görə məsuliyyətin Ermənistanın siyasi və hərbi rəhbərliyinin üzərinə düşdüyünü bildirib.

28
Almaniya bayrağı Belində parlamentin binası üzərində, arxiv şəkli

Almaniya Türkiyə Rusiyanı Azərbaycan Ermənistana təsir etməyə çağırdı

30
(Yenilənib 19:14 30.09.2020)
Dağlıq Qarabağda münaqişənin dramatik şəkildə gərginləşməsi göstərir ki, dondurulmuş münaqişələri həll edilmiş münaqişələr etmək lazımdır, əks halda, onlar daima gərginləşəcək.

BAKI, 30 sentyabr — Sputnik. Almaniya Ermənistan və Azərbaycan münaqişəsinin uzunmüddətli həlli üçün Rusiya və Türkiyəni Cənubi Qafqazda öz "xüsusi" təsirindən istifadə etməyə çağırır.

Sputnik Azərbaycan RİA Novosti-yə istinadən xəbər verir ki, bunu Almaniya Xarici İşlər Nazirliyinin Dövlət naziri Mixail Rot bildirib.

"Dağlıq Qarabağda münaqişənin dramatik şəkildə gərginləşməsi göstərir ki, dondurulmuş münaqişələri həll edilmiş münaqişələr etmək lazımdır, əks halda, onlar daima gərginləşəcək. Biz Ermənistan və Azərbaycanla, həmçinin region üzrə tərəfdaşlarla sıx əlaqədəyik", - deyə Almaniya Xarici İşlər Nazirliyinin Dövlət naziri bildirib.

O xatırladıb ki, BMT Təhlükəsizlik Şurasının təşəbbüsü ilə döyüşlərə son qoyulması üçün bir qətnamə qəbul edib.

30
Azərbaycan bayrağı, arxiv şəkli

Ölkədə bayrağa həddindən artıq tələbat yaranıb: Qiymət baha, anbarlarsa boşdur

0
(Yenilənib 22:08 30.09.2020)
Məlahət Kəlbiyeva: "Ölkədə hərbi rejimlə əlaqədar bayraqlara təlabat artıb. Həddən artıq sifarişlər gəlir, inanın, çatdıra bilmirik".

İradə Cəlilova, Sputnik Azərbaycan

BAKI, 30 sentyabr — Sputnik. Sentyabrın 27-dən Ermənistan-Azərbaycan təmas xəttində başlayan hərbi əməliyyatlar hamıda mübarizə ruhunu oyadıb. Kimi ön cəbhədə, kimi isə arxa cəbhədə Azərbaycanın torpaqlarının bütövlüyü uğrunda mübarizə aparır.

Bu gün şəhərin küçələrində, evlərin eyvanlarında, avtomobillərdə müqəddəs Azərbaycan və Türkiyə bayraqları dalğalanır.

Sosial şəbəkələrdə isə mağazalarda bayraqların qiymətlərinin bahalaşması ilə bağlı müzakirələr yer alır. Şəbəkə istifadəçiləri bayraqların qiymətinin 2-3 dəfə bahalaşdığını iddia edirlər.

Sputnik Azərbaycan bir neçə mağaza ilə əlaqə saxlayaraq məsələni dəqiqləşdirməyə çalışıb. Təbii olaraq, mağazalardan agentliyə bildiriblər ki, bayraqların qiymətində heç bir dəyişiklik olmayıb.

Bununla belə, bəzi mağazalarda bayraq satışı dayandırılıb. Mağazalar bunun səbəbini anbarlara yeni malların gətirilməməsi ilə izah ediblər. Satıcıların sözlərinə görə, hər gün vətəndaşlar bayraq üçün müraciət edirlər. Amma bayraqların qiymətində heç bir artım olmayıb.

Satıcılar hazırda anbarlarda bayrağın olmadığını da qeyd ediblər. 

Qiymətlərə gəlincə, masaüstü bayraqlar 3 manat, otaq üçün böyük ölçülü bayraqlar isə 25-90 manat arasında satılır.

Hərbi ekspert Ramil Məmmədlinin sözlərinə görə, indiki müharibə şəraitində bayraqların qiymətlərinin bahalaşması yolverilməzdir. Əksinə, bayraq istehsalı ilə məşğul olan müəssisələr, şəxslər vətənpərvərlik ruhunu yüksək tutmaq üçün bayraqların qiymətini ucuzlaşdırmalıdır ki, hər kəs alıb, evindən, eyvanından, avtomobilindən asa bilsin. 

"Azəratribut" MMC-nin təsisçisi Məlahət Kəlbiyeva Sputnik Azərbaycan-a açıqlamasında bildirib ki, ölkədə hərbi rejimlə əlaqədar bayraqlara təlabat artıb:

"Həddən artıq sifarişlər gəlir. Nazirliklər, supermarket şəbəkələri, idarələr sifariş edir. İnanın, sifariş o qədər çoxdur ki, çatdıra bilmirik".

M.Kəlbiyeva qeyd edib ki, əksinə, vəziyyətlə əlaqədar olaraq bayraqların qiyməti ucuzlaşıb.

Onun sözlərinə görə, vətənin ağır günündə hamı bacardığı qədər yardım etməlidir: "Biz özümüz də ehtiyac olduğu təqdirdə bayraqları pulsuz veririk. Əvvəl 100 manata satdığımız bayraqları indi 50-60 manata satırıq. Belə günlərdə qazanc düşünmək olmaz. Bu, günahdır".

O qeyd edib ki, özü də sosial şəbəkələrdə müxtəlif mağaza və ticarət mərkəzlərində bayraqların baha satıldığı ilə bağlı məlumatlarla qarşılaşıb: "Bu, digər ölkələrdən gətirilmiş məhsullar ola bilər. Ancaq biz bacardığımız qədər bu günlərdə ucuz bayraqlarla xalqımıza dəstək verməyə çalışırıq".

0