Mövlud Çavuşoğlu

Cavuşoğlu Vaşinqtona bir daha müraciət etdi

37
(Yenilənib 10:36 15.08.2018)
Nazir: "Biz Rusiyaya qarşı sanksiyaları dəstəkləməmişik, biz dərhal dedik ki, İrana qarşı sanksiyalara qatılmayacağıq"

BAKI, 15 avqust — Sputnik. "ABŞ Türkiyə ilə dialoqa qayıtmalıdır, ona qarşı təhdid və təzyiqlər xaosa aparır". Sputnik Azərbaycan "RİA Novosti"yə istinadən xəbər verir ki, bunu Türkiyənin xarici işlər naziri Mövlud Çavuşoğlu rusiyalı həmkarı Sergey Lavrovla keçirdiyi birgə mətbuat konfransında bildirib.

"Türkiyəyə qarşı hücumla əlaqədar Avropa ölkələri də daxil olmaqla narahatlıq var. Biz dolların təzyiqini görürük. Bu onun nüfuzuna təsir edir. ABŞ bu yanlış mövqedən imtina etməlidir. Türkiyənin sabitliyi Avropa İttifaqı üçün önəmlidir: Bu gün Türkiyəyə qarşı sanksiyalar sabah istənilən Avropa ölkəsinə qarşı tətbiq oluna bilər. Bu, xaos yaradır. Əgər ABŞ beynəlxalq nüfuzunu saxlamaq istəyirsə, digər ölkələrin fikirlərinə də hörmətlə yanaşmalı və nəzərə almalı, Türkiyə ilə dialoqa qayıtmalıdır", — deyə Çavuşoğlu bildirib.

O vurğulayıb ki, Türkiyə ABŞ və ya digər hansı bir ölkə sanksiya tətbiq edəndə buna qarşı olub: "Biz Rusiyaya qarşı sanksiyaları dəstəkləməmişik. Biz dərhal dedik ki, İrana qarşı sanksiyalara qatılmayacağıq. Əgər hər hansı bir ölkə birtərəfli qaydada qərar verirsə, onda bu, digər ölkələrin buna avtomatik qoşulması anlamına gəlmir".

37
Əlaqədar
Türkiyə ABŞ-ın daha bir sektorunu boykot elədi
Rusiya və Türkiyə arasında mühüm razılaşma əldə olundu
Türkiyə dünyanın ən nüfuzlu strukturundan çıxma təhlükəsi ilə üz-üzə
Trampdan Türkiyəyə daha bir ağır sanksiya gəlir: Lirə duruş gətirəcəkmi?