ABŞ prezidenti Donald Tramp

Tramp dünyanı hədələdi: "İranla işləyənlər ABŞ-la işləyə bilməyəcək"

67
(Yenilənib 15:37 07.08.2018)
ABŞ prezidenti: "Bu, indiyə qədər tətbiq olunan ən sərt sanksiyalardır"

BAKI, 7 avqust — Sputnik. Birləşmiş Ştatlar prezidenti Donald Tramp İrana bu gündən etibarən tətbiq olunan sanksiyalardan danışıb. Sputnik Azərbaycan xəbər verir ki, bu barədə Tramp öz "Twitter" hesabında dünyaya mesaj göndərib.

"İrana qarşı sanksiyalar rəsmən başladı. Bu, indiyə qədər tətbiq olunan ən sərt sanksiyalardır. Noyabr ayında sanksiyalar yeni bir səviyyəyə qalxacaq. İranla iş görənlər ABŞ-la işləməyəcək. Mən dünyada sülh istəyirəm!" — deyə Tramp yazıb.

Qeyd edək ki, Amerika Birləşmiş Ştatları tərəfindən Tehranın nüvə proqramı üzrə Birgə Hərtərəfli Fəaliyyət Planının (BHFP) razılaşdırılması nəticəsində dayandırılan genişmiqyaslı sanksiyalar bu gündən etibarən yenidən qüvvəyə minib.

Sanksiyalar çərçivəsində İranın ABŞ dolları ilə alış-veriş etməsi qadağan ediləcək, ölkənin ən böyük gəlir mənbəyi olan neft ticarəti, avtomobil ehtiyat hissələrinin ticarəti də məhdudlaşdırılacaq.

Sanksiyalar nəticəsində 1 milyon iranlının işsiz qalacağı bildirilir. Ekspertlər yaxın həftələrdə yeni sanksiyaların xarici şirkətlərə də tətbiq olunacağını proqnozlaşdırırlar. Hələlik amerikalılar avropalılarla danışıqlar zamanı sanksiyaların necə tətbiq olunacağını açıqlamayıb.

​Xatırladaq ki, bu ilin mayın 8-də Tramp ABŞ-ın İranla bağlanmış nüvə sazişindən imtina etdiyini elan edib. ABŞ prezidenti İran rəhbərliyini sazişin şərtlərinə zidd olaraq uranın zənginləşdirilməsində və qadağan olunmuş silah istehsalında ittiham edib. Bundan əlavə, Tramp İrana qarşı sanksiyaları bərpa etmək niyyətində olduğunu bildirib.

67
Teqlər:
Donald Tramp, sanksiya, İran, Birləşmiş Ştatlar, prezident
Əlaqədar
Politoloq: “İran ABŞ-la müqavilə imzalamağa hazırlaşır”
Qalmaqal böyüyür, Avropa İttifaqı Vaşinqtonun qərarını saymadı
İrana qarşı sanksiyalar Azərbaycana fayda gətirməyə başladı
ABŞ bir milyondan çox iranlını işsiz qoydu, cənub qonşumuzun "qara günləri" başlayır
Finlandiyada epidemioloji vəziyyət

Bu ölkədə rəqəmlər yenidən artdı - 45 yoluxma faktı hökuməti hərəkətə keçirdi

1
(Yenilənib 23:20 15.08.2020)
Baş nazir hər kəsin maska taxmasının vacibliyini vurğulayaraq az gəlirli ailələrə bələdiyyələr vasitəsilə pulsuz maka paylanılacağına diqqət çəkib.

BAKI, 15 avqust — Sputnik. Finlandiya hökuməti bütün dünyada 20 milyon şəxsin yoluxduğu, 750 min nəfərin isə dünyasını dəyişdiyi koronavirus pandemiyasını önləmək üçün yenidən təcili addımlar atmalı olub. Sputnik Azərbaycan-ın Türkiyə mediasına isitnadən xəbərinə görə, belə ki, ölkənin baş naziri Sanna Marin və səhiyyə üzrə baş mütəxəssislərdən biri olan Mika Salminenin birgə təşkil etdiyi mətbuat konfransında bildiirlib ki, son 2 həəftədə ölkədə COVID-19-la bağlı rəqəmlərlə artım qeydə alınıb. Marin bildirib ki, xaricdən, xüsusən də virusun daha çox tüğyan etdiyi "qırmızı bölgə"dən gələn şəxslər  məcburən 14 gün karantində qalacaqlar.

Baş nazir hər kəsin maska taxmasının vacibliyini vurğulayaraq az gəlirli ailələrə bələdiyyələr vasitəsilə pulsuz maka paylanılacağına diqqət çəkib.

Baş nazir bildirib ki, virusdan qorunmağın ən yaxşı yolu, əlləri tez-tez yumaq, gigiyenik qaydaları qorumaqır.

Qeyd edək ki, son sutkada ölkədə 45 nəfərdə COVID-19-un aşkarlanması Finlandiya hökumətini həyəcan siqnalı çalmağa vadar edib.

1
Amerikalı hərbçilər, arxiv şəkli

Kontingent böyüyür: ABŞ Polşa ilə hərbi əməkdaşlıq sazişi imzalayıb

4
(Yenilənib 21:32 15.08.2020)
Sənəd ötən il Vaşinqtonda prezidentlər Andjey Duda və Donald Trampın imzaladıqları bəyannamənin davamıdır.

BAKI, 15 avqust — Sputnik. Vaşinqton və Varşava hərbi əməkdaşlıq haqqında müqavilə imzalayıb.

Sputnik Azərbaycan RİA Novosti-yə istinadən xəbər verir ki, Amerika tərəfindən sazişə Dövlət katibi Mayk Pompeo, Polşa tərəfindən isə Milli Müdafiə naziri Mariuş Blaşak imza atıb.

Sənəd ötən il Vaşinqtonda prezidentlər Andjey Duda və Donald Trampın imzaladıqları bəyannamənin davamıdır.

Saziş xüsusilə Polşadakı Amerika hərbi kontingentinin sayının min nəfər artırılmasını, həmçinin ABŞ Quru qoşunlarının Beşinci korpusunun Komandanlığının respublikaya köçürülməsini nəzərdə tutur.

Hazırda Polşada beş minə yaxın Amerika əsgəri yerləşdirilib.

Sənəd imzalanarkən Duda bəyan edib ki, Polşa ilə ABŞ-ın hərbi əməkdaşlığı "Avropanın bizim yaşadığımız hissəsi üçün", xüsusilə Baltikyanı ölkələr və Ukrayna üçün təhlükəsizliyin gücləndirilməsi deməkdir.

4