İsveçdən yola çıxan Azadlıq adlı gəmi

İsrail Qəzzanı "ac" saxlamaqda davam edir

51
(Yenilənib 13:00 05.08.2018)
İsrail dəniz qüvvələri Qəzzaya tətbiq olunan embarqonu yarmaq məqsədilə İsveçdən yola çıxan "Azadlıq" adlı gəmini dayandırıb və Aşdod limanına aparıb

BAKI, 5 avqust — Sputnik. İsrail dəniz qüvvələri Qəzzaya tətbiq olunan embarqonu yarmaq məqsədilə İsveçdən yola çıxan "Azadlıq" adlı gəmini dayandırıb və Aşdod limanına aparıb.

Sputnik Azərbaycan "Anadolu" agentliyinə istinadla xəbər verir ki, İsrail ordusundan verilən açıqlamada Qəzzaya tətbiq olunan mühasirəni qırmağı hədəfləyən bir gəmini dayandırdıqları bildirilib.

Dayandırılan gəminin beynəlxalq hüquqa uyğun şəkildə saxlanıldığı iddia edilən açıqlamada humanitar yardımları Aşdod limanı üzərindən Qəzzaya apara biləcəkləri deyilib. 

İsrailin Azərbaycandakı səfiri Dan Stav ölkənin şimal-qərb bölgəsinə səfər edib
© Photo : İsrailin Azərbaycandakı səfirliyinin mətbuat xidməti

Qeyd edək ki, gəmiylə əlaqə dünən axşamdan bəri kəsilmişdi. İsrail qüvvələrinin gəmiyə müdaxilə edəcəyindən narahatlıq duyulduğu da qeyd edilmişdi.

Qəzzaya tibbi ləvazimat daşıyan və İsveç bayrağı altında üzən gəmidə ikisi jurnalist olmaqla 5 ölkədən 12 nəfər olub.

İsrail keçən həftə Qəzzadakı mühasirəni qırmaq məqsədilə Norveçdən yola çıxan bir gəmiyə də müdaxilə etmişdi. Gəmidəki könüllülərdən isveçli aktivist Divana Levrini hadisədən 4 gün sonra ölkəsinə qayıdarkən həbsdə saxlanıldıqları zaman İsrail qüvvələrinin işgəncələrinə məruz qaldıqlarını söyləmişdi.

51
Teqlər:
liman, tibbi ləvazımat, jurnalist, gəmi, Qəzzanın blokadası, İsrail dəniz qüvvələri, Divana Levrini, Norveç, İsveç, Qəzza, İsrail, Aşdod
Əlaqədar
İsrail səfiri şimal-qərb bölgəsinə səfər edib
İsrail “Avroviziya”dan məhrum edilə bilər
Yaxın Şərq yenə qarışdı: İsrail Suriya qırıcısını vurdu
Türkiyə və İsrail arasında yeni qalmaqal yaşanır
Fransa bayrağı, arxiv şəkli

Fransadan Azərbaycana jest

23
(Yenilənib 09:48 18.01.2021)
2019- cu ildə yaradılmış “Böyük Məqrəb” Assosiasiyası humanitar təşkilat olub müsəlman ölkələrinə dəstək göstərir.

BAKI, 18 yanvar - Sputnik. Fransanın müsəlman icması Azərbaycan xalqı ilə həmrəyliyini nümayiş etdirib.

Sputnik Azərbaycan-a daxil olan məlumata görə, Fransada fəaliyyət göstərən “Böyük Məqrəb” Assosiasiyası Azərbaycana humanitar yardım göndərib.

Yardıma əsasən tibbi təhcizat və tibbi avadanlıqlar daxildir.

Qeyd edək ki, 2019- cu ildə yaradılmış “Böyük Məqrəb” Assosiasiyası humanitar təşkilat olub müsəlman ölkələrinə dəstək göstərir.

23
Teqlər:
Fransa
Mumiya, arxiv şəkli

Misirdə üzərində ginekoloji əməliyyat izi olan mumiya aşkarlanıb

22
Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

BAKI, 17 yanvar — Sputnik. Qədim Misirdə üzərində ginekoloji əməliyyat izi olan mumiya aşkarlanıb.

Sputnik Azərbaycan xarici mətbuata istinadla xəbər verir ki, Qranada və Xaena universitetlərinin alimləri qadın mumiyası üzərində apardıqları araşdırma zamanı məlum olub ki, qadın ginekoloji əməliyyat keçirib.

Mumiyanın bizim eradan əvvəl 1878-1797-ci illərə aid olduğu bildirilir. Həmin şəxs sağlığında çanaq sümüyündən ciddi zədə alıb və güclü xəstəlikdən əziyyət çəkib. Yerli təbiblər onu sağaltmağa çalışıblar. Onlar qadın üzərində "fumiqasiya" əməliyyatı aparıblar. Belə ki, yaraya toksiki maddələr verərək, mikrobları öldürməyə çalışıblar.

Qeyd edək ki, bu üsul indi ancaq bitkilər üçün həyata keçirilir.

Müəyyən edilib ki, qadın yüksək təbəqədən olub və onun adı Sattjeni A. olub. Sonuncu hərf qadını digərlərindən fərqləndirmək üçün olub.

Çünki həmin dövrdə Sattjeni əhali arasında populyar ad olub. Mumiya qaya məzarlığında aşkarlanıb. Orada 11 yaxşı vəziyyətdə qalmış mumiya olub.

22
Alıcı maşının baqajına polietilen paketlərdə ərzaqları qoyur, arxiv şəkli

Polietilen torba istehsalçılarına xəbərdarlıq edilib

0
Dövlət Xidməti tərəfindən polietilen torbaların idxalını həyata keçirən sahibkarların telefon nömrələrinə maarifləndirici SMS-lər də göndərilib.

BAKI, 18 yanvar — Sputnik. 2021-ci il yanvarın 1-dən etibarən qalınlığı 15 mikronadək olan polietilen torbaların, iyulun 1-dən isə birdəfəlik istifadə üçün nəzərdə tutulan plastik çəngəl, qaşıq, bıçaq, qarışdırıcı çubuq, boşqab və stəkanların istehsalı və idxalı, həmçinin ticarət, ictimai iaşə və digər xidmət obyektlərində istehlakçıya satılması və ya xidmət zamanı istifadəsinin qanunla qadağan edilməsi ilə əlaqədar mövcud vəziyyətin müzakirəsi məqsədilə polietilen torbaların iri istehsalçıları və ticarət şəbəkələrinin rəhbərləri ilə İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətində görüş keçirilib.

Bu barədə Sputnik Azərbaycan Antiinhisar və İstehlak Bazarına Nəzarət Dövlət Xidmətinə istinadən xəbər verir.

"Görüşdə qeyd olunan məsələ ilə bağlı əmtəə bazarındakı vəziyyət müzakirə olunub, sahibkarların təklifləri dinlənilib və onlara qanunvericiliyin tələbləri izah edilib, qanun pozuntusu aşkar ediləcəyi təqdirdə, ciddi məsuliyyət tədbirlərinin görüləcəyi bildirilib", - məlumatda deyilir.

Bundan başqa, Dövlət Xidməti tərəfindən polietilen torbaların idxalını həyata keçirən sahibkarların telefon nömrələrinə maarifləndirici SMS-lər də göndərilib.

İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti sahibkarlıq subyektlərini qanunvericiliyin tələblərinə ciddi riayət etməyə çağırır.

0