ABŞ Dövlət Departamentinin sözçüsü Hizer Nauert

Dövlət Departamenti rahib Endryü Bransonla bağlı açıqlama verib

133
(Yenilənib 00:03 02.08.2018)
ABŞ Dövlət Departamentinin sözçüsü: "Rahib Bransonun dərhal Türkiyədən ABŞ-a göndərilməsini istəyirik"

BAKI, 2 avqust — Sputnik. ABŞ Dövlət Departamentinin sözçüsü Hizer Nauert Türkiyədə həbsdən ev dustaqlığına buraxılan amerikalı rahib Endryü Branson ilə bağlı açıqlama verib.

Sputnik Azərbaycan "Bloomberght"ə istinadla xəbər verir ki, ABŞ Dövlət Departamentinin sözçüsü "Rahib Bransonun dərhal ABŞ-a göndərilməsini istəyirik" — deyib.

Hizer Nauert xatırladıb ki, ABŞ-ın vitse-prezidenti Mayk Pens rahibin tam azad olunmasını tələb edib və din xadiminin azad edilməyəcəyi təqdirdə Türkiyəyə sanksiya tətbiq olunacağını bildirib: "Məsələ ilə bağlı ABŞ hökuməti Türkiyə hökuməti ilə dəfələrlə müzakirə aparıb". 

Nauert sanksiyaların nədən ibarət olacağı barədə açıqlama verməyəcəyini bildirib. O, rahibin həbsdən ev dustaqlığına buraxılmasını düzgün istiqamətdə bir addım kimi səciyyələndirib.

"Mövzu haqqında daha çox açıqlama verə bilmərəm. Məsələ çox həssasdır" — deyə sözçü qeyd edib.

O, yalnız Bransonun deyil, həbsdə olan digər əməkdaşlarının da sərbəst buraxılması üçün çalışdıqlarını bildirib: "Əməkdaşlarımızı həbsdən çıxarmaq üçün hər şeyi edirik".

Qeyd edək ki, 20 ildən çoxdur İzmirdə yaşayan amerikalı rahib Branson 2016-cı ildə dövlət çevrilişinə cəhd zamanı FETÖ hərəkatına yardım etməkdə və PKK-ya dəstək verməkdə ittiham olunaraq həbs edilib. İyulun 25-də Branson haqqında həbs tədbiri ev dustaqlığı ilə əvəzlənib.

133
Əlaqədar
Ekspert: “İran-ABŞ müharibəsinin olma ehtimalı çoxdur”
Politoloq: “Türkiyə müttəfiqliyə son versə, ən çox itirən ABŞ olacaq”
Rusiyadan ABŞ-a internet tənqidi
: Yaponiyada qoruyucu maskada olan insanlar

İnsana hörmət: COVID-ə görə təmassız lift yaratdılar

0
(Yenilənib 17:58 29.11.2020)
Ötən həftədən etibarən Yaponiyada yoluxma üzrə antirekordlar bir-birini əvəzləyir. Bazar günü bu ölkədə sutka ərzindən 2058 nəfərdə COVID-19-a yoluxma aşkarlanıb

BAKI, 29 noyabr - Sputnik. Yaponiyanın Hitachi Ltd. və Mitsubishi Electric şirkətləri koronavirus infeksiyasının yayılmasının qarşısını almaq üçün təmassız lift modelləri təqdim ediblər.

Sputnik Azərbaycan bildirir ki, NHK telekanalının məlumatına görə, yeni Hitachi modelində liftin çağırılması, yaxud da hansısa mərtəbəyə qalxması üçün düymələrə gərək yoxdur. Bunun üçün LİNE ani mesajlaşma tətbiqindən, yaxud liftin kabinəsinin böyründə həkk olunmuş xüsusi QR-şifrənin skanından istifadə etmək olar. İstənilən mərtəbənin seçimini insan öz smartfonu vasitəsilə idarə edir, buna görə də hansısa düyməyə basmağa gərək qalmır.

Mitsubishi Electric-in lifti isə avtomatik olaraq gəlir və adamı lazımi mərtəbəyə qaldırır, ancaq bunun üçün öncədən sistemə smartfon üçün olan tətbiq vasitəsilə həmin adam haqda məlumatlar daxil edilməlidir.

Ötən həftədən etibarən Yaponiyada yoluxma üzrə antirekordlar bir-birini əvəzləyir. Bazar günü bu ölkədə sutka ərzindən 2058 nəfərdə COVID-19-a yoluxma aşkarlanıb, 10 nəfər dünyasını dəyişib. Epidemiya başlayandan Yaponiyada 148272 nəfər yoluxub, bunlardan 2133 nəfər dünyasını dəyişib. 122550 nəfər isə sağala bilib.

0
Teqlər:
kontaktsız, lift, risk, yoluxma, Yaponiya, Koronavirus, epidemiya, COVID-19
Mövzu:
Dünyanı cənginə almış bəla
Fransa polisi

"Demokratiyanın beşiyi"ndə iğtişaşlar: qanun layihəsi 133 min insanı özündən çıxardı

10
(Yenilənib 17:51 29.11.2020)
Polislərin foto və videolarının çəkilməsini qadağan edən qanun layihəsi Fransada 133 min insanı hiddətləndirib. Onlar küçələrə axışaraq polislərə "hədlərini bildirməyi" özlərinə borc biliblər

BAKI, 29 noyabr - Sputnik. Fransada şənbə günü, noyabrın 28-də keçirilən "Qlobal təhlükəsizlik haqda" qanun layihəsinə qarşı etiraz aksiyalarında ən azı 62 polis əməkdaşı xəsarət alıb.

Sputnik Azərbaycan xarici KİV-ə istinadən bildirir ki, 23 polis işçisi Parisdə, 39-u isə əyalətlərdəki aksiyalarda yaralanıb.

Həmçinin bildirilir ki, iki nəfər etirazçı Baş Polis Müfəttlişliyinə hüquq-mühafizə orqanları tərəfindən zorakılığa məruz qaldıqları barədə şikayət edib.

Etiraz aksiyası zamanı suriyalı fotoqraf Əmir Əl-Həlbi başından yaralanıb. "Sərhədsiz reportyorlar"ın baş katibi Kristof Deluar fotoqrafa qarşı "polis tərəfindən yolverilməz zorakılığı" qınayıb.

Ölkə üzrə 80 etirazçı həbs edilib.

Noyabrın 28-də Fransanın 70 şəhərində "Qlobal təhlükəsizlik haqda" qanun layihəsinə qarşı etiraz aksiyaları keçirilib. Bu layihə faktiki olaraq polis və jandarmeriya əməkdaşlarının foto və videolarını çəkməyi qadağan edir. Etiraz aksiyalarında "Siz silahları endirin, biz də kameraları" şüarları səsləndirilib. Aksiyalarda 133 min nəfər iştirak edib.

10
Teqlər:
qanun layihəsi, xəsarət alanlar, polis, etiraz aksiyaları, iğtişaş, Fransa