Активисты требуют отставки мэра столицы, Тарона Маргаряна (10 мая 2018). Ереван

Ermənistan Rusiyanın ittihamlarına cavab verdi

360
(Yenilənib 19:05 01.08.2018)
Balayan əlavə edib ki, ölkə daxilində baş verənlərin heç bir halda Ermənistanın xarici siyasəti bağlılığı yoxdur

BAKI, 1 avqust — Sputnik. Ermənistan hökuməti bundan sonra da Ermənistan – Rusiya tərəfdaşlıq əlaqələrinin inkişafı və möhkəmləndirilməsində, Avrasiya İqtisadi ittifaqı və Kollektiv Təhülkəsizlik Müqaviləsi Təşkilatı (KTMT) çərçivəsində qarşılıqlı əlaqələrin effektivliyinin artırılmasında maraqlıdır. Sputnik Ermənistan xəbər verir ki, bunu Ermənistan Xarici İşlər Nazirliyinin mətbuat katibi Tiqran Balayan bildirib.

O, eyni zamanda qeyd edib ki, Ermənistanın xarici siyasətində prioritetlər dəyişməyib və onlar ölkə parlamentində təsdiqlənən hökumətin proqramında aydın şəkildə göstərilir.

Balayan əlavə edib ki, ölkə daxilində baş verənlərin heç bir halda Ermənistanın xarici siyasəti bağlılığı yoxdur.

Qeyd edək ki, ötən gün Rusiya XİN başçısı Sergey Lavrov bəyan edib ki, Ermənistandakı hadisələr ölkənin yeni rəhbərliyinin öz siyasi sələflərini təqib etməmək barədə bəyanatları ilə ziddiyyət təşkil edir. 

"Rusiya Yerevanın müttəfiqi kimi həmişə erməni dövlətinin sabitliyində maraqlı olub, ona görə də orada baş verənlər bizi narahat etməyə bilməz. Bu narahatlıq həmçinin Ermənistanın iştirak etdiyi MDB məkanında fəaliyyət göstərən təşkilatların normal işinin təminatı baxımından da mövcuddur", — deyə o bildirib.

"Son günlər biz öz narahatlığımızı bir neçə dəfə Ermənistan rəhbərliyinin nəzərinə çatdırmışıq. Ümid edirik ki, vəziyyət konstruktiv məcrada davam edəcək" — nazir əlavə edib.

Onun sözlərinə görə, Moskvada Ermənistanda may ayında baş verən böhran zamanı "böyük məmnuniyyətlə bu böhranın həllinin bütün aparıcı partiyaların iştirakı ilə kompomis əsasında tapılmasını qeyd edirdilər". "Biz ümid edirdik ki, bu nəticədən çıxış edərək bütün siyasi qüvvələr, ilk növbədə Ermənistanın yeni rəhbərliyi, yeni iqtidar birləşdirici yanaşmanı davam etdirəcək, milli birliyi möhkəmləndirəcək", — Lavrov bəyan edib.

"Lakin son günlərin olayları aşkar şəkildə belə müsbət başlanğıcı pozur, Ermənistanın yeni rəhbərliyinin öz siyasi sələflərini təqib etməmək barədə bu yaxınlarda verdiyi bəyanatları ilə ziddiyyət təşkil edir", — nazir fikrini yekunlaşdırıb.

Ermənistanın Xüsusi İstintaq Xidməti iyulun 26-da keçmiş prezident Robert Köçəryana qarşı ölkənin konstitusion quruluşunu dəyişmək ittihamını irəli sürüb. Köçəryan məhkəmə qərarı ilə iki aylığına həbs edilib. Keçmiş prezident ittihamların siyası xarakterli olduğunu bəyan edib. Ondan əvvəl isə keçmiş müdafiə naziri Mikael Arutyunyan 2008-ci il 1 mart hadisələri ilə bağlı müqəssir qismində istintaqa cəlb olunub və barəsində axtarış elan olunub. KTMT baş katibi Yuri Xaçaturova da bu iş çərçivəsində ittiham irəli sürülüb. Xaçaturov zaminə buraxılıb.

360
Türkiyənin F-16 qırıcısı, arxiv şəkli

Vaşinqtonla Ankara arasında yeni gərginlik səbəbi: rəsmi imtina gəldi

7
(Yenilənib 13:41 22.04.2021)
Memoranduma əsasən, Ankara öz üzərinə 100 ədəd "F-35" tipli qırıcı almaq öhdəliyi götürürdü. Türkiyə həmçinin "F-35"lər üçün 1000-dən artıq komponentin istehsalında da iştirak edib.

BAKI, 22 aprel — Sputnik. Birləşmiş Ştatlar Rusiyadan "S-400" zenit-raket kompleksləri alması ilə əlaqədar Türkiyənin "F-35" qırıcılarının istehsalı proqramından çıxarılması barədə Ankaranı rəsmən məlumatlandırıb. Sputnik Azərbaycan xəbər verir ki, bu barədə "Anadolu" agentliyi Pentaqondan olan mənbəyə istinadən xəbər verir.

Qeyd olunur ki, Birləşmiş Ştatlar 2007-ci ilin yanvarında "F-35"lərin istehsalı üzrə birgə memorandumu ləğv ediblər.

Xatırladaq ki, bu memoranduma əsasən, Ankara öz üzərinə 100 ədəd "F-35" tipli qırıcı almaq öhdəliyi götürürdü. Türkiyə həmçinin "F-35"lər üçün 1000-dən artıq komponentin istehsalında da iştirak edib.

7
Teqlər:
ABŞ, memorandum, Türkiyə, "F-35" qırıcıları
Türkiyədə epidemioloji vəziyyət

Türkiyə bu axşamdan "bağlanır"

7
(Yenilənib 12:44 22.04.2021)
Ötən cümə günü Türkiyədə pandemiya başlayandan bəri koronavirusa ən yüksək yoluxma qeyd alınıb. Bildirilir ki, həmin vaxt sutkalıq yoluxma 63 082, ölüm halları isə 346 hal olub.

BAKI, 22 aprel — Sputnik. Türkiyə hökuməti ölkədə koronavirusun yayılması fonunda cümə günündən bazar ertəsinə qədər sutkalıq komendant saatı tətbiq edəcəklər. Sputnik Azərbaycan xəbər verir ki, bu barədə Türkiyənin Daxili İşlər Nazirliyi məlumat yayıb.

"Aprelin 23-ü Türkiyədə Milli Müstəqillik və Uşaq günü dövlət bayramı ilə bağlı bu həftə aprelin 22-si saat 19:00-dan 26 aprel saat 05:00-a qədər küçəyə çıxma məhdudiyyətləri tətbiq olunacaq", - deyə məlumatda qeyd olunub.

Qeyd edək ki, ötən cümə günü Türkiyədə pandemiya başlayandan bəri koronavirusa ən yüksək yoluxma qeyd alınıb. Bildirilir ki, həmin vaxt sutkalıq yoluxma 63 082, ölüm halları isə 346 hal olub.

7
Teqlər:
karantin, Türkiyә, Koronavirus, epidemiya, COVID-19
Mövzu:
Yeni tip koronavirus pandemiyası