Serj Sarqsyan

Serj Sarqsyan Ermənistanı tərk etdi

14225
(Yenilənib 12:06 24.07.2018)
Məlumata görə, sabiq prezident hazırda İtaliyadadır

BAKI, 24 iyul — Sputnik. Ermənistanın sabiq prezidenti, Respublika Partiyasının sədri Serj Sarqsyan hazırda Avropadadır. Sputnik Ermənistan xəbər verir ki, bu barədə məlumatı "Jovohurd" nəşri yazıb.

Nəşrin məlumatına görə, sabiq prezident hazırda İtaliyadadır. Onun orada tibbi müayinədən keçəcəyi bildirilir.

Nəşr bu məlumatı Respublika Partiyasının üzvlərindən dəqiqləşdirməyə çalışıb. Pariyanın parlament fraksiyasının rəhbəri Vaqram Baqdasaryan bu məlumatı təkzib etməyib: "Yəqin ki… Dəqiq bilmirəm. O, müayinəyə getməli idi. Onu bilirəm ki, o, 10 gün ölkədə olmayacaq"

Bununla belə, Baqdasaryan Sarqsyanın həqiqətən də səhhətində problemin olması barədə sualı cavablandırmaqda çətinlik çəkib. Bu baxımdan sabiq prezidentin birdəfəlik Avropaya yerləşəcəyinə dair iddialar yayılmağa başlayıb.

14225
Teqlər:
Respublika Partiyası, Serj Sarqsyan, sabiq prezident, Ermənistan, Avropa
Əlaqədar
Sarqsyanın baş cangüdəni həbs olundu
Ermənistanda Sarqsyan həbs olundu - VİDEO
Sarqsyan istefadan sonra ilk dəfə adam arasına çıxdı
Mollazadə: "Sarqsyanı AŞPA-ya gətirənlərin adlarını korrupsiya sənədinə salmadılar"
ABŞ-dan Serj Sarqsyana gözlənilməz zərbə
 COVİD-19-da ölən şəxs, arxiv şəkli

Koronavirus mövsümi infeksiyaya çevrilir

7
(Yenilənib 00:50 28.02.2021)
"Rospotrebnadzor"dan bildirilib ki, 2020-ci ilin payız aylarında koronavirusa yoluxma hallarının kəskin artması bunu bir daha təsdiqləyir

BAKI, 28 fevral — Sputnik. Bir-iki ildən sonra yeni tip koronavirus mövsümi infeksiyaların siyahısına düşə bilər. Sputnik Azərbaycan-ın rusiya mətbuatına istinadla yaydığı xəbərə görə, bu açıqlama ilə Rusiyanın İstehlakçı Hüquqlarının Müdafiəsi və İnsan Rifahı üzrə Federal Nəzarət Xidmətinin ("Rospotrebnadzor") Mərkəzi Tədqiqat Epidemiologiya İnstitutunun Klinik və analitik işlər üzrə direktor müavini Natalya Pşeniçnaya çıxış edib.

"Bəlkə də, bu, yaxın 1-2 ildə baş verdi. Artıq indidən COVID-19-da mövsümi infeksiya xüsusiyyətləri müşahidə olunmağa başlayıb. 2020-ci ilin payız aylarında koronavirusa yoluxma hallarının kəskin artması bunu bir daha təsdiqləyir", - deyə o bildirib.

Qeyd edək ki, Rusiya dünyada COVID-19 peyvəndini ilk qeyd alan ölkədir. Preparat Qamaleya adına mərkəz tərəfindən Rusiya Birbaşa İnvestisiyalar Fondu ilə birlikdə hazırlanıb və "Sputnik V" adını alıb. Ötən ilin oktyabr ayının 15-də Rusiya Prezidenti Vladimir Putin "EpiVacCorona" adlı COVID-19-a qarşı ikinci peyvəndin qeydiyyatdan keçirilməsi ilə bağlı məlumat verdi. Yeni preparat Novosibirskdəki "Vektor" Mərkəzi tərəfindən işlənib-hazırlanıb. Üçüncü Rusiya peyvəndi olan "CoviVac" isə Çumakov adına mərkəz tərəfindən işlənib hazırlanaraq bu ilin fevral ayının 20-də qeydiyyatdan keçirilib.

7
Teqlər:
mövsüm, infeksiya, COVID-19, epidemiya, Koronavirus
Mövzu:
Yeni tip koronavirus pandemiyası

Mars səthində nəhəng burulğanlar - VİDEO

9
(Yenilənib 00:20 28.02.2021)
Marsın cənub yarımkürəsindəki kraterin dibində hərəkət edən burulğanlardan birinin sürəti saniyədə 4, digərinin isə saniyədə 8 metrdir

BAKI, 28 fevral - Sputnik. ExoMars-2016 missiyasının Trace Gas Orbiter Rusiya-Avropa kosmik aparatı Mars planetinin səthində nəhəng burulğanların şəklini çəkib. 

Sputnik Azərbaycan bildirir ki, şəkilləri "Roskosmos" paylaşıb.

"Nəhəng toz burulğanları Mars səthində daimi hadisədir. 2021-ci il fevralın 27-də Trace Gas Orbiter aparatındakı CaSSIS kamerası ilə 45 saniyə fərqlə çəkilmiş bu iki şəkildə iki hərəkət edən burulğan görünür", - dövlət şirkətinin saytında deyilir.

Məlumat verilir ki, parlaq ləkələr Marsın cənub yarımkürəsində, 70 kilometrik kraterin dibi ilə hərəkət edərək özlərindən sonra tünd rəngli zolaqlar buraxır. İki toz sütununun hərəkət edən kölgəsi də görünür. Burulğanlardan birinin sürəti saniyədə 4, digərinin isə saniyədə 8 metrdir. 

Marsdakı burulğanların hündürlüyü 8 kilometrə çata bilər. Onlar özlərindən sonra onlarla, yüzlərlə kilometr enində izlər qoya bilir. Qırmızı planetin burulğanlarının öyrənilməsi son dərəcə vacib hesab olunur. Çünki bu, onların zaman keçdikcə planetin iqliminə necə təsir etdiyini anlamağa kömək edər.

9
Teqlər:
burulğan, toz, planet, Mars
İndiki Azadlıq meydanında Leninin heykəli

DTK-nın törədib azərbaycanlıların üstünə atdığı Sumqayıt hadisələrindən 33 il ötür

0
(Yenilənib 09:49 28.02.2021)
Sumqayıt faciəsi zamanı yüzlərlə azərbaycanlı ailəsi həyatlarını təhlükə qarşısında qoyaraq, erməni qonşularını qəzəblənmiş kütlənin təhlükəsindən xilas edib.

BAKI, 28 fevral - Sputnik. SSRİ Dövlət Təhlükəsizlik Komitəsinin Sumqayıtda törətdiyi xoşagəlməz hadisələrdən 33 il ötür.

Sputnik Azərbaycan xəbər verir ki, 1988-ci il fevralın 27-dən 28-nə keçən gecə Sumqayıt şəhərində baş vermiş iğtişaşlar nəticəsində 32 nəfər ölüb. Onlardan 26-sı erməni, 6-sı azərbaycanlı olub.

Sumqayıt hadisələri erməni millətçiləri tərəfindən təşkil edilib. İğtişaşların baş verməsində Sumqayıt əhalisi arasına yerləşdirilən və Azərbaycan dilini təmiz bilən ermənilərdən ibarət təxribatçı qruplar xüsusi rol oynayıb.

Bu hadisələr SSRİ Dövlət Təhlükəsizlik Komitəsinin (DTK) ermənilərlə birgə təşkil etdiyi və həyata keçirdiyi ssenarinin tərkib hissəsi idi. Sumqayıtda bu hadisəni təşkil etmək üçün seçilmiş şəxs də erməni - iki dəfə məhkum olunmuş Eduard Qriqoryan olub. Sumqayıt hadisələrinin təşkilatçısı kimi azərbaycanlı Əhməd Əhmədov güllələnmə cəzasına məhkum edilsə də, şahid ifadələri əsl günahkarın əslində erməni Eduard Qriqoryan olduğunu sübut edir.

Sumqayıt faciəsi zamanı yüzlərlə azərbaycanlı ailəsi həyatlarını təhlükə qarşısında qoyaraq, erməni qonşularını qəzəblənmiş kütlənin təhlükəsindən xilas edib.

Bu hadisələrin Moskva tərəfindən törədildiyini SSRİ DTK-nın o vaxtkı sədri Vladimir Kryuçkov da etiraf edib. SSRİ DTK-nın himayə etdiyi həmin qruplar şəhərin müxtəlif yerlərində qətliamlar törədib. Erməni millətindən olan 26 nəfərin qətlini məhz bu dəstələr həyata keçirib.

Şəhərə yeridilən general Krayevin rəhbərlik etdiyi ordu hissələri isə bunları kənardan izlədikdən sonra - fevralın 29-da hadisələrə müdaxilə edib. Nəticədə 6 azərbaycanlı tankların tırtılları altında qalaraq həlak olub, 400 nəfər xəsarət alıb, 200 mənzil talan edilib, 50 mədəni-məişət obyekti dağıdılıb, 40-dan çox avtomobil yararsız hala salınıb.

Öldürülən ermənilərin, demək olar ki, hamısı erməni terror fondlarına pul keçirməkdən imtina edənlər olub. Eduard Qriqoryan Sumqayıt hadisələri zamanı 5 ermənini şəxsən öldürüb, 8 erməni qadını zorlayıb. Lakin erməni təşkilatları bu cür cinayətlər törətmiş E. Qriqoryanı ağır cəzadan qurtara bilib. E. Qriqoryana 12 illik həbs cəzası verilib, lakin o, bir neçə ildən sonra azadlığa buraxılıb. Digər təqsirləndirilən şəxs azərbaycanlı Əhməd Əhmədov isə Moskvada keçirilmiş məhkəmənin hökmü ilə güllələnməyə məhkum edilib və hökm icra olunub.

Bundan başqa, iğtişaşlara görə 3 minə yaxın günahsız Sumqayıt sakini həbs olunub. Onlardan 400-ü inzibati məsuliyyətə cəlb edilib, 94 nəfər barəsində isə cinayət işi açılıb.

Ermənilər bu gün də Sumqayıt hadisələrindən öz məqsədləri üçün yararlanmağa davam edirlər. Onlar Sumqayıt hadisələri haqda dünya ictimaiyyətində yanlış rəy formalaşdırmağa, antiazərbaycan əhval ruhiyyəsi yaratmağa çalışırlar.

0