Qlen Patinsonun evində polis əməkdaşları

Evə girən polis dəhşətlə qarşılaşdı: İti sahibinin üz qarnını yeyirmiş

462
(Yenilənib 22:42 14.07.2018)
Qlen Patinsonun 10 gün əvvəl öldüyü təxmin edilir. Ölüm səbəbi isə tibbi ekspertiza tərəfindən araşdırılır

BAKI, 14 iyul — Sputnik. Tailandda tükləri biz-biz edən dəhşətli olay yaşanıb.

Qlen Patinsonun pasportu
Qlen Patinsonun pasportu

Sputnik Azərbaycan Türkiyə mətbuatına istinadən xəbər verir ki, bir neçə gün evindən çıxmayan 62 yaşlı adamın evindən pis qoxu gəlməyə başlayıb. Qoxunu hiss edən qonşular polis çağırıblar. Polislər qapını qıraraq içəri daxil olan zaman dəhşətli hadisə ilə rastlaşıblar. Onlar ev sahibi Qlen Patinsonun cəsədi, daha doğrusu sümüklərini tapıblar.

Qlen Patinsonun evində polis əməkdaşları
Qlen Patinsonun evində polis əməkdaşları

Cəsəd tanınmaz hala düşübmüş. Patinsonun 5 yaşlı Cujo adlı iti onun ətini yeyirmi. Polislər cəsədi tapanda, it artıq Patinsonun üzü və qarnını yeyibmiş.

Qlen Patinsonun 10 gün əvvəl öldüyü təxmin edilir. Ölüm səbəbi isə tibbi ekspertiza tərəfindən araşdırılır. Amma polis şübhəli heç nə tapılmadığını, böyük ehtimalla ac qalan itin artıq ölmüş insanın meyitini yeməyə başladığını bildirib.

462
Teqlər:
sümük, ölüm, dəhşət, sahib, it, Tailand
Ermənistan parlamenti

Ermənistan parlamentində dava düşdü, qadın kişi deputatlar bir-birinə qarışdı - VİDEO

5
(Yenilənib 20:04 26.11.2020)
"Çiçəklənən Ermənistan" Partiyasının deputatı Naira Zohrabyan: "Paşinyan Azərbaycanda cizgi filmlərinin qəhrəmanına çevrilib".

BAKI, 26 noyabr - Sputnik. Ermənistan parlamentinin bugünkü iclasında dava düşüb.

Sputnik Ermənistan-ın məlumatına görə, hadisə “Mənim addımım” fraksiyasının deputatı Amazasp Danielyanın çıxışı zamanı olub.

Danielyan “Çiçəklənən Ermənistan” Partiyasının deputatı Mikael Melkumyanın “nəvələrimizə müharibədə məğlub olduğumuzu necə başa salaq?” sualına kobud cavab verib.

Son nöqtə "Çiçəklənən Ermənistan"ın deputatı Naira Zohrabyana ünvanlanan irad olub. Zohrabyan Paşinyanın Azərbaycanda cizgi filmlərinin qəhrəmanı olduğunu söylədikdə, Danielyan ona irad tutub: "Siz də Azərbaycanda superulduzsunuz."

Bundan sonra zalda gərginlik yaranıb, deputatlar bir-birinin üstünə gedib. Zala mühafizəçilərin çağırılması ilə gərginlik aradan qalxıb.

 

5
Teqlər:
Azərbaycan, Ermənistanın baş naziri Nikol Paşinyan, baş nazir Nikol Paşinyan, Nikol Paşinyan, Ermənistan
Nurlan İbrahimov, arxiv şəkli

"Qarabağ" klubu onun mətbuat katibinə qarşı UEFA-dan ağlasığmaz qərar

19
Dağlıq Qarabağ münaqişəsi zamanı Facebook sosial şəbəkəsində ermənilərlə bağlı paylaşımına görə, UEFA "Qarabağ" klubunun Mətbuat xidmətinin rəhbəri Nurlan İbrahimovu futboldan ömürlük kənarlaşdırıb.

BAKI, 26 noyabr — Sputnik. UEFA "Qarabağ" klubunun Mətbuat xidmətinin rəhbəri Nurlan İbrahimovu futboldan ömürlük kənarlaşdırmaq barədə qərar verib.

Sputnik Azərbaycan UEFA-nın rəsmi saytına istinadla xəbər verir ki, İbrahimov Dağlıq Qarabağ münaqişəsi zamanı Facebook sosial şəbəkəsində ermənilərlə bağlı paylaşımına görə bu cəzaya məruz qalıb.

Bununla yanaşı, qurum Ağdam klubunu da 100 000 avro məbləğində cərimələyib.

UEFA daha əvvəl İbrahimova qarşı "İrqçi və digər ayrı-seçkilik davranışı" və "Əsas davranış qaydalarının pozulması" maddəsi ilə intizam işi açmışdı.

"Qarabağ" klubu da öz növbəsində Nurlan İbrahimovla bağlı UEFA-nın yekun qərarına etiraz edəcək.

Bu barədə "Report"a Ağdam təmsilçisinin direktoru Emrah Çelikel məlumat verib.

Çelikel bildirib ki, klub bu yöndə lazımi tədbirləri görəcək: "Xəbər hələ çox yenidir, cəmi 15 - 20 dəqiqə əvvəl almışıq. Nə cür addım atacağımıza rəhbərliklə müzakirələrdən sonra qərar verəcəyik".

Çelikəl qərardan apellyasiya veriləcəyini də söyləyib: "Klubun mövqeyindən və Nurlan tərəfdən baxanda cəza çox ağırdır. UEFA-nın tabeliyində olan klub kimi onların qərarlarına hörmət etmək borcumuzdur. Ancaq haqsızlıq olduğunu düşündüyümüz halda lazımi etirazları edəcəyik. Qərarla bağlı UEFA-ya mütləq müraciət olunacaq".

19
Teqlər:
ermənilər, Ermənistan, UEFA, "Qarabağ", Qarabağ FK