Maykl Cekson

Şəxsi həkimindən inanılmaz iddia: “Onu xədim ediblər”

501
(Yenilənib 10:26 14.07.2018)
Şəxsi həkimi deyib ki, Maykl Cekson atasından çox qorxurmuş

BAKI, 14 iyul — Sputnik. Ötən illərin əfsanəvi pop ulduzu olan Maykl Ceksonın ölümündən 9 il keçməsinə baxmayaraq, onun haqqında iddiaların ardı-arası kəsilmir.

Sputnik Azərbaycan Türkiyə mətbuatına istinadən xəbər verir ki, pop musiqisinin kralının həkimi Konrad Murray bu dəfə Ceksonun atasını ittiham edib. Murray deyib ki, musiqiçinin  atası Cou Cekson Maykl Ceksona səsinin qorunması üçün kimyəvi dərman verərək, onu xədim (kişilik gücü olmayan şəxs – red.) edib: “O, uşaqlarına qarşı qəddar davranıb. O, uşaqları üçün tarixdə ən qəddar ata idi. Maykl Cekson atasından çox qorxurdu”.

Qeyd edək ki, həkim bir neçə il öncə də müğənninin səsinin qalınlaşmasının qarşısını almaq üçün ona hormonal pozuntu yaradan dərman vurulduğunu iddia etmişdi.

Xatırladaq ki, Konrad Murray özü Maykl Ceksonu bilməyərəkdən öldürməkdə ittiham olunaraq, 4 il həbs cəzası alıb. O, 2 il həbsdə qalandan sonra nümunəvi davranışına görə həbsdən azad edilib.

501
Teqlər:
kimyəvi dərman, xədim, Maykl Cekson, həkim
Rusiya millisinin hücumçusu Artyom Dzyuba (ön planda) və Belçika millisinin müdafiəçisi Tobi Alderveyreld

Rusiya millisinin futbolçuları AVRO-2020-nin startında Belçikaya uduzdular

5
(Yenilənib 01:10 13.06.2021)
Romelu Lukakunun dublu və Tom Menyenin qolu sayəsində belçikalılar AVRO-2020-də ilk oyunu qazanaraq B qrupunun lideri oldular.

Rusiya millisinin futbolçuları Avropa çempionatının qrup mərhələsindəki start oyununda Belçika komandasına uduzublar.

Sankt-Peterburqda keçirilən B qrupunun oyunu belçikalıların 3:0-lıq qələbəsi ilə yekunlaşıb.

Romelu Lukaku dubl edib (10-cu və 88-ci dəqiqələr), bir qol da Tom Menye (34-cü dəqiqədə) vurub. 

Rusiya turnirdəki növbəti matçını Sankt-Peterburqda iyunun 16-da Finlandiyaya qarşı keçirəcək. Belçikalılar bir gün sonra Kopenhagendə Danimarka millisi ilə oynayacaqlar.

 

5
Danimarka yığmasının yarımmüdafiəçisi Kristian Erikssen və Finlandiya millisinin havbeki Qlen Kamara AVRO-2020 matçında

Kristian Erikssen AVRO-2020-də Finlandiya ilə Danimarka oyununun ən yaxşısı seçildi

158
(Yenilənib 00:28 13.06.2021)
Avropa çempionatının təşkilat komitəsi oyun zamanı huşunu itirən futbolçunu dəstəkləmək qərarına gəlib.

Danimarkalı yarımmüdafiəçi Kristian Erikssen futbol üzrə Avropa çempionatının Finlandiya ilə Danimarka arasında keçirilən oyununun ən yaxşı futbolçusu seçilib. Bu barədə UEFA-nın saytında bildirilir.

Rusiya millisinin B qrupundakı rəqiblərinin oyunu şənbə günü Kopenhagendə başlayıb və 1:0 hesabı ilə finlərin xeyrinə başa çatlb.

Birinci taymın lap sonunda danimarkalıların yarımmüdafiəçisi Kristian Erikssen meydançada huşunu itirib. Bir neçə dəqiqə ərzində həkimlər ona ilkin yardım göstərib, ürəyini bilvasitə masaj ediblər. Sonra 29 yaşlı futbolçunu pərdəli xərəkdə tribunaların altındakı otağa aparıblar. Komandalar da onun ardınca gediblər.

Bir qədər sonra UEFA bəyan edib ki, oyunçu klinikadadır, özünə gəlib, vəziyyəti sabitdir. Matç təxminən iki saat sonra, Bakı vaxtı ilə 22:30-da davam etdirilib.

158