Qalmaqallı şəxs vəzifədən uzaqlaşdırıldı
(Yenilənib 16:08 13.07.2018)
Onun adı bəzi qalmaqallarda hallanırBAKI, 13 iyul — Sputnik. Beynəlxalq Şahmat Federasiyasının (FIDE) Etika Komitəsi qurumun prezidenti Kirsan İlyumjinovu vəzifəsindən kənarlaşdırıb. Sputnik Azərbaycan Rusiya mətbuatına istinadən xəbər verir ki, bu barədə FIDE-nin Etika Komissiyasının bütün üzvlərinin birgə qərarı qəbul edilib.
©
Sputnik / Vladimir Fedorenko
Beynəlxalq Şahmat Federasiyasının prezidenti Kirsan İlyumjinov
Buna səbəb İlyumjinovun Etika Kodeksini pozmasıdır. Onun adı bəzi qalmaqallarda hallanır. FIDE prezidenti seçkisi bu il oktyabrın 3-də Gürcüstanın Batumi şəhərində keçiriləcək.
Qeyd edək ki, Kalmıkiyanın ilk prezidenti olmuş İlyumjinov bu vəzifədə 1995-ci ilin noyabrından çalışırdı. Hazırda ali şahmat qurumunun rəhbəri postuna rusiyalı Arkadi Dvorkoviç əsas namizəddir.
Türkiyədə göyərtəsində 45 nəfər olan gəmi batdı
(Yenilənib 17:58 23.07.2021)
Dəniz Qüvvələri Komandanlığına məxsus 2 freqat və dəniz polisi təyyarəsi qeyri-sabit hava şəraitinə rəğmən bölgədə axtarış-xilasetmə fəaliyyətini davam etdirir.BAKI, 23 iyul — Sputnik. Türkiyənin Milli Müdafiə Nazirliyi Antalyanın Kaş rayonundan 161 mil cənub-qərbdə, Aralıq dənizinin şərq hissəsində göyərtəsində 45 nəfərin olduğu gəminin batdığı barədə məlumat yayıb. Sputnik Azrəbaycan bu barədə Anadolu Agentliyinə istinadla xəbər verib.
Məlumatda qeyd olunur ki, bölgəyə dərhal Türkiyə Dəniz Qüvvələrinin Gökova freqatları yönləndirilib və hazırda bölgədə axtarış-xilasetmə işi aparılır.
"Dəniz Qüvvələri Komandanlığına məxsus 2 freqat və dəniz polisi təyyarəsi qeyri-sabit hava şəraitinə rəğmən bölgədə axtarış-xilasetmə fəaliyyətini davam etdirir", – deyə məlumatda vurğulanır.
Türkiyə Müdafiə Nazirliyinin yaydığı məlumata görə, 37 nəfər xilas edilib, yerdə qalan 8 nəfərin axtarışları üzrə əməliyyatlar davam etirilir.
Həmçinin oxuyun:
* Qara dənizdə batan gəminin dörd üzvü ölüb, axtarışlar dayandırılıb
Əfqanıstan ordusu Herat əyalətinin rayonlarından birini taliblərdən azad edib
(Yenilənib 10:59 23.07.2021)
Ölkədə qeyri-sabitlik ABŞ administrasiyasının sentyabrın 11-nə qədər ölkədən qoşunların çıxarılacağı barədə vədləri fonunda artıb.BAKI, 23 iyul — Sputnik. Əfqanıstanın hökumət qüvvələri ölkənin qərbindəki Herat əyalətinin Karux rayonunu radikal Taliban* hərəkatının yaraqlılarından azad edib. Sputnik Azərbaycan Rusiya mediasına istinadən xəbər verir ki, əməliyyat nəticəsində onlarla talib məhv edilib.
"Əfqanıstan milli təhlükəsizlik qüvvələri (ANDSF) və müqavimət hərəkatı döyüşçüləri Herat əyalətinin Karux rayonunu Taliban* terrorçularından təmizləyib. Əməliyyat nəticəsində onlarla talib öldürülüb və yaralanıb. Heratda hücum başlanıb və yaxın zamanlarda əyalətin digər əraziləri də azad ediləcək", - deyə ölkənin müdafiə nazirliyinin nümayəndəsi Fəvad Aman bildirib.
Əfqanıstanda hökumət qüvvələri ilə kənd rayonlarının əksəriyyətini ələ keçirərək iri şəhərlərə hücuma başlamış taliblər arasında qarşıdurma davam edir. Ölkədə qeyri-sabitlik ABŞ administrasiyasının sentyabrın 11-nə qədər ölkədən qoşunların çıxarılacağı barədə vədləri fonunda artıb. 2020-ci ildə Vaşinqton və "Taliban" nümayəndələri Dohada son 18 ildən artıq bir müddət ərzində ilk sülh sazişini imzalayıblar. Həmin sənəd əcnəbi hərbi kontingentin ölkədən çıxarılmasını və əsirlərin mübadiləsindən sonra Əfqanıstan daxilindəki qüvvələr arasında dialoqun başlanmasını nəzərdə tutur.
* Taliban - 1994-cü ildə yaranan və 1996–2004-cü illər arası Əfqanıstanın bütün ərazisini idarə etmiş hərəkatdır. 2003-сü ildə BMT TŞ tərəfindən terror təşkilatı kimi tanınıb.
XİN Azərbaycan Ordusunun hərbi qulluqçusunun öldürülməsi barədə
(Yenilənib 18:34 23.07.2021)
Ermənistan tərəfinin son zamanlar davamlı təxribatlara əl atması, Azərbaycan mövqelərini atəşə tutaraq, bölgədəki vəziyyəti gərginləşdirmək cəhdləri qəbuledilməzdir və vəziyyətin bu şəkildə inkişafının bütün məsuliyyəti Ermənistanın üzərinə düşür.BAKI, 23 iyul - Sputnik.Azərbaycan Respublikası Xarici İşlər Nazirliyinin Mətbuat xidməti idarəsi Ermənistan silahlı qüvvələrinin Ermənistan-Azərbaycan dövlət sərhədinin Kəlbəcər rayonu sahəsindəki mövqelərini atəşə tutması barədə məlumat yayıb.
Məlumatda deyilir:
"Azərbaycan Respublikası Müdafiə Nazirliyinin məlumatına əsasən, bu ilin 23 iyul tarixində Ermənistan silahlı qüvvələri Azərbaycan Ordusunun Ermənistan-Azərbaycan dövlət sərhədinin Kəlbəcər rayonu sahəsindəki mövqelərini atəşə tutub. Qarşı tərəfdən açılan snayper atəşi nəticəsində bir hərbi qulluqçumuz şəhid olub.
Ermənistan tərəfinin son zamanlar davamlı təxribatlara əl atması, Azərbaycan mövqelərini atəşə tutaraq, bölgədəki vəziyyəti gərginləşdirmək cəhdləri qəbuledilməzdir və vəziyyətin bu şəkildə inkişafının bütün məsuliyyəti Ermənistanın üzərinə düşür.
Azərbaycan, beynəlxalq sərhədləri çərçivəsində ərazi bütövlüyünü müdafiə etmək, habelə bölgədə sülh və təhlükəsizliyi təmin etmək üçün bütün lazımi addımları atmaq hüququnu özündə saxlayır".
Atəşkəsin növbəti dəfə pozulması
Qeyd edək ki, iyulun 23-ü saat 16:00 radələrində Ermənistan silahlı qüvvələrinin bölmələri Basarkeçər rayonu ərazisindəki mövqelərindən Azərbaycan Ordusunun Ermənistan-Azərbaycan dövlət sərhədinin Kəlbəcər rayonu sahəsindəki mövqelərini atəşə tutub.
Qarşı tərəfdən açılan snayper atəşi nəticəsində hərbi qulluqçumuz gizir Yaqublu Fərman Telman oğlu şəhid olub.
Müdafiə Nazirliyinin bildirdiyinə görə, hazırda qeyd olunan istiqamətdə yerləşən Azərbaycan Ordusunun bölmələri tərəfindən cavab tədbirləri həyata keçirilir.
"Ermənistan tərəfi bu kimi təxribat yolu ilə qəsdən iki ölkənin dövlət sərhədində vəziyyəti gərginləşdirmək məqsədi güdür. Baş vermiş təxribata görə bütün məsuliyyət tam şəkildə Ermənistanın üzərinə düşür", - MN bildirib.
Həmçinin oxuyun:
* Düşmən Kəlbəcəri atəşə tutdu, Azərbaycan Ordusunun hərbçisi şəhid oldu
* Ermənistan Naxçıvandakı mövqelərimizi atəşə tutub, hərbçimiz yaralanıb - MN
* Kəlbəcər Ermənistan ərazisindən atəşə tutulub, cavab atəşi ilə susdurulub
* Ağdamdakı bölmələrimiz atəşə tutulub, Azərbaycan Ordusunun hərbi qulluqçusu yaralanıb
* Ermənistan Tovuz və Kəlbəcərdəki mövqelərimizi atəşə tutub