Alman polisi, arxiv şəkli

Zavod işçisi 21 yoldaşının ölümündə ittiham edilir

109
(Yenilənib 04:47 30.06.2018)
Polisdən bildirilib ki, baş verən hadisə ilə bağlı 2000-ci ildən bu günə qədər ölən 21 nəfərin ölümü araşdırılacaq

BAKI, 30 iyun — Sputnik. Almaniyada metal hissəciklər istehsal edən ARİ Armaturen şirkətinin əməkdaşı 21 iş yoldaşını zəhərli qida ilə öldürməkdə ittiham edilir.

Sputnik Azərbaycan Rusiya mətbuatına istinadla xəbər verir ki, 38 ildən artıqdır ki, zavodda işləyən 56 yaşlı kişini əməkdaşlarda biri öz qidasında qəribə toz aşkar edəndən sonra həbs ediblər.

İşçi bu barədə rəhbərliyə bildirib. Bundan sonra zavodun müşahidə kameralarına baxılıb. Vidoegörüntülərdə həmin kişinin başqasının yeməyini açaraq ona nəsə əlavə etdiyi görünür.

"Biz əvvəlcə bunun sui-qəsd deyil, pis zarafat olduğunu düşünürdük" deyə şirkətin meneceri bildirib.

Araşdırma zamanı qidalara qurğuşun asetatı töküldüyü məlum olub. Qurğuşun asetatı çox zəhərli və dadsız maddədir və orqanlara ciddi zədə vura bilər. Kişinin evində aparılan axtarış zamanı civə, kadmiyum, çantasında isə toz maddə olan şüşə aşkarlanıb. Hazırda kişi bir nəfərin ölümündə ittiham edilir. Ancaq polisdən bildirilib ki, baş verən hadisə ilə bağlı 2000-ci ildən bu günə qədər ölən 21 nəfərin ölümü də araşdırılacaq.

Məlumata görə, zavod əməkdaşları arasında ürək-damar xəstəliklərindən və xərçəngdən ölüm halları daha çoxdur və bu da ağır metalların təsiri ilə əlaqələndirilir. Hazırda zavodun iki əməkdaşı komadadır, biri isə dializ qəbul edir.

Sui-qəsd ehtimalı istintaqı ilə 15 nəfərlik qrup məşğul olacaq. Onlar həkimləri və ölən insanların yaxınlarından ifadə alacaq. Cəsədlərin eksqumasiyası da nəzərdə tutulur.

Həbs edilən şəxs isə susmağa üstünlük verir.

109
Teqlər:
zəhərləmə, qida, zavod, polis, Almaniya, həbs
Штаб-квартира Министерства обороны США, фото из архива

Tarixdə ilk dəfə qaradərili general Pentaqonun rəhbəri təyin edilib

15
(Yenilənib 20:58 22.01.2021)
İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

BAKI, 22 yanvar - Sputnik. ABŞ Senatı bu gün istefada olan dörd ulduzlu general Lloyd Ostinin ölkənin müdafiə naziri vəzifəsinə namizədliyini təsdiq edib.

Sputnik Azərbaycan xarici mediaya istinadla xəbər verir ki, Pentaqon rəhbərləri arasında ilk afroamerikalı olan Ostin tezliklə müvafiq and içəcək.

İraq, Əfqanıstan kimi qaynar bölgələrdə xidmət etmiş Ostin 2013-ci ildə ABŞ Mərkəzi Komandanlığının rəhbəri təyin olunub.

O, 2016-cı ildə ordudan istefa verərək sonradan Nümayəndələr Palatası və Senatın üzvü olub.

15
Teqlər:
Pentaqon, ABŞ
Yerevanda etirazlar

Ermənistan dünyanın vecinə deyil - Serj Sarqsyanın səfir kürəkənindən şok sözlər

25
(Yenilənib 18:41 22.01.2021)
“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır” - erməni politoloq.

BAKI, 22 yanvar - Sputnik. “Ölkə erməni xalqının, erməni xalqı hakimiyyətin, Ermənistan isə dünyanın vecinə deyil”.

Sputnik Azərbaycan Report-a istinadla xəbər verir ki, bunu Ermənistanın Vatikandakı sabiq səfiri, keçmiş prezident Serj Sarqsyanın kürəkəni, mühacir diplomat Mikael Minasyan söyləyib.

Qeyd edək ki, son günlər Ermənistanda bu ölkənin ictimaiyyətinə xas olmayan bir sıra bəyanatlar gündəmə gəlib. Məsələn, yanvarın 20-də ölkənin baş naziri Nikol Paşinyan Şuşanın erməni şəhəri olmadığını bildirib. Bu gün isə N.Paşinyanın əqidədaşı, politoloq Levon Şirinyan daha sərt açıqlama verib:

“Erməni üçün başqa ölkənin, xüsusilə Rusiyanın agenti olmaqdansa, türkün iti olmaq daha yaxşıdır”.

25

Yanvarın 25-nə qədər ölkədə ictimai nəqliyyat işləməyəcək

0
(Yenilənib 00:11 23.01.2021)
Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

BAKI, 23 yanvar - Sputnik. Bu gündən yanvarın 25-i saat 06:00-dək bütün ölkə ərazisində ictimai nəqliyyatın fəaliyyəti dayandırılıb.

Sputnik Azərbaycan-ın məlumatına görə, Nazirlər Kabineti yanında Operativ Qərargahın qərarına əsasən, bütün ölkə ərazisində şənbə və bazar günləri ictimai nəqliyyatın fəaliyyəti dayandırılır.

Bununla əlaqədar 23 yanvar saat 00:00-dan 25 yanvar saat 06:00-dək ölkə ərazisində ictimai nəqliyyat fəaliyyət göstərməyəcək.

Qeyd edək ki, Bakı metropolitenində də sərnişindaşıma dayandırılıb.

0