Elektron kitab, arxiv şəkli

Məktəblərdə kağız kitablar dövrü sona çatır, lap az qaldı

508
(Yenilənib 22:06 20.06.2018)
Rusiyanın Maarif Nazirliyi kağız kitablardan tədricən imtina etməyi planlaşdırır

BAKI, 20 iyun — Sputnik. Rusiyanın Maarif Nazirliyi 2020-ci ilin dekabrına qədər orta ümumtəhsil məktəblərində 11 fənn üzrə ənənəvi kağız kitablardan tədricən imtina etməyi planlaşdırır.

Sputnik Azərbaycan Rusiya mediasına istinadla xəbər verir ki, bu barədə "Rəqəmsal məktəb" layihəsinin işçi versiyasında bildirilir.

Təklif olunan layihəyə əsasən, şagirdlərin fərdi rəqəmsal cihazları olacaq. Bundan əlavə, sözügedən cihaz yüngül xəstəliyi olan uşaqların dərsə evdən qatılmasına imkan verəcək.

Layihənin büdcəsi ilkin mərhələdə 507 milyard rubldan artıq olacaq. Layihə 2018-ci ilin martında Elm və Təhsil Nazirliyi tərəfindən hazırlanıb və indi onun təkmilləşdirilməsi məsələsi aktualdır.

Maarif naziri Olqa Vasilyevanın sözlərinə görə, hazırda Nazirlik sənədi Rusiya prezidenti Vladimir Putinin verdiyi yeni may fərmanlarını nəzərə almaqla tamamlamaqdadır.

Sənəddə hansı fənlərlə bağlı dəyişikliklərin olacağı barədə hələlik məlumat verilməyib. Uşaqların hansı yaşdan sonra fərdi rəqəmsal dərs cihazından istifadə edəcəkləri də müəyyənləşməyib.

508
Teqlər:
rəqəmsal cihaz, Maarif Nazirliyi, kağız, ümumtəhsil məktəbləri, imtina, kitab, Rusiya

Çavuşoğlu Qarabağ məsələsini NATO-nun gündəminə gətirdi

5
(Yenilənib 22:33 26.11.2020)
Türkiyənin xarici işlər naziri Mövlud Çavuşoğlu ilə NATO-nun baş katibi Yens Stoltenberq Dağlıq Qarabağ və digər regional münaqişələri müzakirə ediblər.

BAKI, 26 noyabr - Sputnik. Türkiyənin xarici işlər naziri Mövlud Çavuşoğlu və NATO-nun baş katibi Yens Stoltenberq arasında telefon danışığı olub.

Sputnik Azərbaycan Türkiyə mediasına istinadla xəbər verir ki, telefon danışığı zamanı tərəflər regional gündəmin aktual məsələlərini, o cümlədən Dağlıq Qarabağı müzakirə ediblər.

Türkiyə XİN rəhbəri və NATO-nun baş katibi Şərqi Aralıq dənizi, Əfqanıstan və Liviya böhranı barədə də fikir mübadiləsi aparıblar.

Çavuşoğlu Stoltenberqə İrini Hərəkatı çərçivəsində Aralıq dənizindəki Türkiyə ticarət gəmisində axtarış aparılmasının beynəlxalq hüquqa zidd və yolverilməz olduğunu bildirib.

5
Teqlər:
Aralıq dənizi, Liviya, Dağlıq Qarabağ, Türkiyə xarici işlər naziri Mövlud Çavuşoğlu, Mövlud Çavuşoğlu, baş katibi Yens Stoltenberq, Yens Stoltenberq, NATO

Ermənistandakı hərbi bazada Rusiya hərbçisinin cəsədi tapılıb

18
(Yenilənib 21:33 26.11.2020)
Rusiya hərbi bazasının Ermənistandakı Cənub Hərbi Dairəsi üzrə komandanlığının komissiyası hüquq-mühafizə orqanları ilə birlikdə müqavilə əsasında hərbçinin ölümü ilə bağlı araşdırma aparır. H

BAKI, 26 noyabr - Sputnik. Ermənistanın Gümrü şəhərində Rusiyanın 102-ci hərbi bazasının hərbi qulluqçusu ölü tapılıb.

Bu barədə Sputnik Ermənistan-a Cənub Hərbi Dairəsinin mətbuat xidmətindən bildirilib. Ermənistan İstintaq Komitəsinin Şirak Regional İstintaq İdarəsi hazırda hərbçinin ölümü ilə bağlı materialları toplayır.

Bildirilir ki, 36 yaşlı rus hərbçinin həyat əlamətləri olmayan cəsədi onun hərbçi yoldaşları tərəfindən aşkar edilib. Onun üzərində hər hansı zorakılıq əlamətlərinə rast gəlinməyib: 

"Rusiya hərbi bazasının Ermənistandakı Cənub Hərbi Dairəsi üzrə komandanlığının komissiyası hüquq-mühafizə orqanları ilə birlikdə müqavilə əsasında hərbçinin ölümü ilə bağlı araşdırma aparır. Hərbçinin cəsədində zorakılıq əlamətlərinə rast gəlinməyib".

Hazırda hadisənin baş vermə şəraiti və səbəbləri araşdırılır.

Cinayət xəbərləri saytı shamshyan.com-un yazdığına görə, ölən şəxs 36 yaşlı müqaviləli hərbçi A.P.-dir.

18