Silah

Mühafizə xidmətinin əməkdaşı evlilik təklifini rədd edən qızı güllələdi - VİDEO

653
(Yenilənib 16:29 20.06.2018)
O, qızı izləyib və imkan tapan kimi onu boğazından güllələyib

BAKI, 20 iyun — Sputnik. Pakistanda kişi onunla ailə qurmaq istəməyən qadını güllələyib. Sputnik Azərbaycan Rusiya mətbuatına istinadla xəbər verir ki, cinayət şəhərin müşahidə kameralarına düşüb.

Məlumata görə, Abrar adlı kişi nəqliyyat şirkətində mühafizəçi işləyirmiş. O, öz iş yoldaşı, 18 yaşlı qıza evlilik təklif etsə də, rədd cavabı alıb. Bundan sonra kişi qızı izləyib və imkan tapan kimi onu boğaz nahiyəsindən güllələyib. Qadın hadisə yerindəcə dünyasını dəyişib.

Kameranın qeydə aldığı kadrlara görə, Abrar qızı vurmamışdan öncə onun əlindən tutur, nəsə deməyə imkan da tapır. Mühafizəçi hadisə yerindən qaçmağa çalışsa da, hüquq-mühafizə orqanlarının əməkdaşları tərəfindən saxlanılıb. Bildirilir ki, qız atasının ölümündən sonra işləyərək ailəsini dolandırırmış.

Pakistan qanunvericiliyinə görə, ölkədə məcburi nikah qadağandır. Ancaq buna baxmayaraq, çox zaman qızlar məcburən ərə verilir.

653
Teqlər:
güllə, kişi, evlilik, qız, Pakistan
Əlaqədar
Ermənilərin azərbaycanlı qızı güllələdiyi kənddən xəbər var
Ermənilər azərbaycanlı qızı güllələdilər
Bakıda həbsxanada insident: Əsgər əsgəri güllələdi
Bakıda 56 yaşlı kişini güllələdilər
Bakıda gənc qızın güllələnib öldürülməsinin təfərrüatı bəlli oldu
Şarl Mişel, arxiv şəkli

Şarl Mişel İlham Əliyevə zəng vurub: "Narahatıq"

30
(Yenilənib 19:47 30.09.2020)
Avropa İttifaqı Şurasının Prezidenti Şarl Mişel təmas xəttində hərbi əməliyyatların başlamasından narahatlığını ifadə edib və münaqişənin sülh yolu ilə nizamlanmasının zəruri olduğunu bildirib.

BAKI, 30 sentyabr — Sputnik. Sentyabrın 30-da Avropa İttifaqı Şurasının Prezidenti Şarl Mişel Azərbaycan Respublikasının Prezidenti İlham Əliyevə telefonla zəng edib.

Sputnik Azərbaycan Azərbaycan Prezidentinin Mətbuat Xidmətinə istinadla xəbər verir ki, Avropa İttifaqı Şurasının Prezidenti Şarl Mişel təmas xəttində hərbi əməliyyatların başlamasından narahatlığını ifadə edib və münaqişənin sülh yolu ilə nizamlanmasının zəruri olduğunu bildirib.

Dövlətimizin başçısı Ermənistanın Azərbaycana qarşı törətdiyi və bu gün də davam edən növbəti hərbi təxribatı ilə bağlı vəziyyət barədə məlumat verərək qeyd edib ki, sentyabrın 27-də Ermənistan tərəfinin qoşunların təmas xətti boyu yaşayış məntəqələrimizi, hərbi birləşmələrimizin mövqelərini ağır artilleriya qurğularından atəşə tutması nəticəsində 14 mülki şəxsimiz və hərbi qulluqçularımız həlak olublar.

Prezident İlham Əliyev bildirib ki, Azərbaycan Ordusu buna cavab olaraq əks-hücum əməliyyatları həyata keçirir. Azərbaycan Prezidenti qeyd edib ki, Ermənistan rəhbərliyi şüurlu şəkildə danışıqlar prosesini pozur. Belə ki, Ermənistan baş nazirinin "Dağlıq Qarabağ Ermənistandır" bəyanatı danışıqlar prosesinə ciddi zərbə vurub. "Azərbaycan Dağlıq Qarabağla danışıqlar aparmalıdır" bəyanatı isə danışıqlar formatının dəyişdirilməsi cəhdidir ki, bu da qəbuledilməzdir və Minsk qrupunun rəhbərliyi də bunu bildirib.

Dövlətimizin başçısı vurğulayıb ki, Ermənistan Azərbaycanın işğal olunmuş ərazilərinə başqa ölkələrdən xarici vətəndaşların qanunsuz məskunlaşmasını həyata keçirir ki, bu da Cenevrə Konvensiyasına görə beynəlxalq hüququn ciddi pozulmasıdır, hərbi cinayətdir. Prezident İlham Əliyev bildirib ki, Ermənistan baş naziri hələ sentyabrın 27-si hərbi toqquşmalar baş verməzdən əvvəl on minlərlə könüllüdən ibarət hərbi birləşmələrin yaradılması barədə qərar vermişdi. Bu, Ermənistanın növbəti təcavüzə hazırlaşması mənası daşıyırdı.

Dövlətimizin başçısı Ermənistanın hərbi təxribatı ilə bağlı hadisələrin gələcək inkişafına görə məsuliyyətin Ermənistanın siyasi və hərbi rəhbərliyinin üzərinə düşdüyünü bildirib.

30
Almaniya bayrağı Belində parlamentin binası üzərində, arxiv şəkli

Almaniya Türkiyə Rusiyanı Azərbaycan Ermənistana təsir etməyə çağırdı

30
(Yenilənib 19:14 30.09.2020)
Dağlıq Qarabağda münaqişənin dramatik şəkildə gərginləşməsi göstərir ki, dondurulmuş münaqişələri həll edilmiş münaqişələr etmək lazımdır, əks halda, onlar daima gərginləşəcək.

BAKI, 30 sentyabr — Sputnik. Almaniya Ermənistan və Azərbaycan münaqişəsinin uzunmüddətli həlli üçün Rusiya və Türkiyəni Cənubi Qafqazda öz "xüsusi" təsirindən istifadə etməyə çağırır.

Sputnik Azərbaycan RİA Novosti-yə istinadən xəbər verir ki, bunu Almaniya Xarici İşlər Nazirliyinin Dövlət naziri Mixail Rot bildirib.

"Dağlıq Qarabağda münaqişənin dramatik şəkildə gərginləşməsi göstərir ki, dondurulmuş münaqişələri həll edilmiş münaqişələr etmək lazımdır, əks halda, onlar daima gərginləşəcək. Biz Ermənistan və Azərbaycanla, həmçinin region üzrə tərəfdaşlarla sıx əlaqədəyik", - deyə Almaniya Xarici İşlər Nazirliyinin Dövlət naziri bildirib.

O xatırladıb ki, BMT Təhlükəsizlik Şurasının təşəbbüsü ilə döyüşlərə son qoyulması üçün bir qətnamə qəbul edib.

30
Xalq artisti Arif Babayev, arxiv şəkli

Xanəndə Arif Babayevdən üzücü xəbər

0
(Yenilənib 22:58 30.09.2020)
Yaşar Babayev: "Təəssüf ki, atam Azərbaycan Ordusunun uğurlu əməliyyatı nəticəsində bir sıra kəndlərimizin işğaldan azad edilməsi xəbərindən bixəbərdir"

Şahpəri Abbasova, Sputnik Azərbaycan

BAKI, 30 sentyabr — Sputnik. Xalq artisti Arif Babayev bir neçə gün öncə insult keçirib. Xanəndənin səhhəti stabil olaraq qalır. Bu barədə Sputnik Azərbaycan-a Xalq artistinin oğlu Yaşar Babayev məlumat verib: "Arif Babayev hal-hazırda evdədir. Təəssüf ki, atam Azərbaycan Ordusunun uğurlu əməliyyatı nəticəsində bir sıra kəndlərimizin işğaldan azad edilməsi xəbərindən bixəbərdir. Çünki, atam həmin hadisədən 1 gün qabaq xəstələnib. Ona həyəcanlanmaq olmaz, ona görə də bu xəbəri ona verməmişik. Çox sevincliyik, inanırıq ki, atam sağalana qədər torpaqlarımız işğaldan azad olar, biz də ona bu müjdəli xəbəri verərik".

Məlumat üçün bildirək ki, Arif Babayev XX əsrin ikinci yarısından etibarən Qarabağ xanəndəlik məktəbinin görkəmli nümayəndələrindən biri sayılır. Onun yaradıcılığında "Şur", "Seygah" muğam dəstgahları, "Arazbarı", "Qarabağ şikəstəsi" zərbi muğamları xüsusi yer tutur. Xüsusilə, "Seygah" muğamını Arif Babayev təkrarolunmaz bir üslubda oxuyub. Xanəndə həm də təsnif və xalq mahnılarının ifaçısı kimi çox sevilir.

O, müxtəlif illərdə "Azərbaycan SSR Əməkdar artisti", "Azərbaycan SSR Xalq artisti", "Şöhrət" ordeni, "İstiqlal" ordeni, "Qızıl çinar" beynəlxalq mükafatı və "Şərəf" ordeni ilə təltif olunub.

0