F-35 qırıcı təyyarəsi

Türkiyəni ABŞ-la üz-üzə qoyacaq qanun layihəsi qəbul edildi

610
(Yenilənib 16:11 19.06.2018)
F-35 və F-16 qırıcılarının, "Patriot" hava müdafiə sistemlərinin, "Chinook" tipli ağır nəqliyyat vertolyotunun, "AH-1 Kobra", "H-60 Black Hawk" tipli vertolyotların Türkiyəyə satılmasının əngəllənməsinin lazım olduğu bildirilib

BAKI, 19 iyun — Sputnik. ABŞ Müdafiə Nazirliyinə (Pentaqon) 2019-cu il üçün 716 milyard dollar vəsait ayrılmasını nəzərdə tutan qanun layihəsi ABŞ Senatında qəbul edilib.

Sputnik Azərbaycan "Haber7"ə istinadla xəbər verir ki, qanun layihəsində bir sıra vertolyot və təyyarələrin Türkiyəyə satılmasının əngəllənməsinin lazım olduğunu nəzərdə tutan bənd də yer alıb.

Layihənin Türkiyə ilə bağlı hissəsində Ankaranın Rusiyadan S-400 hava müdafiə sistemləri almasının iki ölkə arasındakı təzyiqi yüksəltdiyi və amerikalı keşiş Endryu Brunsonın Türkiyədə həbsdən buraxılmasının lazım olduğu qeyd edilib. Sənəddə Türkiyənin Rusiyadan S-400 almasının ABŞ ilə Türkiyə arasında birgə silah sistemlərini inkişaf etdirməyə mənfi təsir göstərəcəyi irəli sürülüb.

Sözügedən səbəblərdən F-35 və F-16 qırıcılarının, "Patriot" hava müdafiə sistemlərinin, "Chinook" tipli ağır nəqliyyat vertolyotunun, "AH-1 Kobra", "H-60 Black Hawk" tipli vertolyotların Türkiyəyə satılmasının əngəllənməsinin lazım olduğu bildirilib.

Sənəddə qanun layihəsinin qüvvəyə minməsindən sonra 60 gün müddətində müdafiə nazirinin Türkiyə ilə ABŞ arasındakı münasibətlərə dair Konqresin müvafiq komitələrinə hərtərəfli hesabat təqdim etməsi tələb olunub. Bu hesabat təqdim olunmadan ABŞ Konqresi Pentaqonun Türkiyəyə silah satışına razılıq verməyəcək. Söhbət Konqresin təsdiqlməsi məcburi olan silahlardan gedir.

Türkiyənin baş naziri Binəli Yıldırım ABŞ Senatının qərarına sərt reaksiya verib. Silah satışının təxirə salınma qərarına toxunan baş nazir bu qərarın səhv, strateji tərəfdaşlıq ruhuna zidd olduğunu vurğulayıb: "Türkiyə altenativsiz deyil. Bu qərar bizim zəifləməmizə səbəb ola bilməz".

Qeyd edək ki, may ayının sonunda Nümayəndələr Palatasında qəbul edilən büdcə layihəsində də Türkiyə ilə bağlı olaraq S-400 raket əleyhinə müdafiə sistemləri və F-35 döyüş təyyarəsi ilə bağlı oxşar bəndlər yer almışdı.

610
Teqlər:
"F-35" qırıcıları, vertolyot, Senat, qanun layihəsi, Pentaqon, qadağa, Türkiyə
Əlaqədar
Türkiyə və ABŞ arasında "F-35" böhranı
Türkiyə seçim edir: Su-57, yoxsa F-35
İsrail bərk qorxuya düşüb, Türkiyə "F-35"ləri onları narahat edir
Xorvatiya-Şotlandiya matçında oyun məqamı

Xorvatiya millisi şotlandiyalılara qalib gələrək AVRO-2020 pley-off mərhələsinə çıxdı

307
(Yenilənib 01:35 23.06.2021)
Futbol üzrə Xorvatiya yığma komandası Şotlandiya millisi üzərində Avropa çempionatının qrup mərhələsində qələbə çalaraq 1/8 final mərhələsinə yüksəlib.

"D" qrupunun son turunda Qlazqoda keçirilən qarşılaşma 3:1 hesabı ilə xorvatların xeyrinə başa çatıb. Qalib komandanın heyətində qolları Moskvanın MOİK komandasının oyunçusu Nikola Vlaşiç (17-ci dəqiqə), Luka Modriç (62) və İvan Pereşiç (77) vurublar.

Şotlandiyalıların heyətində Kallum Makqreqor rəqib komandanın qapısına yol tapıb (42).

Stadionda oyuna 9896 azarkeş tamaşa edib.

"D" qrupunun digər oyununda Londonda İngiltərə-Çexiya oyunu 1:0 hesabı ilə ingilislərin xeyrinə başa çatıb.

Beləliklə, İngiltərə yığması 7 xalla qrupun lideri olaraq çempionatın 1/8 finalına yüksəlib. Pley-off mərhələsində onun rəqibi "F" qrupunda ikinci yeri tutmuş komanda olacaq.

Xorvatiya millisi 4 xalla öz qrupunda ikinci yerdə qərarlaşıb və 1/8 finalda "E" qrupunda ikinci yeri tutmuş komanda ilə üz-üzə gələcək.

Çexiya millisi son oyunda məğlubiyyətə baxmayaraq qrupda üçüncü yerdən pley-off mərhələsinə adlaya bilib.

Qrupun autsayderi olan Şotlandiya millisi isə üç turda 1 xal toplayaraq turnirdə çıxışlarını başa vurub.

İngiltərə, Xorvatiya və Çexiya komandalarının 1/8 finaldakı rəqibləri çərşənbə günü müəyyən olunacaq.

307
İngiltərə millisinin oyunçuları qola sevinirlər

İngiltərə yığması Çexiya millisi üzərində qələbə qazanıb

269
(Yenilənib 01:31 23.06.2021)
Londondakı oyunda yeganə qolu Cek Qrilişin ötürməsindən sonra ingilislərin hücumçusu Rahim Sterlinq vurub.

Futbol üzrə İngiltərə millisi Avropa çempionatının qrup mərhələsində Çexiya komandasını məğlub edib.

"D" qrupunun üçüncü turunun Londonda keçirilən qarşılaşması 1:0 hesabı ilə ingilislərin xeyrinə başa çatıb. Oyunda yeganə qolu 12-ci dəqiqədə Rahim Sterlinq vurub.

Moskvanın "Spartak" komandasının və Çexiya millisinin yarımmüdafiəçisi Aleks Kral oyunun 64-cü dəqiqəsində meydana çıxıb.

Hər iki yığma komanda turnirin pley-off mərhələsinə vəsiqə alıb.

Bu dördlüyün digər oyununda Xorvatiya millisi Qlazqoda Şotlandiya komandasını məğlub edib.

İngiltərə yığması 7 xal qazanaraq D qrupunda 1-ci yerdən 1/8 finala çıxıb. Pley-offda onun rəqibi F kvartetindən ikinci komanda olacaq. Xorvatiya millisi 4 xalla ikincidir və 1/8 finalda E kvartetinin ikincisi ilə oynayacaq. 

Çexlər 4 xalla üçüncü pillədən pley-offa çıxıblar. 

Şotlandlar üç turdan cəmi 1 xal aldıqlarına görə turnirdəki çıxışlarını dayandırıblar. 

İngiltərə, Xorvatiya və Çexiyanın 1/8 finaldakı rəqibləri çərşənbə günü bəlli olacaq.

269
Enerji içki, arxiv şəkli

Nazirlik enerji içkiləri ilə bağlı qaldırıb

0
İstehlakçılarda həmin məhsulların enerji içkisi olması təəssüratının yaradılması, xassələri və keyfiyyəti barədə düzgün olmayan məlumatların verilməsi əlamətləri müəyyən edilib.

BAKI, 23 iyun — Sputnik. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti enerji içkiləri bazarında haqsız rəqabət hallarının qarşısının alınması məqsədi ilə araşdırmaları davam etdirir. Bu barədə Sputnik Azərbaycan-a qurumdan bildirilib.

Araşdırmaların ilkin nəticələrinə görə, "Avrora" MMC-nin istehsal etdiyi "BİZON energy" markalı spirtsiz içkilərin üzərində "ENERGY" və "CHARGE YOUR POWER" sözlərindən istifadə olunması ilə istehlakçılarda həmin məhsulun enerji içkisi olması təəssüratının yaradılması, xassələri və keyfiyyəti barədə düzgün olmayan məlumatların verilməsi əlamətləri müəyyən edilib. Dövlət Xidməti şirkət barədə antiinhisar qanunvericiliyinin pozulması əlamətləri üzrə iş qaldırıb.

"Enerji içkilərinə dair müvəqqəti sanitariya normaları və qaydaları"na əsasən, alkoqolsuz içkilərin tərkibində insan orqanizminin mərkəzi sinir sistemini stimullaşdırmaq xüsusiyyətinə və antisedativ təsirə malik olan kofein, taurin, qlükoronolakton, amin turşuları, B qrupu vitaminlər və s. kimi maddələrdən və ya bitki ekstraktlarından ən azı ikisi mövcud olduğu təqdirdə, yaxud həmin maddələrdən yalnız kofein olduqda və miqdarı 15 mq/100 ml-dan artıq olarsa, həmin alkoqolsuz içkilər enerji içkisi hesab edilir.

İstehlak bazarında haqsız rəqabət hallarının və istehlakçıların mənafeyinə mənfi təsir göstərə biləcək hərəkətlərin qarşısının alınması istiqamətində tədbirlər davam etdirilir.

Qeyd edək ki, 2020-ci ilin yanvar ayının 1-dən Azərbaycanda "Enerji içkilərinə dair müvəqqəti sanitariya normalari və qaydaları" qüvvəyə minib.

Həmin qaydalara görə, enerji içkilərinin etiketlərində mütləq "enerji içkisi", "tərkibində GMO yoxdur", "Alkoqol ilə qarışdırılaraq və ya birlikdə istifadə edilməməlidir", "18 yaşdan aşağı şəxslərə satışı qadağandır", "Yaşlılara, hamilə və süd verən qadınlara, diabetdən, ürək fəaliyyətinin pozuntusundan, böyrək çatışmazlığından, hipertonik xəstəliklərdən, sinir oyanıqlığından, yuxusuzluqdan əziyyət çəkən şəxslərə, metabolizm problemi olan insanlara istifadəsi tövsiyə olunmur", "Gündəlik olaraq 500 ml-dən çox istifadə olunması tövsiyə edilmir" yazıları qeyd edilməlidir.

0