Qalust Saakyan, Serj Sarqsyan və Manvel Qriqoryan

Ermənistanda "sürünən çevriliş" ya "milli qəhrəman"ın biabırçı sonu

628
Manvel Qriqoryan Ermənistan parlamentinin deputatı, "Yerkrapa" könüllülər ittifaqının sədri, keçmiş iqtidardakı Respublikaçı partiyanın üzvü, müdafiə nazirinin sabiq müavinidir

BAKI, 17 iyun — Sputnik. Ermənistan parlamentinin deputatı, general Manvel Qriqoryan və Don Pipo kimi tanınan kriminal avtoritet Artur Asatryan Ermənistan Milli Təhlükəsizlik Xidməti (MTX) tərəfindən saxlanılıblar. Bu barədə Sputnik Ermənistan xəbər yayıb. 

Məlumata əsasən, həbslər Eçmiədzin şəhərində iki fərqli cinayət işi üzrə keçirilən tədbirlər zamanı həyata keçirilib. Axtarış zamanı əməliyyatçılar böyük miqdarda silah və sursat ələ keçiriblər.

Manvel Qriqoryana gəldikdə söhbət Ermənistan CM-nin 235-ci maddəsinin ikinci hissəsi ilə nəzərdə tutulmuş cinayətdən gedir (bir qrup şəxs tərəfindən öncədən razılaşdırılaraq qeyri-qanuni şəkildə odlu silahın əldə edilməsi və saxlanılması). Qriqoryan parlamentin deputatı olduğu üçün MTX Milli Məclis sədrinə həbsin Ermənistan konstitusiyasının 96-cı maddəsinə (deputat toxunulmazlığı ilə bağlı məsələləri tənzimləyir) uyğun şəkildə həyata keçirildiyi barədə məlumat verib. 

Artur Asatryana (Don Pipo) gəldikdə isə onun saxlanılması elə ona qarşı sui-qəsd cəhdi ilə bağlı açılmış cinayət işi çərçivəsində həyata keçirilib.

"Asatryanın həyatına sui-qəsd təşkil etmək istəyən şəxslərin oğurlanması faktı ilə bağlı açılmış cinayət işi çərçivəsində onun villasında axtarış həyata keçirilib və silah-sursat aşkar edilib", — məlumatda deyilir.

Beləliklə, Artur Asatryan üç nəfəri zorakılıq tətbiq edərək oğurlamaqda və qeyri-qanuni şəkildə silah-sursat əldə edərək saxlamaqda ittiham edilir.

"Bu cinyət işi çərçivəsində Rusiya vətəndaşı olan 4 nəfər də sxlanılıb", — məlumatda bildirili.

Manvel Qriqoryan Ermənistan parlamentinin deputatı, "Yerkrapa" könüllülər ittifaqının sədri, keçmiş iqtidardakı Respublikaçı partiyanın üzvü, müdafiə nazirinin sabiq müavinidir. Ölkədə ən nüfuzlu şəxslərdən sayılır. 2016-cı il aprel döyüşlərinədək Ermənistanda "milli qəhrəman" sayılıb. Lakin aprel döyüşlərində şəxsən iştirtak edən Qriqoryanın uğursuzluqları, eyni zamanda həmin döyüşlərin fonunda I Qarabağ müharibəsi zamanı etdiyi cinayətlərin və fırıldaqçı hərəkətlərin yada salınması onun nüfuzuna xələl gətirib. 

Don Pipo ləqəbli Artur Asatryan isə uzun müddət İtaliyada yaşayıb. Bir neçə gün əvvəl Don Piponun təşkilatçılığı ilə Eçmiədzində keçirilən mitinqdə şəhərin meri və bölgənin hakimi-mütləqi sayılan Karen Qriqoryana qarşı mitinq keçirilib. Maraqlıdır ki, Karen Qriqoryan dünən həbs olunan Manvel Qriqoryanın oğludur. Mitinqdə baş nazir Nikol Paşinyanın şəkilləri və "məxməri inqilab"ın bəzi simvolları qaldırılıb.

Cavab olaraq Nikol Paşinyan bəyan edib ki, kriminal elementlər tərəfindən inqilabın simvollarının istifadə edilməsinə imkan verməyəcək.

628
Əlaqədar
Kreml İlham Əliyevlə Nikol Paşinyanın görüşü ehtimalını dəyərləndirdi
Müdafiə naziri Nikol Paşinyanın cavabını verdi: "Azərbaycan ordusu..."
Vladimir Putin Ermənistan baş nazirini Azərbaycan prezidentinə təqdim edib
Həmsədrlər Ermənistan səfəri barədə bəyanat yaydılar
Əlində gitara olan kişi, arxiv şəkli

Məşhur rok ifaçısı vəfat edib

13
Beş albomun müəllifi olan rok musiqiçisi daha çox "Pamela, Pamela", "Come on home", "Goodbye Bluebird", "She needs love" hitləri ilə tanınıb.

 

BAKI, 7 avqust — Sputnik. 60-70-cı illərin məşhur "Game of love" hitinin ifaçısı, britaniyalı rok musiqiçisi Ueyn Fontana vəfat edib.

74 yaşlı sənətçi İngiltərənin Stokport şəhərindəki xəstəxanalardan birində həyatını itirib.

Məşhur ulduzun ölüm səbəbi hələlik məlum deyil.

O, sözügedən kompozisiyanı ilk dəfə 1965-ci ildə "The Mindbenders" qrupu ilə birlikdə ifa edib.

Beş albomun müəllifi olan rok musiqiçisi daha çox "Pamela, Pamela", "Come on home", "Goodbye Bluebird", "She needs love" hitləri ilə tanınıb.

13
Deyzi Koulmen, arxiv şəkli

"Netflix"in ulduzu intihar etdi

21
Ana: "Düşünürəm ki, mənə onsuz yaşaya biləcəyimi göstərmək istədi. Amma mən bacarmıram. Bütün ağrısını götürmək istərdim".

BAKI, 7 avqust — Sputnik. 23 yaşlı məşhur amerikalı aktrisa və model Deyzi Koulmen intihar edib. Bu barədə ulduzun anası Melinda öz "Facebook" səhifəsində yazıb. Onun sözlərinə görə, qızı ötən gün axşam həyatına son qoyub. Anası bildirib ki, qızı Deyzi 14 yaşındakı təcavüz sarsıntısından hələ də özünə gələ bilmirmiş. O deyib ki, Deyzi Koulmen və rəfiqəsi məktəbdə ikən seksual zorakılığa məruz qalıblar. Hadisədən sonra sosial şəbəkədə ona qarşı qarayaxmalar, ailəsinə qarşı isə təhdidlər yazılmağa başlayıb. Üstəlik, onları təhqir edənlər cəzadan yayına biliblər. Ulduzun anası əlavə edib ki, "Netflix" ulduzu baş verənlərdən heç vaxt qurtula bilməyib: "O, mənim ən yaxşı dostum və gözəl qızım idi. Düşünürəm ki, mənə onsuz yaşaya biləcəyimi göstərmək istədi. Amma mən bacarmıram. Bütün ağrısını götürmək istərdim".

Qeyd edək ki, Koulmen məktəbdə oxuyarkən rəfiqəsi ilə birgə dostlarını ziyarət etdiyi zaman cinsi istismara məruz qalmışdılar. Təcavüzkar keçmiş ABŞ senatoru Metyu Barnettin nəvəsi olub və baş verən hər şey lentə alınıb. O vaxt Koulmen 14 yaşında idi. Bundan sonra Barnett qızı evinə aparıb və eyvanda buraxıb. Deyzinin anasının dediyinə görə, gecə demək olar ki, havanın temperaturu sıfıra bərabər olub. Səhər qızını eyvanda tapanda onun saçları soyuqdan yerə yapışıb. Eyni zamanda bu işi görən yeniyetmələr cəzadan qaçıblar, ittihamlar aradan götürülüb.

Tükürpədici hadisədən sonra, Deyzi Koulmeni sosial şəbəkələrdə təhqir etməyə başlayıblar və ailəsinə təhdidlər gəlib. Deyzinin anası işdən qovulub və müəmmalı şəraitdə evləri yanıb.

2016-cı ildə sözügedən hadisədən bəhs edən "Odri və Deyzi" adlı sənədli film, ABŞ-ın transmilli şirkəti olan "Netflix"-də yayımlanıb.

Bundan sonra Koulmen "Demokratiya indidir" və "Texas - ölüm tələsi" seriallarında çəkilib. O, həm də model və döymə sənətçisi kimi çalışıb.

21
Fövqəladə Hallar Nazirliyi

Fövqəladə Hallar Nazirliyi Hacıqabuldakı yanğınla bağlı məlumat yaydı

0
İlkin məlumata əsasən, Hacıqabul rayonunda çöllük ərazidə qaz xəttində yanğın olması barədə məlumat daxil olub.

BAKI, 7 avqust - Sputnik. Fövqəladə Hallar Nazirliyi Hacıqabulda baş verən yanğınla bağlı məlumat yayıb. 

Bununla bağlı Nazirliyin rəsmi saytında məlumat dərc edilib:

“İlkin məlumata əsasən, Hacıqabul rayonunda çöllük ərazidə qaz xəttində yanğın olması barədə məlumat daxil olub. Nazirliyin Dövlət Yanğından Mühafizə Xidmətinin yanğından mühafizə bölmələri hadisə yerinə cəlb olunub, aidiyyəti qurumlar məlumatlandırılıb.

Əlavə məlumat veriləcək”.

0