Taliban yaraqlıları

Radikal terror təşkilatının lideri öldürüldü

464
(Yenilənib 14:56 15.06.2018)
Molla Fəzlullah ABŞ qırıcılarının Kunar əyalətinə endirdiyi hava zərbələri nəticəsində həlak olub

BAKI, 15 iyun — Sputnik. Əfqanıstan Müdafiə Nazirliyi "Taliban" terror təşkilatının lideri Molla Fəzlullahın öldürüldüyü xəbərini yayıb. Sputnik Azərbaycan xarici mətbuata istinadən xəbər verir ki, o, ABŞ qırıcılarının Kunar əyalətinə endirdiyi hava zərbələri nəticəsində həlak olub. 

Xatırladaq ki, Əfqanıstan prezidenti Əşrəf Qəni iyunun ilk həftəsində "Taliban" ilə hökümət arasında atəşkəs elan edildiyini açıqlamışdı. Qəni atəşkəsin Ramazan ayının sonuna kimi davam edəcəyini qeyd etmişdi.

Qeyd edək ki, "Taliban" (ərəbcə "Tələbələr") — 1994-cü ildə yaranan və 1996-2004-cü illər arasında Əfqanıstanın bütün ərazisini idarə etmiş hərəkatdır. Hərəkat Qəndəhar şəhərindəki mədrəsədə, Şeyx Məhəmməd Omərın başçılığı altında, 30 tələbə ilə birgə yaradılıb.

Molla Fəzlullah. 2008-ci ildə çəkilmiş videodan kadr
© AFP 2020 / STR
Molla Fəzlullah. 2008-ci ildə çəkilmiş videodan kadr

Bəzi mənbələrə görə, təşkilat Pakistan xüsusi xidmət orqanları tərəfindən Türkmənistan ilə ticarət yolunun müdafiəsi üçün yaradılıb. "Taliban"ları digərlərindən zahirən fərqləndirən xüsusiyyət onların qara çalma və ağ paltar geymələridir.

"Taliban"lar qadınların təhsil almasının qadağan olunması tərəfdarları kimi çıxış edirlər. Hücum obyektləri bir çox hallarda qadınların oxudugu qərb yönümlü məktəblərə olur. Təkcə 2008-ci ildə Pakistanın şimal-qərb regionunda talibanlar tərəfindən 150 qadın məktəbi məhv edilib.

464
Teqlər:
Molla Fəzlullah, "Taliban", Əfqanıstan, Pakistan
Əlaqədar
Taliban rejiminin əleyhdarı olan əfqanlar Azərbaycandan sığınacaq istəyib
ABŞ Talibanı danışıqlar masasına çağırdı
İŞİD "Taliban"a qarşı: 30 nəfər həlak oldu
"Taliban"çıları partlatdılar
Doktor, arxiv şəkli

Beş yüzdən çox türk həkim Qarabağa könüllü yollanmaq üçün Konsulluğa müraciət edib

16
(Yenilənib 15:58 31.10.2020)
"Türk həkimlər birliyi" platforması arxa cəbhədə xidmət etmək üçün "Qarabağ üçün könüllü ol" layihəsi çərçivəsində könüllü 504 həkimin müraciətini Azərbaycanın İstanbuldakı Baş konsulu Nərminə Mustafayevaya təqdim edib.

BAKI, 31 oktyabr — Sputnik. Türkiyədən 504 həkimin Dağlıq Qarabağda gedən hərbi əməliyyatlarla əlaqədar arxa cəbhədə könüllü xidmət etmək üçün Azərbaycanın İstanbuldakı Baş Konsulluğuna etdiyi müraciət qəbul olunub.

Sputnik Azərbaycan APA-ya istinadla xəbər verir ki, İstanbuldakı Baş Konsulluq həkimlərin müraciətlərinin Bakıya aidiyyəti qurumlara yönəldildiyini bildirib.

Qeyd edək ki, ötən gün "Türk həkimlər birliyi" platforması arxa cəbhədə xidmət etmək üçün "Qarabağ üçün könüllü ol" layihəsi çərçivəsində könüllü 504 həkimin müraciətini Azərbaycanın İstanbuldakı Baş konsulu Nərminə Mustafayevaya təqdim edib.

16
Gürcüstanda parlament seçkisi

Gürcüstanda parlament seçkiləri: Giorgi Qaxaria "ölkənin demokratik inkişafına" səs verib

5
Baş nazir: "Seçki kampaniyası demokratiyanın bütün tələblərinə cavab verib, bu səbəbdən demokratik dəyərlərə, ədalətə və iqtisadi cəhətdən güclü Qərb yönümlü dövlətə səs verdim".

BAKI, 31 oktyabr — Sputnik. Bu gün Gürcüstanda parlament seçkisi keçirilir. Sputnik Azərbaycan-ın RİA Novosti-yə istinadən yaydığı xəbər görə, səhər saatlarında səsvermədə iştirak edən qonşu ölkənin Baş naziri Giorgi Qaxaria ölkənin demokratik inkişafına səs verdiyini bildirib.

"Seçki kampaniyası demokratiyanın bütün tələblərinə cavab verib, bu səbəbdən demokratik dəyərlərə, ədalətə, iqtisadi cəhətdən güclü Qərb yönümlü dövlətə səs verdim", - deyə o bildirib.

"Bugün dünəndən qat-qat üstün olan Gürcüstana səs verdim və sabah bugünküdən daha yaxşı olacaq. Əlbəttə ki, heç kim keçmişə qayıtmağı xəyal edə bilməz, səsimi ölkənin gələcəyi üçün verdim", - deyə Baş nazir vurğulayıb.

Qeyd edək ki, Gürcüstanda budəfəki parlament seçkisi qarışıq seçki sistemi əsasında keçirilir: 150 yerdən 120-si partiyaların təqdim etdikləri siyahı əsasında, 30-u isə majoritar dairələr tərəfindən seçiləcək. Partiyalar üçün keçid həddi 1%-dir, majoritar namizədlərin səslərin 50%-dən çoxunu qazanması tələb olunur.

Səslərin 40%-dən çoxunu alacaq bir partiya müstəqil olaraq hökuməti qura biləcək.

Xatırladaq ki, Gürcüstanda 48 partiya və iki siyasi blok parlament yerləri uğrunda mübarizə aparır. Əsas rəqiblər hakim "Gürcü Arzusu" partiyası və başında keçmiş Prezident Mixail Saakaşvilinin durduğu birləşmiş müxalifəti təmsil edən Vahid Milli Hərəkatdır.

Azərbaycandan qonşu ölkədə seçkiləri müşahidə edən Milli Məclisin Azərbaycan-Gürcüstan parlamentlərarası işçi qrupunun rəhbəri Arzu Nağıyev jurnalistlərə açıqlamasında bildirib ki, onların olduğu dairələrdə hər hansı insident baş verməyib:

“Pandemiya şəraitinə baxmayaraq, seçici fəallığı müşahidə olunur. Seçki məntəqələrində koronavirus infeksiyasının yayılmaması üçün xüsusi qaydalara ciddi şəkildə əməl olunur”.

A.Nağıyev qeyd edib ki, deputatlığa namizədlər arasında Gürcüstan azərbaycanlılarının da yer alması mühüm əhəmiyyət kəsb edir.

Qrup rəhbəri Milli Məclis və Gürcüstanın yeni seçiləcək parlamenti arasında əməkdaşlığın davam etdiriləcəyini söyləyib: “Azərbaycan-Gürcüstan münasibətləri strateji tərəfdaşlıq xarakteri daşıyır. Parlamentlərarası əlaqələrin gələcəkdə də davam etdirilməsi və gücləndirilməsi nəzərdə tutulub”.

Qeyd edək ki, qonşu ölkədə keçirilən parlament seçkilərini Milli Məclisin 3 üzvü müşahidə edir.

5
Telefon oxuyan adam

Erməni yalanlarına qarşı yeni sayt yaradıldı

0
(Yenilənib 16:58 31.10.2020)
Bu cür halların qarşısını almaq üçün kütləvi şikayətin təmin olunması məqsədilə fake.az internet saytı yaradılıb.

BAKI, 31 oktyabr — Sputnik. Düşmənin saxta informasiya hücumlarının qarşısını almaq üçün sayt yaradılıb. Sputnik Azərbaycan-ın məlumatına görə, azərbaycanlı gənclər tərəfindən düşmənin həqiqətə uyğun olmayan xəbərlərinin qarşısını almaq üçün xüsusi sayt yaradılıb. Döyüşlər başlayan dövürdən əhali arasında inamsızlıq və çaşqınlıq yaratmaq məqsədilə düşmən, internet resurslarında və sosial şəbəkələrdə saxta səhifələr yaradaraq onların üzərindən feyk xəbərlər yayımlayırlar.

Bu cür halların qarşısını almaq üçün kütləvi şikayətin təmin olunması məqsədilə fake.az internet saytı yaradılıb.

Yeni yaradılmış sayta qeydiyyatsız daxil olmaq və şikayət olunan hesabların linkini bazaya əlavə etmək mümkündür. Bundan əlavə bazaya daxil edilmiş linklər vasitəsilə aidiyyəti üzrə "Facebook", "Telegram", "Apple", "Google" və s. şikayət etmək və bazaya daxil edilmiş şikayətlərin səbələri ilə tanış olmaq olar.

Əlavə olaraq, "Telegram" mobil tətbiqində @FakeazBot-dan istifadə edərək şikayət olunan hesabların linkini bazaya daxil etmək mümkündür.

0