Uber

Qadınlar taksidə öpüşdü, qalmaqal qopdu

511
(Yenilənib 04:32 15.06.2018)
Hazırda araşdırma müddətinin aparılması üçün sürücünün lisenziyası dayandırılıb

BAKI, 15 iyun — Sputnik. Nyu-York sakini olan qadınlar “Uber” taksi xidmətinin sürücüsünü ayrı-seçkilikdə ittiham ediblər.

Sputnik Azərbaycan Rusiya mətbuatına istinadla xəbər verir ki, qadınlar avtomobilin arxa oturacağında oturub öpüşdükləri üçün sürücü onları qovub.

Belə ki, 26 yaşlı Aleks Yovin və 24 yaşlı Emma Piçl mayın 9-da Bruklindən dostlarının ad günü mərasimindən qayıdırmışlar. Qadınlar bildiriblər ki, onlar sadəcə bir dəfə öpüşüblər və özlərini pis aparmayıblar. Cütlük qeyd edib ki, öpüşdən bir neçə dəqiqə sonra sürücü avtomobili saxlayıb və qadınlardan avtomobili tərk etməyi tələb edib.

Aleks Yovin və Emma Piç
© Photo : CNBC
Aleks Yovin və Emma Piç

"Biz demək olar ki, bütün yol boyu söhbət etmişik. Anidən bir-birimizə yaxınlaşıb, öpüşmüşük. Biz avtomobildə yanında öpüşən insanların olması narahatlığını başa düşürük. Amma biz elə davranmırdıq" – deyə Yovin qeyd edib.

“Uber”in saytında taksi istifadəçiləri üçün məsləhətlər qeyd olunub. Sərnişinlərin bir-birinə toxunması və seksual hərəkətlər etməsi qadağandır.

Sürücü Əhmər əl Butari 2014-cü ildə “Uber”dən lisenziya alıb. Onun reytinqi 4,67-dir. Sürücü istifadəçilərdən yaxşı xidmətə görə, dəfələrlə təşəkkürlər alıb.

Hazırda araşdırma müddətinin aparılması üçün sürücünün lisenziyası dayandırılıb.

511
Teqlər:
öpüşmə, "Uber", ittiham, taksi, qalmaqal, qadın
Haluk Levent

Müğənni koronavirusa görə işsiz qalanlar üçün xeyriyyə aksiyası keçirəcək

7
(Yenilənib 00:07 03.12.2020)
Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.

BAKI, 3 dekabr — Sputnik. Türkiyəli müğənni Haluk Levent növbəti xeyriyyə işi ilə gündəmə gəlib.

Sputnik Azərbaycan xəbər verir ki, Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.

O, 20 min ailəyə qida paketləri paylayacağını söz verib. Qeyd edək ki, Haluk Levent AHBAP adlı (Anadolu Halk ve Barış Platformu) xeyriyyə təşkilatının lideridir.

Müğənni olmaqla yanaşı, yardıma ehtiyacı olan insanlara kömək kampaniyaları ilə də məşhurdur. O, hətta ötən il Azərbaycanda xərçəng xəstəliyindən əziyyət çəkən Surə Nadirovanın müalicəsi üçün xeyriyyə konserti təşkil etmişdi.

Sənətçi bundan başqa, ötən ay İzmirdə baş verən zəlzələ nəticəsində sahibsiz qalan və yaralanan heyvanlara da yardım edib.

7
At, arxiv şəkli

Tarixi filmdə rol alan aktrisa atdan yıxıldı

14
(Yenilənib 23:29 02.12.2020)
Serialda "Aybike" obrazını canlandıracaq aktrisa, rolu üçün at minməyə və qılınc təlimi almağa başlayıb. Təlimlər zamanı o atdan yıxılıb.

BAKI, 2 dekabr — Sputnik. Tanınmış türk aktrisası Esra Sönmezer "Kutay" adlı tarixi serialda çəkilməyə başlayıb.

Sputnik Azərbaycan Türkiyə mətbuatına istinadən xəbər verir ki, serialda "Aybike" obrazını canlandıracaq aktrisa, rolu üçün at minməyə və qılınc təlimi almağa başlayıb.

Lakin təlimlər zamanı atdan yıxılıb. Aktrisa ağır yaralanmadığı üçün Allaha şükür etdiyini və at minməyin çox çətin olduğunu dilə gətirib.

14
COVID-19 virusundan ölən şəxs

Bu aralar QİÇS-dən ölənlərin sayı kəskin arta bilər

0
(Yenilənib 00:13 03.12.2020)
BMT xəbərdarlıq edib ki, COVID-19 pandemiyası ilə əlaqədar olaraq QİÇS-dən ölənlərin sayı 150 minə qədər artıra bilər.

BAKI, 3 dekabr — Sputnik. BMT-nin QİÇS-lə bağlı ortaq proqramı olan UNAİDS-in hesabatına görə, COVID-19 pandemiyası 2022-ci ilədək, yəni təkcə növbəti ildə 300 minə yaxın yeni QİÇS yoluxmasına, eyni zamanda da 150 minədək QİÇS-dən ölümə səbəb olacaq.

Sputnik Azərbaycan-ın Türkiyə mediasına istinadən xəbərinə görə, yaranacaq vəziyyətin qarşısının alınması, ölümlərin sayının azalması, eləcə də QİÇS-lə mübarizə məsələsində ölkələr yeni hədəflər müəyyənləşdirməlidirlər.

Qeyd edək ki, hazırda dünyada 38 milyon insan QİÇS-lə yaşayır, onlardan 12 milyonu müalicəsini gözləyir. Statistikaya görə, təkcə ötən il 1,7 milyon şəxsdə ilk dəfə olaraq QİÇS aşkarlanıb.

0
Teqlər:
Koronavirus, epidemiya, COVID-19, Respublika QİÇS-lə Mübarizə Mərkəzi, QİÇS virusu, QİÇS, BMT