BAKI, 14 iyun — Sputnik. İki milyon işləyən uşağın olduğu Yəməndə 20 min uşağın husilərin dəstələrində döyüşşü olaraq istifadə edildiyi məlum olub. Sputnik Azərbaycan Türkiyə mətbuatına istinadla xəbər verir ki, Yəmənin rəsmi xəbər agentliyi SABA-nın verdiyi məlumata görə, sosial işlər naziri İbtihac əl-Kamal 3 ildir ki, müharibənin davam etdiyi ölkədə statistiklərə görə 2 milyondan çox uşağın əməyinin istismar edildiyi məlum olub.
O qeyd edib ki, beynəlxalq müqailə və uşaq hüquqlarını qoruma qanunlarına əksinə olaraq 20 min uşağın husilər tərəfindən döyüşdürüldüyü məlum olub.
Husilərin 2 372 məktəbi qismən və ya tamamilə dağıtdığı, 1500 təhsil müəssisəsinin həbsxana və ya hərbi baza olaraq istifadə edildiyi müəyyən edilib. Nazir 4,5 milyondan çox uşağın təhsildən yayındığını bildirib.
