Donald Tramp və Kim Çen In

Donald Tramp Kim Çen Ina göstərdiyi "sirli" videonu yaydı

426
(Yenilənib 12:01 13.06.2018)
Videoda müasir sivilizasiyanın əldə etdiyi nailiyyətlər rəngli kadrlar, Şimali Koreyadan olan görüntülər isə ağ-qara rəngdə əksini tapır

BAKI, 13 iyun — Sputnik. ABŞ prezidenti Donald Tramp "Twitter" səhifəsində Sinqapurda keçirilən sammit zamanı Şimali Koreya lideri Kim Çen Ina göstərdiyi videonu yayımlayıb. Sputnik Azərbaycan xəbər verir ki, videoçarxda Şimali Koreyanın gələcəyi göstərilir.

""Bir imkanın tarixi" adlanan videonu Sinqapurda Kim Çen Ina göstərdim", — deyə Tramp qeyd edib.

Dörd dəqiqədən artıq davam edən videoda müasir sivilizasiyanın əldə etdiyi nailiyyətlər rəngli kadrlarla, Şimali Koreyadan olan görüntülər isə ağ-qara rəngdə əksini tapır.

Mətnarxası səs tarixin gedişini dəyişən və yeni bir şeyi başlamağı bacaran liderlərin olduğunu deyir. Elə bu an kadrda Donald Tramp və Kim Çen In görünür.

Qeyd edək ki, ötən gün Sinqapurda ABŞ prezidenti Donald Tramp və Şimali Koreya lideri Kim Çen In arasında tarixi görüş baş tutub. Liderlərin təkbətək və geniştərkibli formatda keçirilmiş görüşləri, ümumilikdə bir saat yarım davam edib. Görüşdən sonra tərəflər birgə sənəd imzalayıblar.

426
Teqlər:
Kim Çen In, video, Sinqapur, Donald Tramp, Şimali Koreya, ABŞ, prezident
Əlaqədar
Donald Tramp Şimali Koreyaya qarşı sanksiyaları dayandırdı
Şimali Koreya lideri Trampı Pxenyana dəvət etdi
Putin və Trampın görüş yeri məlum oldu