Planetlərin paradı

Yaşamaq üçün 3 planet tapıldı, Yer kürəsinin əkizidirlər

615
(Yenilənib 16:56 10.06.2018)
Hər iki ulduzun səthindəki temperatur Günəşdəki temperaturdan 2 dəfə aşağıdır. Amma onların hər ikisi intensiv radiasiyaya məruz qalır

BAKI, 10 iyun — Sputnik. Kanar Astrofizika Universitetinin və Ovyedo Universitetinin alimləri Yer kürəsinə bənzər 3 planetin olduğu planet sistemini aşkar ediblər.

Sputnik Azərbaycan arXiv.org-a istinadən xəbər verir ki, yeni planetlər K2 missiyası çərçivəsində Kepler kosmik observatoriyasının köməkliyi ilə kəşf edilib. Bu missiya, "qırmızı cırtdanların" ətrafında fırlanan potensial həyat üçün yararlı planetlərin axtarışını nəzərdə tutur.

Tədqiqatçılar iki sistem aşkar ediblər. Birinci sistemdə "qırmızı cırtdan" olan K2-239 planeti var və o, Günəşdən 160 işıq ili məsafəsindədir. Onun ətrafında Yer kürəsi böyüklüyündə 3 qayalıq planet fırlanır. Onların K2-239 ətrafında dövr etmə müddəti 5,2 gündən 10,1 günə qədərdir.

İkinci "qırmızı cırtdan" olan K2-240 ulduzu ətrafında iki planet fırlanır. Onların hər birinin diametri Yer kürəsinin diametrindən 2 dəfə böyükdür.

Hər iki ulduzun səthindəki temperatur Günəşdəki temperaturdan 2 dəfə aşağıdır. Amma onların hər ikisi intensiv radiasiyaya məruz qalır. 

615
Teqlər:
Kepler kosmik observatoriyası, alimlər, Günəş, Yer kürəsi, planet
 Türkiyə sülhməqamlıları, arxiv şəkli

Türkiyə-Rusiya Ortaq Mərkəzinin yaradılmasına dair anlaşma imzalandı

29
(Yenilənib 12:11 01.12.2020)
"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir"

BAKI, 1 dekabr — Sputnik. Türkiyə-Rusiya Ortaq Mərkəzinin yaradılmasına dair texniki detallarla bağlı müzakirələr başa çatıb və tərəflər arasında anlaşma imzalanıb.

Sputnik Azərbaycan xəbər verir ki, bu barədə məlumat Türkiyənin Milli Müdafiə Nazirliyinin rəsmi saytında yerləşdirilib.

"Türkiyə-Rusiya Ortaq Mərkəzinin yaradılması və vəzifə əsaslarına dair texniki detallarla bağlı danışıqlar tamamlanaraq razılaşma imzalanıb. Mərkəzin ən qısa zamanda fəaliyyətə başlaması üçün lazımi işlər gedir", - deyə məlumatda qeyd olunub.

Həmçinin qeyd olunur ki, noyabrın 11-də Türkiyənin Milli Müdafiə naziri Hulusi Akarla rusiyalı həmkarı Sergey Şoyqu Azərbaycan və Ermənistan arasında atəşkəsi müşahidə etmək və nəzarət üçün video konfrans formatında anlaşma memorandumu imzalayıb.

29
Teqlər:
anlaşma, Rusiya, Türkiyə, Qarabağ
Neft buruğu, arxiv şəkli

Azərbaycan nefti ucuzlaşıb

4
Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

 

BAKI, 1 dekabr — Sputnik. Azərbaycan neftinin qiyməti ucuzlaşıb.

Sputnik Azərbaycan xəbər verir ki, "Azeri Light" markalı neftin bir barelinin qiyməti 0,68 dollar ucuzlaşaraq 48,05 dollar təşkil edib.

“Brent” markalı neftin bir barelinin qiyməti 0,59 dollar geriləyərək 47,59 dollar, “Light” markalı neftin bir barelinin qiyməti isə 0,28 dollar ucuzlaşaraq 45,06 dollar olub.

Qeyd edək ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

4
Teqlər:
barel, birja, qiymət, neft
Qərənfil

Rusiyada Dövlət Təsviri İncəsənət Muzeyinin prezidenti vəfat edib

0
(Yenilənib 13:10 01.12.2020)
İrina Antonova RSFSR və Rusiyanın nüfuzlu sənət mükafatları ilə təltif edilib. Ömrünün böyük hissəsi A.S.Puşkin adına Dövlət Təsviri İncəsənət Muzeyinə bağlı olub

BAKI, 1 dekabr — Sputnik. Rusiyanın Əməkdar İncəsənət Xadimi, akademik, A.S.Puşkin adına Dövlət Təsviri İncəsənət Muzeyinin Prezidenti İrina Antonova vəfat edib.

Sputnik Azərbaycan xəbər verir ki, 100 yaşlı görkəmli sənətşünasın vəfat xəbərini, Muzeyin direktoru Marina Loşak yayıb.

İrina Antonova RSFSR və Rusiyanın nüfuzlu sənət mükafatları ilə təltif edilib. Ömrünün böyük hissəsi A.S.Puşkin adına Dövlət Təsviri İncəsənət Muzeyinə bağlı olub. 2013-cü ildə Rusiya Dövlət Muzeylərinin baş kuratoru vəzifəsinə təyin edilib. Elə həmin ildən Puşkin Muzeyinin direktoru vəzifəsindən azad edilib və onun üçün təsis edilən Puşkin adına Dövlət Təsviri İncəsənət Muzeyinin Prezidenti vəzifəsini icra etməyə başlayıb.

Mərhum akademik çox sayda orden, medal və mükafatlarla təltif olunub.

0
Teqlər:
Prezident, Rusiya, muzey, təsviri incəsənət, Vəfat