Marixuana paketi

Şagirdlərə “xoş xəbər” verildi, marixuanadan istifadə edə biləcəklər

203
(Yenilənib 23:44 09.06.2018)
Amma məktəblilər özləri marixuananı təhsil ocağına gətirə və ya özləri ilə məktəb avtobusunda apara bilməzlər

BAKI, 9 iyun — Sputnik. ABŞ Kolorado ştatında məktəblərdə çalışan tibb bacılarına valideynlərin yazılı icazəsi olduğu təqdirdə şagirdlərə tibbi marixuana verməyə icazə verilib. Bu barədə Sputnik Azərbaycan The Denver Post-a istinadən xəbər verir.

Yeni qaydalara əsasən, şagirdlərin qanuni nümayəndələri məktəbin tibb məntəqəsinə narkotik preparatlar gətirə bilərlər. Bu preparatlar lazım olduqda uşaqlara veriləcək.

Marixuana qapalı qutularda saxlanılacaq və yalnız həkimin təyinatı ilə uşaqlara veriləcək.

Məktəblilər özləri marixuananı təhsil ocağına gətirə və ya özləri ilə məktəb avtobusunda apara bilməzlər.

203
Teqlər:
həkim, tibbi məqsəd, marixuana, məktəbli, ABŞ
Türkiyədə təcili tibbi yardım maşını, arxiv şəkli

Koronavirus Cem Yılmazın filmlərinin məşhur xarakterinin həyatına son qoyub

6
(Yenilənib 20:39 28.11.2020)
COVID-19 virusundan müalicə alan teatr və kino aktyoru xəstəxanada vəfat edib. Bu barədə aktyor Can Yılmaz özünün "Twitter" hesabında məlumat verib.

BAKI, 28 noyabr — Sputnik. Tanınmış teatr və kino aktyoru Muhittin Korkmaz vəfat edib.

Sputnik Azərbaycan xəbər verir ki, bu barədə aktyor Can Yılmaz özünün "Twitter" hesabında məlumat verib. Teatr və kino aktyoru COVID-19 virusuna görə xəstəxanada müalicə alırmış.

Qeyd edək ki, Muhittin Korkmaz "G.O.R.A", "A.R.O.G", "Yahşi batı", "Pek yakında", "Arif", "216" kimi məşhur filmlərdə rol alıb. Aktyor 2002-ci ildə Cem Yılmazın çəkdiyi reklamlarda Huluti xarakterini canlandırıb. Aktyorun "Komutan Logar, bir cisim yaklaşıyor efendim!" replikası uzun illər insanların dilində əzbər olmuşdu.

6
Teqlər:
Koronavirus, epidemiya, COVID-19, aktyor, Türkiyə, Cem Yılmaz
PKK yaraqlıları, arxiv şəkli

PKK-nın qadın lideri Ermənistan tərəfdən döyüşdüklərini etiraf edib

16
PKK/KCK terror birliyinin qadın təşkilatının başçılarından biri terrorçuların Ermənistan tərəfindən Azərbaycana qarşı döyüşlərdə iştirakını təsdiqləyib.

BAKI, 28 noyabr - Sputnik. PKK terrorçularının Ermənistan tərəfindən Azərbaycana qarşı döyüşmələri barədə daha bir fakt ortaya çıxıb.

Anadolu Agentliyinin təhlükəsizlik qurumlarına istinadla yaydığı məlumatda bildirilir ki, PKK/KCK terror birliyinin qadın təşkilatının başçılarından biri olan Layika Gültəkin bu barədə təmsil olunduğu cinayətkar dəstənin informasiya mənbələrinə açıqlamasında bildirib. Terrorçu qadın deyib:

“Qarabağa qədər gedib erməni əsgərlərlə birlikdə döyüşürük. Ermənistan xalqının istədiyi hər zaman yanlarında oluruq”.

Beləliklə, PKK terrorçularının Ermənistan tərəfindən Azərbaycana qarşı döyüşmələri bir daha təsdiqini tapıb. Əslində Ermənistan tərəfinin İraqın şimalındakı PKK terrorçularından yardım istəməsi ilə bağlı dəfələrlə informasiyalar yayılıb. Hazırda Türkiyənin apardığı sistemli antiterror əməliyyatları nəticəsində çox sayda canlı qüvvə itirməsinə baxmayaraq, PKK Ermənistanın yardım istəyinə cavab verib.

Qeyd edək ki, Ermənistan tərəfi otuz ilə yaxın zaman kəsiyində işğal altında saxladığı Azərbaycan torpaqlarında bir çox qanunsuz fəaliyyət həyata keçirib. Onlardan biri də həmin ərazilərə nəzarət etdiyi dövrdə işğal altındakı torpaqlarda terror düşərgələrinin və təlim mərkəzlərinin qurulması olub.

16
Teqlər:
PKK terrorçuları, terrorçular, Azərbaycan, Ermənistan, PKK