BAKI, 9 iyun — Sputnik. Rusiya prezidenti Vladimir Putin və ABŞ prezidenti Donald Tramp Vyanada görüşməyə hazırlaşırlar. Sputnik Azərbaycan xəbər verir ki, bunu Rusiya prezidentinin mətbuat katibi Dmitri Peskov deyib.
Peskov bildirib ki, prezidentlər son telefon danışığı zamanı belə bir görüşün vacibliyini müzakirə ediblər: “Onların görüş yeri Vyana ola bilər”.
Bununla yanaşı, o, qeyd edib ki, görüş yeri kimi başqa şəhərlər də nəzərdən keçirilir.
Qeyd edək ki, bundan əvvəl Putin və Trampın mümkün görüşü ilə bağlı The Wall Street Journal xəbər verib. İddiaya görə, görüş bu yay baş tuta bilər.
Liderlər arasında ilk görüş təxminən bir il əvvəl – 2017-ci il iyulun 7-də olub.
