BAKI, 9 iyun — Sputnik. Ermənistan Azərbaycanın Avrasiya İqtisadi İttifaqına (Aİİ) üzv olmasına qarşı olacaq. Sputnik Azərbaycan xəbər verir ki, bunu Ermənistan xarici işlər naziri Zöhrab Mnatsakanyan bildirib.
"Bu gün Azərbaycan Ermənistanı blok edən ölkədir. Ermənistan və bütün dünyada ermənilərə qarşı istifadə olunan terminoloji sözlərə baxın. Avrasiya İqtisadi İttifaqı əməkdaşlıq təşkilatıdır. Siz bizdən nə gözləyirsiniz", — deyə Mnatsakanyan qeyd edib.
Jurnalistin bunun Ermənistanın Azərbaycanın Avrasiya İqtisadi İttifaqına (Aİİ) üzvlüyünə qarşı olması anlamına gəlirmi sualını XİN rəhbəri belə cavablandırıb: "Siz Ermənistanın mövqeyini açıqladınız".
