BAKI, 7 iyun — Sputnik. Ermənistanın baş naziri Nikol Paşinyan il ərzində istefa verəcəyəni bildirib. Sputnik Ermənistan xəbər verir ki, bunu baş nazir parlamentdə jurnalistlərə açıqlamasında bildirib.
Onun sözlərinə görə, bu növbədənkənar parlament seçkilərinin keçirilməsi üçün yeganə yoldur.
Mövcud qanunvericiliyə görə, əgər parlament hökumətin proqramını dəstəkləsə, onda o buraxılmayacaq, növbədənkənar seçkilərin keçirilməsi mümkünsüz olacaq.
Qanunvericiliyə əsasən, növbədənkənar seçkilərin keçirilməsi üçün yeganə yol istefa, yaxud parlamentin baş nazirə etimad göstərməməsidir. Lakin sonuncu variant da Paşinyanın hakimiyyətə gəlməsindən, yəni 8 may 2019-cu ildən tez baş tuta bilməz.
