Ermənistanda etirazlar

Ermənistanda etiraz aksiyaları gözlənilməz məcraya yönəldi - VİDEO

613
(Yenilənib 11:53 07.06.2018)
Bu dəfə etirazların hədəfinə kilsə gəldi

BAKI, 7 iyun — Sputnik. Yerevanda Bütün ermənilərin katolikosu II Qareginin iqamətgahının qarşısında etiraz yürüşü keçirilib. Sputnik Ermənistan xəbər verir ki, etirazçılar II Qareginin Ali patriarx və Bütün ermənilərin katolikosu titulundan imtina etməsini tələb ediblər. Aksiya iştirakçıları arasında din xadimləri də olub.

"Bütün ermənilərin katolikosu adından etirazçılara Eçməzdin kilsəsini ziyarət etmək və II Qareginlə görüşmək üçün dəvət verilib. Etiraz yürüşlərinin iştirakçılarının katolikosun özünə şikayətlərini çatdırmaq və suallarını vermək imkanları olacaq", — deyə erməni kilsəsinin rəsmi nümayəndəsi Vaqram Melkinyan bildirib.

Yürüş iştirakçıları isə katolikosla görüşün açıq formatda təşkil olunacağını bildiriblər.

Qeyd edək ki, II Qaregin 1999-cu ildə Ali Dini Şura tərəfindən Bütün ermənilərin katolikosu və Ali patriarx seçilib.

613
Teqlər:
Ali patriarx, Bütün ermənilərin katolikosu, II Qaregin, Yerevan, etiraz, aksiya
Əlaqədar
Prezident: "Ümid edirəm ki, Ermənistanın yeni rəhbərliyi əvvəlki səhvləri təkrarlamayacaq"
Həmsədrlərin Ermənistana səfər edəcəyi tarix bəlli oldu
Qarabağ erməniləri yenidən ayağa qalxdılar: “Belə həyatdan bezmişik”
 Jozep Borrell, arxiv şəkli

Cozep Borrell: Azərbaycan-Ermənistan sərhədindəki vəziyyəti yaxından izləyir

175
(Yenilənib 22:41 14.05.2021)
Avropa İttifaqının Ali Nümayəndəsi Azərbaycan-Ermənistan sərhəddindəki vəziyyətlə bağlı bəyanat yayıb.

BAKI, 14 may - Sputnik. Avropa İttifaqının (Aİ) Xarici siyasət və Təhlükəsizlik məsələləri üzrə Ali Nümayəndəsi Cozep Borrell Azərbaycan-Ermənistan sərhəddindəki vəziyyətlə əlaqədar bəyanat yayıb.

APA-nın xəbərinə görə, bəyanatda qeyd olunub ki, Aİ Azərbaycan-Ermənistan sərhədindəki son vəziyyəti yaxından izləyir.

"Mənim adımdan Avropa Xarici Fəaliyyət Xidmətinin Baş katibi Stefano Sannino mayın 13-də Ermənistan xarici işlər naziri Ara Ayvazyan, mayın 14-də isə Azərbaycan xarici işlər naziri Ceyhun Bayramovla əlaqə saxlayaraq, hər iki tərəfi son dərəcə təmkinli olmağa və vəziyyəti gərginləşdirməməyə çağırıb. Aİ-nin Cənubi Qafqaz üzrə Xüsusi Nümayəndəsi Toivo Klaar ATƏT Sədrliyi ilə əlaqə saxlayıb", bəyanatda qeyd olunub.

Aİ-nin Ali Nümayəndəsi bildirib ki, sərhədin delimitasiyası və demarkasiyası yerli əhalinin təhlükəsizliyi naminə danışıqlar yolu ilə həll olunmalıdır: "Biz iki tərəf arasında texniki səviyyədə davam edən təmasları alqışlayırıq. Aİ münaqişənin hərtərəfli həllini dəstəkləyir və hər iki ölkəni regiondakı sabitliyi qoruyaraq sülh yolu ilə həlli tapmağa təşviq edir".

175
UEFA loqosu, arxiv şəkli

İstanbul bir itkinin əvəzini iki qazancla çıxacaq - UEFA-dan möhtəşəm qərar

436
İstanbulun iki böyük tədbirə ev sahibliyi etmək barədə qərarların, UEFA İcraiyyə Komitəsinin həyata keçirəcəyi ilk toplantıdan sonra ictimaiyyətə elan edilməsi gözlənilir.

BAKI, 14 may — Sputnik. 2023-cü ildə İstanbul UEFA Çempionlar Liqasının finalına ev sahibliyi edəcək.

Sputnik Azərbaycan bu barədə Anadolu Agentliyinə istinadən məlumat verir.

UEFA-nın 2021-ci il Çempionlar Liqası finalını İstanbuldan Portuqaliyanın Porto şəhərinə keçirmə qərarından sonra Türkiyə Futbol Federasiyası (TFF) ilə UEFA arasında keçirilən müzakirələrdə İstanbulun 2023-cü ildə oynanılacaq Çempionlar Liqası finalina ev sahibliyi edəcəyi qərarına gəlindiyi məlum olub.

Üstəlik bu ilin avqustunda oynanılacaq UEFA Superkuboku uğrunda görüşün də İstanbulda keçirilməsi barədə də razılıq əldə edildiyi bildirilir.

İstanbulun iki böyük tədbirə ev sahibliyi etmək barədə qərarların, UEFA İcraiyyə Komitəsinin həyata keçirəcəyi ilk toplantıdan sonra ictimaiyyətə elan edilməsi gözlənilir.

Xatırladaq ki, UEFA  dünən mayın 29-da İstanandabulda keçirilməsi planlaşdırılan Çempionlar Liqası finalının Portuqaliyaya keçirildiyini bildirib. Səbəb finalda iki ingilis klubunun oynamasıdır. Böyük Britaniya hökumətinin qərarına əsasən, bu ölkənin vətəndaşlarının Türkiyəyə getmək məsələsində ciddi məhdudiyyətlər mövcuddur və o səbəbdən britaniyalı oyunçular İstanbula gələ bilməyəcəklər. Beləliklə, İngiltərənin "Mançester Siti" və "Çelsi" komandaları arasında final oyunu Portuqaliyanın Porto şəhərində keçiriləcək.

436
Kosmos, arxiv şəkli

Alimlər Kainatın genişlənməsi haqqında yeni məlumatlar əldə ediblər

0
Alimlər hələ ki Kainatın genişlənmə sürətinin dəyişməsinə nəyin səbəb olduğunu bilmirlər. Ola bilsin ki, bunu izah etmək üçün kosmik miqyasda işləyən yeni fizika və ya onun modifikasiya olunmuş versiyanı yaratmaq lazım gələcək.

BAKI, 14 may - Sputnik. Astronomlar ifrat yeni ulduzların alışmasına dair kataloqdakı informasiyanı analiz ediblər və belə nəticəyə gəliblər ki, müşahidələrin məlumatları Kainatın dəyişən sürətlə genişlənməsi modelinə daha çox uyğundur. Tədqiqatın nəticələri ilə bağlı məqalə “Astrophysical Journal” nəşrində dərc edilməsi üçün hazırlanıb və “arXiv.org” preprint serverində yerləşdirilib.

Kainatın genişlənməsi sürəti kosmologiyanın vacib parametrlərindən biridir. Astrofiziklər adətən Habbl sabitindən çıxış edirlər. Lakin alimlər Kainatın genişlənməsi sürətini onun tarixinin müxtəlif dövrlərində müqayisə etməyə başlayanda müşahidələr nəzəri modellərlə tez-tez ziddiyyət təşkil edir.

AZƏRTAC bildirir ki, bu problemi həll etmək üçün Yaponiya Milli Astronomiya Rəsədxanasından və SOKENDAI perspektiv tədqiqatlar universitetindən Maria Ciovanna Dainottinin rəhbərliyi ilə Yaponiya və İtaliya alimləri Kainat tarixinin müxtəlif vaxtlarında partlamış 1048 yeni ulduzun kataloqunu analiz ediblər. Tədqiqatçılar bu məlumatlar əsasında rəqəmsal model qurublar. Onu düzgün təsvir etmək üçün müəlliflər zamandan asılı yeni dəyişən təqdim etməli olublar ki, Habbl sabiti zamanla dəyişəcəyi təqdirdə, onun qarşısını almaq mümkün olsun.

Müşahidələrdə sistematik səhv ehtimalını istisna etmək üçün tədqiqatçılar nəticələrini Havayda Mauna-Kea rəsədxanasında Yaponiya Milli Astronomiya Rəsədxanasının “Subaru” teleskopunda quraşdırılmış “Hyper Suprime-Cam” alətinin köməyilə ayrıca yoxlayıblar.

İfrat geniş görmə sahəsi olan bu 900-meqapiksel kamera ən böyük sahədə zəif yeni ulduzların müşahidəsi üçün nəzərdə tutulur. Tədqiqatçılar onun köməyilə erkən Kainatda müşahidə edilən ifrat yeni ulduzlar seçimini böyütməyə və məlumatlarda qeyri-müəyyənliyi azaltmağa nail olublar.

Alimlər hələ ki Kainatın genişlənmə sürətinin dəyişməsinə nəyin səbəb olduğunu bilmirlər. Ola bilsin ki, bunu izah etmək üçün kosmik miqyasda işləyən yeni fizika və ya onun modifikasiya olunmuş versiyanı yaratmaq lazım gələcək.

Tədqiqatçılar nəticələrini “Subaru” teleskopundan və digər rəsədxanalardan əldə olunmuş əlavə və ya daha keyfiyyətli məlumatların köməyilə təsdiq etmək məqsədilə müşahidələrini davam etdirməyi planlaşdırırlar.

0