İt

İnanılmazdır: İtlər bəşəriyyət üçün təhlükə mənbəyinə çevrildi

142
(Yenilənib 23:29 06.06.2018)
İtlər bu zamana qədər bir neçə qrip növünün daşıyıcısı sayılıb ki, onlar da insan üçün təhlükəli olmayıb

BAKI, 7 iyun — Sputnik. İtlər qrip virusunun təbii mənbəyi ola bilər.

Sputnik Azərbaycan Rusiya mətbuatına istinadla xəbər verir ki, ABŞ-ın Maunt Sinay tibb məktəbinin tədqiqatçıları ciddi araşdırmalardan sonra bu qərara gəliblər.

Bir çox hallarda qlobal qrip epidemiyasının yayılmasında donuzlar böyük rol oynayıblar. 2009-cu ildə məlum olub ki, donuzlarda olan virusların geni quşlarda olan virusların geni ilə dəyişib və sonra insanlara keçib. İtlər isə bu zamana qədər bir neçə qrip növünün daşıyıcısı sayılıb ki, onlar da insan üçün təhlükəli olmayıb.

İndi isə vəziyyət kökündən dəyişib. Alimlər Cənubi Çində ev itlərində 16 qrip virusunun genomunu müəyyən ediblər. Onların arasında üç növ təhlükəli qrip bakteriyası da var. Alimlərin fikrincə, itlərdə bu üç növ infeksiyanın yaranması, 2009-cu ildə  təhlükəli “donuz qripi”nin yayılmamasından öncə donuzlarda baş verən prosesi xatırladır.

Ekspertlər hesab edir ki, itlərdə qripin yayılmasının qarşısının alınması üçün tədbirlər görülməlidir. Çünki hər ötən il insan üçün daha təhlükəli qrip virusunun genetik kombinasiyasının yaranması riski artır.

142
Teqlər:
təhlükə, virus, qrip, İt
Председатель общественного объединения «Борчалы» Залимхан Мамедли

Siyasi şərhçi: “Gürcüstanda köhnə demokratik idarəetməyə tələbat özünü büruzə verir”

5
(Yenilənib 08:29 30.10.2020)
“Borçalı” Cəmiyyətinin sədri, siyasi şərhçi Zəlimxan Məmmədli deyir ki, Gürcüstanda mövcud hakimiyyətə siyasi oriyentasiya baxımından şübhəli yanaşılır
Zəlimxan Məmmədli: “Çoxluğun müxalifətə tərəfdar olacağını düşünürəm”

Oktyabrın 31-də Gürcüstanda parlament seçkiləri keçiriləcək.

“Borçalı” Cəmiyyətinin sədri, siyasi şərhçi Zəlimxan Məmmədli Sputnik Azərbaycan-a deyir ki, hazırki İvanaşvili komandası hakimiyyətə maksimalist şüarlarla gəlib:

“Gürcüstanda mövcud hakimiyyətə siyasi oriyentasiya baxımından şübhəli yanaşılır. Hazırda Gürcüstanda ciddi proseslər gedir. Gürcüstanda köhnə demokratik idarəetməyə tələbat özünü büruzə verir. O baxımdan çoxluğun müxalifətə tərəfdar olacağını düşünürəm. “Vahid Milli Hərəkat” və “Avropalı Gürcüstan”ın qələbə qazanacağını düşünmək olar. Normal demokratik seçkilərin keçirilməsi mövcud hakimiyyətin yeni komanda formalaşdırmasına mane ola bilər”.

Zəlimxan Məmmədlinin geniş şərhinə audiofaylda qulaq asa bilərsiniz

5
Sinə medalı, arxiv şəkli

Rusiya Rixard Zorgenin Yaponiyadakı məzarının hüquqi sahibi oldu

11
(Yenilənib 08:33 30.10.2020)
Yaponiyada bu qəbirlə bağlı bütün hüquqların Rusiya səfirliyinə ötürülməsi ilə bağlı vəsiyyətnamə hazırlanıb.

BAKI, 30 oktyabr — Sputnik. Rusiya səfirliyi Sovet kəşfiyyat zabiti Rixard Zorgenin Yaponiyadakı məzarı ilə bağlı bütün hüquqları əldə edib. Sputnik Azərbaycan-ın RİA Novosti-yə istinadən yaydığı xəbərə görə, bu barədə Tokiodakı Rusiya hərbi attaşesi Sergey Şaşkov məlumat verib.

Tokio şəhəri yaxınlığındakı Tama qəbiristanlığında Zorgenin anadan olmasının 125 illiyinə həsr olunmuş mərasimdə çıxış edən S.Şaşkov bildirib ki, məzara qulluq edən kəşfiyyat zabitinin xanımı Hanako İsii 2018-ci ildə vəfat edəndən sonra məzarla bağlı bütün hüquqlar onun qardaşı qızına keçib. Daha sonra Hanako İsiinin varisləri bu qəbirlə bağlı bütün hüquqların Rusiyanın Yaponiyadakı səfirliyinə ötürülməsi barədə vəsiyyətnamə hazırlayıblar.

Qeyd edək ki, mərasimdə Azərbaycan, Qazaxıstan, Belarus, Qırğızıstan, Tacikistan, Türkmənistan və Özbəkistanın Yaponiyadakı səfirləri də iştirak ediblər.

Xatırladaq ki, Bakıda doğulan əfsanəvi kəşfiyyatçı Rixard Zorge Yaponiyada fəaliyyət göstərmiş sovet zabitidir. O, nasist Almaniyasının SSRİ-yə hücumunun dəqiq tarixini əldə etməyə nail olmuşdu. 1941-ci ilin sentyabrında isə Yaponiyanın Almaniya tərəfində müharibəyə girməyəcəyi haqqında məlumatı SSRİ-yə ötürmüşdü. Bu məlumat sayəsində 1941-ci ilin payızında Sibir diviziyaları Moskvanın müdafiəsinə yönləndirilmişdi.

R.Zorge ölümündən sonra, 1964-cü ildə Sovet İttifaqı Qəhrəmanı adına layiq görülüb.

11
Герб Министерства Обороны Азербайджанской Республики

Müdafiə Nazirliyi: Ermənistan ordusunun polkovniki məhv edildi

0
Azərbaycan Müdafiə Nazirliyi: “Hərbi cinayət törətmiş növbəti yüksək vəzifəli erməni hərbçisi məhv edilib”

BAKI, 30 oktyabr — Sputnik. Azərbaycan Ordusu tərəfindən düşmənə qarşı görülən tədbirlər davam etdirilir. Bu barədə Sputnik Azərbaycan-a Müdafiə Nazirliyindən məlumat verilib.

Oktyabrın 29-da gün ərzində cəbhənin bir neçə istiqamətdə düşmənin hücum etmək cəhdinin qarşısı qətiyyətlə alınıb. Döyüş texnikası və canlı qüvvə sarıdan xeyli sayda itki verən düşmən geri çəkilməyə məcbur edilib.

Görülən cavab tədbirləri nəticəsində hərbi cinayət törətmiş növbəti yüksək vəzifəli erməni hərbçisi məhv edilib. Belə ki, Ermənistan silahlı qüvvələrinin 18-ci motoatıcı diviziyasının müdafiə zolağında avtomobil kolonunun atəşə tutulması nəticəsində 1-ci ümumqoşun ordusu komandanının silahlanma üzrə müavini polkovnik Viktor Arustamyan məhv edilib.

0
Mövzu:
Azərbaycan və Ermənistan arasında müharibə