Çavuşoğlu və Pompeo

ABŞ-la Türkiyə arasında kritik razılaşma - Ankaranın arzusu reallaşır

1413
İki ölkə üç mərhələdən ibarət plan üzrə anlaşıb, texniki razılaşma imzalanacaq

BAKI, 4 iyun — Sputnik. ABŞ-ın dövlət katibi Mayk Pompeo Vaşinqtonda bu gün Türkiyənin xarici işlər naziri Mövlud Çavuşoğlu ilə görüşəcək. Sputnik Azərbaycan "Anadolu" agentliyinə istinadən xəbər verir ki, görüş zamanı əsas müzakirə olunacaq məsələ Suriyanın Menbiç şəhəri üzrə yol xəritəsinin razılaşdırılması olacaq.

Türkiyə XİN-in yaydığı məlumatda qeyd olunur ki, görüşdə əsas müzakirə olunacaq məsələ Suriya olsa da, tərəflər, həmçinin ikitərəfli əlaqələri, qarşılıqlı əhəmiyyət kəsb edən regional və beynəlxalq məsələləri müzakirə edəcək.

Qeyd edək ki, Türkiyə KİV-nin yaydığı məlumata görə, bu görüş zamanı ABŞ-la Türkiyə arasında terrorçu PKK/YPG-PYD qruplaşmasının işğal etdiyi Fərat çayının qərbindən, Suriyanın Menbiç bölgəsindən çıxmasına dair texniki razılaşma imzalanacaq.

Ümumilikdə razılaşma üç mərhələdən ibarətdir. Birinci mərhələdə, iyunun 4-də tərəflər razılaşma sənədi imzalanan vaxtdan başlayaraq 30 gün müddətində PKK/YPG-PYD terrorçuları Menbiçi tərk edəcək. İkinci mərhələdə 4 iyun razılaşmasından sonra, 45-ci günün sonunda Türkiyə və ABŞ hərbçiləri, kəşfiyyatçılar həmin ərazini araşdırmağa başlayacaq.

Üçüncü mərhələdə isə, iyunun 4-dən sonrakı 60 gün ərzində Menbiçdə yerli sakinlərdən ibarət idarəetmə orqanı formalaşdırılacaq.

1413
Teqlər:
dövlət katibi Mayk Pompeo, xarici işlər naziri Mövlud Çavuşoğlu, razılaşma, Suriya, Vaşinqton, Türkiyə, ABŞ, görüş, terrorçu
Əlaqədar
Türkiyədən ABŞ-a xəbərdarlıq: "Onları müdafiə edəcəyik"
ABŞ Rusiyaya görə Türkiyəyə xəbərdarlıq etdi
Türkiyə və ABŞ arasında "F-35" böhranı
ABŞ-ın bütün təhdidlərinə rəğmən, Rusiya Türkiyənin tələbi üzrə hərəkətə keçdi