Президентский дворец в Тбилиси

Tbilisidə metro fəaliyyətini dayandırdı, avtobuslar pulsuz xidmətə keçdi

166
(Yenilənib 12:06 04.06.2018)
Metroda maşinistlər aclıq aksiyasına başlamaq niyyətində olduqlarını bəyan ediblər

BAKI, 4 iyun — Sputnik. Tbilisi metrosunda maşinistlər tətil elan edib və bu səbəbdən bu gün şəhər metrosu fəaliyyətini dayandırıb. Sputnik Azərbaycan "RİA Novosti"yə istinadən xəbər verir ki, etirazçılar əmək haqlarının artırılmasını tələb edirlər.

Metro stansiyalarının önündə sərnişinlərdən avtobusdan istifadə olunmasını xahiş edən, həmçinin metronun bağlı olmasını göstərən plakatlar yerləşdirilib. Öz növbəsində bu gün Tbilisidə avtobuslar pulsuz işləyəcək.

Metro maşinistləri, həmçinin aclıq aksiyasına başlamaq niyyətində olduqlarını da bəyan ediblər. Tbilisi meri Kaxa Kaladze maşinistlərin tətil barədə qərarına hiddətlənərək qeyd edib ki, "onlar kifayət qədər əmək haqqı alırlar".

Maşinistlər onlardan əmək haqlarının bir saat üçün 7 laridən 10 lariyə artırılmasını tələb edirlər. Ümumilikdə, Tbilisi metrosunda 240 maşinist işləyir.

166
Teqlər:
maşinist, əmək haqları, lari, Tbilisi, metro, avtobus, tətil
Əlaqədar
Tbilisidəki etiraz aksiyasında gözlənilməz dönüş: Daxili işlər naziri...
Tbilisidə yenidən etiraz aksiyası başlayıb
Tbilisidə vəziyyət gərginləşir: Aksiya iştirakçıları çadırlar qurur
Pasportda viza, arxiv şəkli

Azərbaycan Türkiyəyə səyahət barədə yeni qərar veriləcək

22
(Yenilənib 12:08 28.01.2021)
Türkiyə ilə Azərbaycan arasında qarşılıqlı olaraq vizadan azad etmə ilə bağlı yeni sənəd təsdiq ediləcək

BAKI, 28 yanvar — Sputnik. Üçüncü ölkələrdən Azərbaycan və Türkiyəyə səyahət edən şəxslər üçün pasportlardan istifadə məcburi olacaq.

Sputnik Azərbaycan-ın məlumatına görə, Milli Məclisin fevralın 1-də keçiriləcək plenar iclasında "Azərbaycan Hökuməti ilə Türkiyə Hökuməti arasında qarşılıqlı olaraq vizadan azad etmə haqqında 25 fevral 2020-ci il tarixində Bakı şəhərində imzalanmış Sazişə dəyişikliklər edilməsi haqqında Azərbaycan Hökuməti ilə Türkiyə Hökuməti arasında 1 saylı Protokol"un təsdiq edilməsi müzakirəyə çıxarılacaq.

Dəyişikliyə əsasən, üçüncü ölkələrdən Azərbaycan və Türkiyəyə səyahət edən şəxslər üçün pasportlardan istifadə məcburi olacaq.

Sənəddə qeyd edilib ki, tərəflərin ərazilərindən üçüncü ölkələrə və üçüncü ölkələrdən tərəflərin ərazilərinə daxil olmaq üçün pasportların istifadə olunması məcburidir. Sazişin 1 və 2 saylı əlavələrində müəyyən olunmuş digər sərhədkeçmə sənədləri yalnız bir tərəfin ərazisindən digərinə birbaşa səyahətlər üçün istifadə edilir.

22
Teqlər:
səyahət, Türkiyә, Azərbaycan, pasport
Türkiyə Prezidenti Rəcəb Tayyib Ərdoğan Bakıda paradda, arxiv şəkli

Ərdoğan Təhlükəsizlik Şurasını toplayır Gündəmdə Qarabağ da var

19
(Yenilənib 11:24 28.01.2021)
Təhlükəsizlik Şurasının iclası zamanı, həmçinin Türk ordusunun Azərbaycan, Liviya və Suriyadakı fəaliyyəti də dəyərləndiriləcək.

 

BAKI, 28 yanvar — Sputnik. Bu gün Türkiyə Prezidenti Rəcəb Tayyib Ərdoğanın sədrliyi ilə Türkiyənin Milli Təhlükəsizlik Şurasının iclası keçiriləcək. Sputnik Azərbaycan xəbər verir ki, Bakı vaxtı ilə saat 16:30-da başlayacaq iclas 2021-ci ildə ilk dəfə keçiriləcək.

İclas zamanı Aralıq dənizinin şərqindəki vəziyyət, həmçinin bu regionda gərginliyi azaltmaq üçün Yunanıstanla başladılan danışıqlar, terrorçularla mübarizə məsələsi müzakirə olunacaq.

Təhlükəsizlik Şurasının iclası zamanı, həmçinin Türk ordusunun Azərbaycan, Liviya və Suriyadakı fəaliyyəti də dəyərləndiriləcək.

19
Teqlər:
Rəcəb Tayyip Ərdoğan, iclas, Təhlükəsizlik Şurası, Qarabag, Azərbaycan, Türkiyә

Hava korlanacaq

0
(Yenilənib 13:29 28.01.2021)
Sabaha olan hava proqnozuna görə, gecə bəzi rayonlara yağış, qar yağacaq. Bakıdakılar üçün də hava xoş olmayacaq: külək güclənəcək

BAKI, 28 yanvar — Sputnik. Azərbaycanda yanvarın 29-da gözlənilən hava şəraiti haqda proqnoz açıqlanıb.

Milli Hidrometeorologiya Xidmətindən Sputnik Azərbaycan-a verilən məlumata görə, sabah Bakıda və Abşeron yarımadasında  havanın dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Arabir güclənən şimal-qərb küləyi əsəcək, günün ikinci yarısında şimal-şərq küləyi ilə əvəz olunacaq.

Havanın temperaturu Abşeron yarımadasında gecə 4-7, gündüz 9-11, Bakıda gecə 4-6, gündüz 9-11 dərəcə isti olacaq. Atmosfer təzyiqi 757 mm civə sütunundan 761 mm civə sütununa yüksələcək, nisbi rütubət gecə 70-80, gündüz 50-55 faiz təşkil edəcək.

Yanvarın 29-da Azərbaycanın bəzi rayonlarında yağış, dağlıq ərazilərdə qar yağacağı, gündüz havanın əsasən yağmursuz keçəcəyi gözlənilir. Ayrı-ayrı yerlərdə duman olacaq, qərb küləyi əsəcək, arabir güclənəcək.

Havanın temperaturu gecə 0-5, gündüz 8-12 dərəcə isti, dağlarda gecə 0-4 dərəcə isti, yüksək dağlıq ərazilərdə 0-5 dərəcə şaxta, gündüz 4-8 dərəcə isti olacaq.

Tibbi-meteoroloji proqnoz

Yanvarın 29-da Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir. 

0
Teqlər:
külək, yağış, hava proqnozu